ROMA 11:1 - WUKE SUSI WATTI'U AL᷊AL᷊USASSA

¹ I ya'u maiwal᷊o: Apa Ruata suete nandammen walahan-Ne sassane? Atonna tawe! I ya'u sassane sangkatou taumatan Israel papapulunni Abraham, wuṛṛu wuassu ṛuanganni Benyamin.

ROMA 11:1 Iomraidhean Croise

2 MARARATU 23:27

Mawu nabbisara, “Sarangkanambone apan buatte Ta'u niola'a su saruannu Israel. Sarun Ta'u olaanna lai su saruannu Yehuda. Taumatan Yehuda sarun Ta'u iramme wuassu wanua apan Ta'u ionggola si mangitou. I Ya'u sarun manol᷊a'u Yerusalem, soa apan nipile-U, wuṛṛu lai wal᷊e-U indi, apan tumuṛṛuttu wisara-U sarun maola'a tampa patataṛṛamawuanna si Ya'u.”

DARALO 77:7

Sutempo ṛabbi i ya'u maṛṛingidda, wuṛṛu ma'iwal᷊o sulal᷊ummu naungnga,

DARALO 94:14

Ana waugu Mawu sarun tawe manantangngu al᷊aṛṛanang-Nge; i Tou tawe ma'ellega aroddi pussa'a-Ne.

HOSEA 9:17

Ruata apan ta'u a'imbeanna udde sarun manol᷊a'u uman-Ne, ana waugu i mangitou maddiri maddaringikka si Tou. I mangitou sarun lumallele suwallattu manga walahanna.

LUKAS 20:16

I tou sarun dumanta wuṛṛu mamate manga mammamanara udde, see manantillu wailla udde su mammamanara waine.” Naaringikka aroddi, nabbisarate manga taumata su Mawu Yesus, “Atonna-tonna tawe!”

WATTI'U MANGA RASUL 22:3

“I ya'u taumatan Yahudi,” unni Paulus, “i ya'u niasungkangnga su Tarsus su leta'u Kilikia arawe i ya'u niwuwunna isindi su Yerusalem, wuṛṛu niaṛṛaanna ringannu ma'uduppa wuassu huru wahewa Gamaliel sulal᷊ummu Tita apan nionggolli Musa su iupungngu al᷊amonang kite. Ere lai manga tuṛṛangnga sarangkanambone isindi, allo indi, ya'u lai maṛṛimadda su manaran Ruata.

WATTI'U MANGA RASUL 26:4

Anambon taumatan Yahudi masingkatta ereapa i ya'u mabbiakka ro'en i ya'u ta'e umbasanna. I mangitou masingkatta manungku ro'en i ya'u umbasanna, i ya'u mabbiakka su wallattu manga pabbawala'u sassane su Yerusalem.

ROMA 11:11

I Ya'u maiwal᷊o apia; Su tempon taumatan Yahudi nanawo, apa udde mariaddi tadea'u i mangitou maṛṛimunsa'a? Atonna-tonna tawe! Arawe ana waugu i mangitou marosa, ne walahanna waine naasomba asasal᷊amatta, na'oman sara taumatan Yahudi tawe mal᷊uassa su walahanna waine udde.

ROMA 3:4

Natantuna tawe! Ana waugu nasemakke manungku Ruata sidutu atonna, salaiwe al᷊awo'u taumata mammahia. Sulal᷊ummu Wuke Susi uawoṛṛetta, “Ṛinone i'o aatialanna atonna sulal᷊ummu apa apan iwabbisaranu, wuṛṛu i'o maauntungnga su tempo i'o parikisanna.”

ROMA 9:3

ana waugu manga tuṛṛangnga sambalahangku. Ana waugu ete si mangitou, i ya'u sassane mal᷊uassa wontohannu Ruata wuṛṛu iapaatal᷊ei wuassi Kristus.

2 KORINTUS 11:22

I mangitou taumatan Ibrani? I ya'u lai taumatan Ibrani. I mangitou taumatan Israel? I ya'u lai taumatan Israel. Papapulunni Abraham i mangitou? I ya'u lai aroddi ere i mangitou!

FILIPI 3:5

I ya'u nissunatta su tempo uukka ual᷊u allo. I ya'u niasungkangnga ere sangkatou Israel, wuassu ruanganni Benyamin; i ya'u taumatan Ibrani tutune. Sulal᷊ummu tatuṛṛuta su manga titan agaman Yahudi, ya'u nasutta su reengannu taumatan Farisi.

1 SAMUEL 12:22

Mawu buatte nassalu, manungku i Tou sarun tawe manantangngi yamiu ana waugu i Tou buatte nakkawessa ma'ola'a si yamiu al᷊aṛṛanang-Nge sassane.