ROMA 11:6 - WUKE SUSI WATTI'U AL᷊AL᷊USASSA

⁶ I Tou namile si mangitou ana waugu pinangianannu al᷊aman-Ne wuṛṛu wal᷊ine ana waugu pinangiananne pallal᷊agun mangitou. Ana waugu amungkangngu pamamilen Ruata udde pinangiananne wuassu pallal᷊agun taumata, ne al᷊amattu Ruata udde wal᷊inewe al᷊amatta apan tutune.

ROMA 11:6 Iomraidhean Croise

LUKAS 6:13

Napawe allote, i Tou namagote mallal᷊aṛṛenggen-Ne, see namilete sire mapul᷊o dua su atoune wuassu wallatti mangitou. I Tou nanagon sire mapul᷊o dua su atoune udde rasul. I mangitou eteudde:

1 KORINTUS 15:10

Arawe ana waugu al᷊amattu Ruata, i ya'u naola'a lai ere olangnge i ya'u orassa indi. Wuṛṛu talawe tawe gunane Ruata nangampunga si ya'u. Ewe'e ete i ya'u mammanara maṛṛimadda wuassu anambo manga rasul waine. Arawe udde ṛinone wal᷊ine ya'u mattinsahadda, udde sahaddu Ruata apan marangngu si ya'u wuṛṛu mammanara suadio'a ringangku.

GALATIA 2:21

I ya'u tawe mangngadio'a darangngun Ruata. Amungkangngu paa'aukku taumata ringannu Ruata mabbal᷊i mapia apia ana waugu mappaamattu titan agama, udde mangal᷊ene papaten Kristus tawe gunane!

GALATIA 5:4

Amungkangngu i yamiu maapulu masasangkapia apia ringannu Ruata wuassu lal᷊ummu titan agama, udde atappasanne paa'aukku ringanni Kristus nabassute. Ringannu aroddi yamiu mabbiakka su liuddu darangngun Ruata.

2 TIMOTIUS 1:9

Ruata mannal᷊amatta si ite wuṛṛu namago si ite, tadea'u maola'a al᷊aṛṛanang-Nge. I Tou na'ola'a udde wal᷊ine ana waugu apa apan suete nimmanaran kite, ewe'e ana waugu panduman-Ne sassane wuṛṛu darangngu-Ne. I Tou nandangngu si ite sulal᷊ummi Kristus Yesus ro'en runia indi taambe niriaddi.

TITUS 3:5

I Tou nanal᷊amatta si ite, wal᷊ine ana waugu i ite suete na'ola'a apapia, ewe'e ana waugu i Tou sassane tinumal᷊antupi ite. I Tou nanal᷊amatta si ite sulal᷊ummu Ghaṛṛahon Duata, apan nangonggolu arariaddianna wakku si ite wuṛṛu wiakka wakku ringannu nangukkassu daṛṛa-Ne si ite.