ROMA 10:9 - WUKE SUSI WATTI'U AL᷊AL᷊USASSA

⁹ Ana waugu amungkangngu tuṛṛangnga mangnga'u ringannu moṛṛongngu manungku “Yesus udde Mawu”, wuṛṛu i'o mangngimanna sulal᷊ummu naungngu manungku Ruata buatte napaawiakku Mawu Yesus wuassu papate, i'o sarun masal᷊amatta.

ROMA 10:9 Iomraidhean Croise

LUKAS 12:8

“Paanaunge mapia-pia: Taumata apan nanga'u su saruannu awada'alla manungku i tou mallal᷊aṛṛenggeng-Ku, i tou sarun a'uannu Ana'u Taumata lai su saruannu manga mala'ekattu Ruata.

YOHANES 9:22

Inangnga iamangngu taumata udde sinumimbakka aroddi ana waugu i mangitou matta'uttu manga piaṛṛa'u Yahudi; ana waugu i mangitou na'irete, manungku taumata apan manga'u Mawu Yesus Ratum Punnu Sal᷊amatta, tate wotongnge sumutta su wal᷊em pattataṛṛamawuanna.

WATTI'U MANGA RASUL 16:31

I Paulus wuṛṛu i Silas sinumimbakka, “Pangngimante Mawu Yesus! I'o saru masal᷊amatta – i'o wuṛṛu anambon taumata sulal᷊ummu wal᷊enu!”

WATTI'U MANGA RASUL 2:24

Arawe Ruata napaawiakki Tou apia wuassu wallattu manga taumata nate. I Tou niallupu papate, arawe Ruata napaal᷊iun Tou, ana waugu tawe ṛinone i Tou sidutu aagasannu papate.

WATTI'U MANGA RASUL 2:32

Ete Mawu Yesus udde apan niapaawiakku Ruata apia wuassu papate. Iami sarangkanambone suete naasilo sassane olangnge udde.

WATTI'U MANGA RASUL 8:36

Su pattangngannu amatanne, itarua na'omate su sambau tampa pia ua'e. Tembonanne udde nabbisara, “Pa'ellega udde pia ua'e! apa lai auranganne tadea'u i ya'u saṛṛanianna?” [

ROMA 10:10

Ana waugu ringannu naungnge taumata mangngimanna, na'oman sara Ruata nanengkamma si tou naola'a sangkatou taumata apan uasasangkapia Ruata. Wuṛṛu ringannu moṛṛongnge taumata mangnga'u, na'oman sara i tou naasomba asasal᷊amatta.

ROMA 14:11

Sulal᷊ummu Wuke Susi uawoṛṛetta, “Mangke atonna,” wisaran Mawu, “sangkatou-sangkatou sarun massubba su saruang-Ku; wuṛṛu sangkatou-sangkatou sarun manga'u manungku ete i Ya'u Ruata.”

ROMA 14:9

Kristus natete wuṛṛu nabbiakke apia. Ana waugu udde i Tou naola'a Mawu manga taumata wiakka wuṛṛu lai manga taumata apan natete.

ROMA 4:24

arawe si ite lai. I ite sarun itarimmata ere sangkatou taumata apan maal᷊uassa naungngu Ruata, ana waugu i ite mangngimanna Ruata apan suete napaawiakku Mawu Yesus, Mawu kite wuassu papate.

ROMA 8:34

Apa pia taumata apan mapaasal᷊an kite? Kristus Yesus sarun manamba'a si ite. Ete i Tou apan buatte nate, ara'e ete i Tou apan buatte nabbiakka apia wuassu papate wuṛṛu tampane ringannu Ruata, isudde i Tou mammarenta.

1 KORINTUS 12:3

I yamiu ṛinone maasingkata, manungku taumata apan aehetannu Ghaṛṛahon Duata tawe maapabbisara, “Niawontohante Mawu Yesus!” Aroddi lai tawe saran sangkatou wotongnge mabbisara, “Tumba'u Mawu Yesus udde Mawu!” amungkangngu taumata udde tawe aehetannu Ghaṛṛahon Duata.

FILIPI 2:11

I mangitou sarangkanambone sarun manga'u manungku ete Yesus Kristus udde Mawu; ringannu aroddi Ruata Iamangnga wantuhanna.

1 PETRUS 1:21

Ete wuassi Tou i yamiu mangngimanna Ruata apan suete napaawiakki Tou apia wuassu papate wuṛṛu namantuga si Tou. Nariaddi ete Ruata apan pangimananni yamiu wuṛṛu ete su Ruata lai apan pangantimanni yamiu.

1 YOHANES 4:15

Isa-sai apan mangnga'u manungku Yesus udde Ana'u Ruata, Ruata mabbiakka uaaukka ringannu taumata udde, wuṛṛu taumata udde lai mabbiakka uaaukka ringannu Ruata.

2 YOHANES 1:7

Manambo taṛṛa wahia nassal᷊iawukke su ahewallu runia. I mangitou eteudde manga taumata apan tawe manga'u manungku Yesus Kristus nirumanta su runia indi naola'a sangkatou taumata. Taumata ereudde uddewe taṛṛa wahia, wuṛṛu Seetti Kristus.