ROMA 11:25 - WUKE SUSI WATTI'U AL᷊AL᷊USASSA

²⁵ Manga tuṛṛangnga! I ya'u mangantimma yamiu arie mamendamma manungku yamiu masingkaten sarangkanambone. Ana waugu pia sambau apan ipaapulun Duata, arawe taambe niasingkatannu taumata. Wuṛṛu i ya'u maapulu i yamiu maasingkata; eteudde indi: Sangkawageanganna wuassu taumatan Yahudi apan mal᷊awangnga, arawe pallal᷊agu mangitou udde tumba'u ma'oma su tempone, napawe anambon taumata apan wal᷊ine Yahudi apan rudanta ringannu Ruata udde natimute.

ROMA 11:25 Iomraidhean Croise

DARALO 107:43

Antimanna taumata pande maṛṛingiddu anambon olangnge udde wuṛṛu manga'u manungku Mawu sidutu marangngu.

DARALO 127:1

Aantarin Salomo. Amungkangu wal᷊ine Mawu apan napararisikku wal᷊en, tawe gunane manga basene mammanara. Amungkangu wal᷊ine Mawu apan uariaga soa, tawe gunane mandariagane uataṛṛapa.

DARALO 22:27

Taumata asiangnga sarun umanna ma'oman sara mal᷊aidda; taumata apan rumanta ringannu Mawu sarun maddalo si Tou. Antimanna i yamiu su lal᷊umanna'a saran mal᷊annu-l᷊annu!

DARALO 72:17

Antimanna arannu ratu sidutu nanaunganna saran mal᷊annu-l᷊annu, wuṛṛu tumelengke saran matannallo ta'e pia. Antimanna manga walahanna madoronga al᷊amatanna ere i tou, wuṛṛu anambon taumata mannagone lal᷊umanna'a.

AMSAL 26:12

Taumata woddo ta'e lai mappianne wuassu taumata apan massunna watanganne pande.

AMSAL 26:16

Iapa malassa massunna watangnge mannamboanne apande wuassu siri pitu taumata apan sinumimbakka naṛṛino.

YESAYA 5:21

Nasilakate i yamiu apan mammendamma watangannu pande wuṛṛu lembon masingkatta!

HOSEA 14:9

Taumatan Israel sarun mandammen manga paal᷊uanna apan sassubbanne; i mangitou Ta'u paddul᷊iananna wuṛṛu Ta'u daringiṛṛanna aal᷊iomanne. Naal᷊ihidda aaluanna apan uasaṛṛihalo rongngane, i Ya'u sarun manirungnga si mangitou. Ete i Ya'u punnu al᷊awo'u al᷊amatti mangitou. I Ya'u, Mawu, buatte nabbisara.”

MATIUS 13:11

Mawu Yesus sinumimbakka, “Ana waugu i yamiu suete nionggol᷊annu al᷊amatta ipani'attu addapingnga su ola'u ereapa Ruata mamarenta, arawe i mangitou tawe nionggol᷊anna.

LUKAS 21:24

Piaddu pateannu hal᷊ele, pia lai apan sarun iapidda ere taumata niatawanna watukku manga wanuan taumata; wuṛṛu manga taumata apan tawe maaillal᷊a Ruata sarun maṛṛinda Yerusalem ma'oman sara masue tempone apan suete tinantunnu Mawu si mangitou.”

YOHANES 10:16

Ta'e pia manga domba waine lai apan tatahuanang-Ku, arawe tawe nareengnga sulal᷊ummu wageangngu domba indi. I mangitou lai ṛinone Ta'u iapidda wuṛṛu i mangitou sarun madaringikka tingi-U. I mangitou sarangkanambone sarun maola'a ammul᷊anna sambau ringannu mallal᷊u'adde sangkatou.

ROMA 1:13

Manga tuṛṛangnga! I ya'u maapulu tadea'u i yamiu maasingkata manungku masokkate i ya'u pia pandumma mattembo si yamiu arawe sidutu mangke pia hal᷊ahene. I ya'u maapulu tadea'u su wallatti yamiu lai, manara'u pia gessine ere lai manara'u apan buatte nabbua su wallattu manga taumata apan wal᷊ine Yahudi su manga tampa waine.

ROMA 11:12

Ana waugu walahannu Yahudi nassal᷊a wuṛṛu maddiri tumuṛṛutta apulun Duata, ne manga walahanna waine nial᷊amatannu Ruata. Nangillembo lai amungkangngu paa'aukku walahannu Yahudi ringannu Ruata maola'a mapia; ne maggewal᷊anna lai al᷊amatta apan sarun ionggolu Ruata!

