ROMA 11:15 - WUKE SUSI WATTI'U AL᷊AL᷊USASSA

¹⁵ Ana waugu i mangitou tawe tinarimmattu Ruata, ne paa'aukku runia ringannu Ruata naola'e apia; nangillembo lai amungkangngu i mangitou tinarimmattu Ruata! Udde nassul᷊ungngu ere taumata nate nabbiakka apia!

ROMA 11:15 Iomraidhean Croise

DANIEL 9:24

Pitu ikali pitun pul᷊o su tonnane eteudde tempo apan nitantunnu Ruata ipamallossu walahannu wuṛṛu soanu apan susi udde wuassu rosa wuṛṛu al᷊el᷊eo. Al᷊awo'u rosa sarun ampunganna wuṛṛu atatul᷊idda apan saran mal᷊annu-l᷊annu sarun iaparisikka, na'oman sara sondappa wuṛṛu ramalanna udde sarun asingkatanna, wuṛṛu Wal᷊en Mawu apan susi udde sarun pattaṛṛamawuanna apia su Mawu.

LUKAS 15:24

Ana waugu ana'u indi natete, orassa indi nabbiakke apia; i tou nawul᷊ite, orassa indi niasombangante apia.’ See i mangitou nanattakke naandeangnga.

LUKAS 15:32

Arawe i ite sarun ma'andeangnga wuṛṛu lumuassa ana waugu tuarinu udde natete, arawe orassa indi nabbiakke apia; i tou nawul᷊ite, arawe orassa indi nawelengke apia.’ ”

ROMA 14:1

Taumata apan pangangimanne ta'e mattul᷊ungnga ṛinone sengkamanna ringannu mapia su wallattu manga tuṛṛangnga. Arie pattatiakka ringanni tou su ola'u pangangimanne.

ROMA 14:3

Taumata apan u'anna tawe mamile, arie mangadio'a taumata apan u'anna tumba'u anna buatte tinantunne; wuṛṛu taumata apan tumba'u u'anna anna buatte tinantunne, arie lai mapaasal᷊an taumata apan u'anna alawo'u anna, ana waugu Ruata suete nanarimmatti tou.

EFESUS 1:10

Manara udde eteudde tadea'u al᷊awo'a, mawae udde su surga ara'e su runia, maola'a sambau ringanni Kristus ere sangkatou tembonanne. Wuṛṛu olangnge udde sarun insueannu Ruata amungkangu nia'omante tempone.

SONDAPPA 11:11

Napawe tallute allo mattangnga, nirumantate sasangngo ipabbiakka wuassu Ruata wuṛṛu sinumutta apia sulal᷊ummu nabi darua udde. Ne i mangitou nabbuatte dirumarisikka, na'oman sara taumata apan naasilo si mangitou nata'utta atonna.