ROMA 10:1 - WUKE SUSI WATTI'U AL᷊AL᷊USASSA

¹ Manga tuṛṛangnga! I ya'u maapulu atonna tadea'u walahangku masal᷊amatta. Wuṛṛu i ya'u atonna-tonna u'al᷊iomanna su Ruata huna mangitou.

ROMA 10:1 Iomraidhean Croise

SASABANGNGA 32:10

Imbaṛṛangnga manal᷊are si Ya'u. I Ya'u massa'u si mangitou wuṛṛu inai mamate si mangitou. Arawe i'o wuṛṛu papapulunnu sarun Ta'u olaanna sambau walahanna apan bahewalla.”

SASABANGNGA 32:13

Naungete manga allangngu i Abraham, i Ishak wuṛṛu i Yakub. Naungete manungku I'o lai na'ire ringannu sasalu tadea'u mangonggolu papapulunna anambone ere anumpitanna su langitta, wuṛṛu lai manungku ahewallu leta'a apan pina'ire-Nu udde sarun maola'a pussa'a papapulunni mangitou saran mal᷊annu-l᷊annu.”

YEREMIA 17:16

Arawe, oh Mawu, taambe saran paassa i ya'u namata'a tadea'u I'o mandantan asasilaka si mangitou. I ya'u lai maddiri tadea'u i mangitou aṛṛiaannu asasusa. I'o masingkattu udde, Mawu. I'o masingkattu wisara'u.

YEREMIA 18:20

Wotongngewe apapia wal᷊isannu al᷊al᷊eo? Arawe i mangitou buatte naal᷊i loṛṛangnga tadea'u i ya'u mawontolla sulal᷊umme. Naungete manungku i ya'u buatte nanamba'a si mangitou su saruan-Nu, tadea'u I'o tawe masa'u si mangitou.

LUKAS 13:34

Yerusalem, Yerusalem! Manga nabi suete nipatenu! Manga ralol᷊oṛṛannu Ruata suete tinuntungannu watu na'oman sara nate! Paapirate i ya'u ma'apulu mangammullu anambon tumana'u soa indi ere inangngu manu'a mangooppa manga anangnge sulal᷊ummu papaidde, arawe i'o maddiri!

YOHANES 5:34

Olangnge indi Ta'u iwisara, wal᷊ine ana waugu i Ya'u mapandumma tatiala wuassu taumata, arawe tadea'u i yamiu maasomba asasal᷊amatta.

ROMA 10:2

I ya'u waṛṛani mabbisara manungku i mangitou mal᷊utu atonna mattaṛṛamawu Ruata. Arawe apulun mangitou udde tawe pinangiananne wuassu asingkattu Ruata.

ROMA 9:33

Su ola'u watu udde sulal᷊ummu Wuke Susi uawoṛṛetta arendi, “Paanaunge indi: Su Sion buatte Ta'u niaddo sambau watu apan sarun atarannu taumata; eteudde sambau watu wahewa apan sarun mangema'u taumata. Arawe taumata apan mangngimanna si Tou tawe sumassilla.”

1 SAMUEL 12:23

Su ola'u watangangku, doronganna ya'u tawe lai marosa su saruannu Mawu ana waugu tawe niumal᷊iomanni yamiu. Arawe mawal᷊i'a lai ya'u sidutu mangngaṛṛa'a si yamiu inolaanna apan mapia wuṛṛu naṛṛino.

1 SAMUEL 15:11

“I ya'u sinumassilla nanenegi Saul naola'a ratu, ana waugu i tou buatte tinumal᷊iudda si Ya'u, wuṛṛu tawe tumuṛṛutta parenta-U.” I Samuel mangke nasusa, wuṛṛu su al᷊o'engngu ṛabbi i tou sussal᷊ande Mawu.

1 SAMUEL 15:35

Su al᷊o'engngu pabbiaṛṛanne, i Samuel tate nassomban Saul apia. Arawe i Samuel massusa ana waugu sinumassilla nanenegi Saul naola'a ratun Israel.