ROMA 11:24

Tuṛṛangnga apan wal᷊ine wuassu walahannu Yahudi udde, naal᷊ihida rannan alu zaitun apan lul᷊u. Ei, amungkangngu i'o uatata'ae sulal᷊ummu pallal᷊agunu, wotongnge ireeta su alu zaitun tutune, lembonete manga taumatan Yahudi apan nisumandingnga su manga rannan alu zaitun tutune udde. Natantunna malluasanne Ruata mamelengngi mangitou su punnu alun zaitunni mangitou sassane.

ROMA 12:16

Pabbiakke su paddarame sangkatou ringannu waine. Imbaṛṛangnga mamunga, arawe sul᷊unga'a ririnu ere taumata apan manarane mawawo su aellegu awadaalla. Arie mamendamma ririnu apandeanne wuassu ṛinone.

ROMA 16:25

Daralo su Ruata! I Tou uataṛṛino mannohassa pangangimannu tuṛṛangnga nassul᷊ungngu Watti'u Al᷊al᷊uassa wuassu Ruata apan ta'u iapaasingkatta su ola'u Yesus Kristus. I ya'u namasingkatu watti'a udde nassul᷊ungngu ere apa apan niapaal᷊iatta'u Ruata; eteudde su ola'u paa'apulun Ruata apan mal᷊annute awaganannu taumata.

ROMA 9:18

Nariaddi Ruata mandangngu sangkatou, amungkangngu Ruata maapulu aroddi. Ruata mammalan sangkatou taumata mal᷊awangnga, amungkangngu Ruata maapulu aroddi lai.

1 KORINTUS 10:1

Manga tuṛṛangnga! Ṛinone tuṛṛangnga mannaungnga apa apan buatte nariaddi su iupungngu al᷊amonan kite su tempo i mangitou uatantalongnga si Musa. I mangitou sarangkanambone nial᷊indumannu winabbawa wuṛṛu ringannu sal᷊amatta tinumumbe su Tahal᷊oangnga Maṛṛamu.

1 KORINTUS 12:1

Orassa indi su ola'u manga al᷊amatta apan nionggolu Ghaṛṛahon Duata. Su olangnge udde, i ya'u maapulu i yamiu maasingkata apa apan su ṛinone.

1 KORINTUS 2:7

Apapande apan ta'u iwal᷊o udde eteudde apapande wuassu Ruata. Apapande udde awaganannu runia, arawe Ruata suete nanaddia lal᷊umanna'i ite ro'en runia indi taambe niriaddi.

1 KORINTUS 4:1

Ellehete i yami indi mangangimben Kristus, apan uapasanna manara mabbatti'u manga pandumannu Ruata apan taambe niasingkatannu runia.

EFESUS 1:9

Tumuṛṛuttu apulu-Ne sassane, Ruata namasingkata si ite addapingngu manara-Ne; i Tou buatte nabbisara manungku manara-Ne udde sarun insueanna sulal᷊ummi Kristus.

EFESUS 3:9

wuṛṛu lai tadea'u wuassia'u anambon taumata maasingkata ereapa Ruata, Mandariaddi ul᷊ilin pati'uppa indi, napaamattu manara-Ne ro'en dorone apan iaddappingnga su runia.

EFESUS 4:18

Ṛingiṛṛanni mangitou marandumpe. I mangitou tawe maaillal᷊a pabbiaṛṛanna apan nionggolu Ruata, ana waugu i mangitou atonna-tonna tawe asingkatta saran kadio'a su ola'u Ruata. I mangitou aroddi, ana waugu tawe maddaringikka Ruata.

2 PETRUS 3:8

Arawe manga tuṛṛangku, hatto sambau indi arie paabbul᷊iane: manungku su aellegu Mawu, allo massallo tawe paṛṛalane ringannu saṛṛiwu su tonnane – itarua udde nassul᷊ungnga si Tou.

SONDAPPA 1:20

Ete indi addapinga wuassu anumpitanna pitu apan niasiloannu su lima uanang-Ku, wuṛṛu wuassu pitu leddan sol᷊o wul᷊awanna udde: Anumpitanna pitu udde eteudde manga mala'ekatta su pitu jamaatta, wuṛṛu pitu leddan sol᷊o udde eteudde pitu jamaatta udde.”

SONDAPPA 10:7

Arawe napawe mala'ekatta appitune nattiuppa trompeti tou, Ruata sarun ma'ola'a ṛiin-Ne apan uawuni, ere suete niwatti'a su manga allang-Nge eteudde manga nabi.”

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”

SONDAPPA 7:9

Wua'udde i ya'u na'ellega apia, see niasiloanna taumata tumanite manambo – tawe saran sangkatou taumata apan wotongnge maareengngu anambone. I mangitou udde manga taumata wuassu al᷊awo'u walahanna, ṛuanganna, araratuanna, wuṛṛu wahasa. Ringannu uapeddetu jubah mawira-wira wuṛṛu ringannu uaaggasa manga rannang kalu palem su limane, manga taumata manambo udde dirumarisikka sinumaruanna adderan araratuanna wuṛṛu sinumaruanna Ana'u Domba udde.