ROMA 1:7 - WUKE SUSI WATTI'U AL᷊AL᷊USASSA

⁷ Ana waugu udde i ya'u namoṛṛettu suratta indi si yamiu. Antimanna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu al᷊al᷊uassa si yamiu.

ROMA 1:7 Iomraidhean Croise

DARALO 60:5

Niwala-Nu al᷊aṛṛanang-Ngu naṛṛiaannu asasusa mawakkata; i yami sussasendekka ere taumata wu'anna.

ANTARI MAWANTUGA 5:1

I ya'u nirumanta su wawail᷊angku, tuari, pare'u, ta'u niammulla mur wuṛṛu rampa-rampa'u; ta'u nianna sal᷊akku langon pul᷊a wuṛṛu pul᷊a'u, ta'u niinumma susu wuṛṛu ua'e'u anggore Aante wuṛṛu pa'inumpe, manga hawe, pa'inumpe ma'oman sara iwu'annu paapulu.

REENGANNA 6:25

Antimanna Mawu umakkanna wuṛṛu tumal᷊antuppi yamiu.

MATIUS 5:16

Aroddi lai asasemakku ṛinone lai lumansiangnga su saruannu taumata, tadea'u i mangitou maasilo al᷊awo'u pallal᷊agunu apan mapia, wua'udde padalote Ruata su surga.”

YOHANES 20:17

“Arie pamita si Ya'u” wisara Mawu Yesus si tou, “ana waugu i Ya'u taambe nasengkengnga ringannu Iamangnga. Arawe roote ringannu manga tuṛṛang-Ku, wuṛṛu pasingkata'e si mangitou manungku orassa indi Ya'u ireete ringannu Iamang-Ku wuṛṛu Iamangngu, Ruata-U wuṛṛu Ruatanu.”

WATTI'U MANGA RASUL 15:23

Suadio'a ringannu manga daroloṛṛanna udde, i mangitou napaapiddu suratta lai apan tingikke arendi, “Iwuna'a su anambon tuṛṛangnga wuassu manga walahanna waine apan wal᷊ine Yahudi, wuṛṛu uatana'a su Antiokhia, Siria, wuṛṛu Kilikia. Tabea wuassi yami, manga rasul wuṛṛu manga piaṛṛangnge, eteudde manga tuṛṛangngu.

WATTI'U MANGA RASUL 9:13

Ananias sinumimbakka, “Mawu, i ya'u suete naaringikka manambo taumata uahahatton taumata indi, lembonete su ola'u pandal᷊al᷊eo apan niolangnge su saruannu walahanna su Yerusalem.

ROMA 1:6

Pandumannu wisara al᷊awo'u walahanna eteudde i yamiu lai apan uatana'a su Roma; i yamiu lai buatte niwagoanna maola'a taumatan Mawu Yesus Kristus.

ROMA 5:1

Orassa indi i ite naaukka apia ringannu Ruata, ana waugu i ite mangngimanna. Wuṛṛu ana waugu udde i ite mabbiakka sulal᷊ummu paddarame ringannu Ruata sulal᷊ummu Mawun kite Yesus Kristus.

ROMA 5:5

Pangangantimma ereindi tawe mapaaddio'u naungngi ite, ana waugu naungngi ite nilloṛṛoannu Ruata ringannu darangngu-Ne. Ruata nammanara udde ringannu Ghaṛṛaho-Ne, apan suete nionggola si ite.

ROMA 8:28

I ite masingkata manungku Ruata mangngatokku al᷊awo'u inolaanna indi, na'oman sara mabbua mapia hunane su manga taumata apan marangngu si Tou wuṛṛu apan niwagoan-Ne ringannu apulu-Ne sassane.

ROMA 8:39

mawae ete manga inolaanna su langitta, ara'e su wowon runia ara'e saranapa lai waine, sarangkanambone udde tawe wotongnge maasingaddu aakkannu Ruata si ite, ere buatte niapaasingkati Tou su pabbiaṛṛani Kristus Yesus Mawun kite.

ROMA 9:25

Ana waugu sulal᷊ummu wuken Nabi Hosea, Ruata nabbisara, “Manga taumata apan wal᷊ine walahanna-Ku, sarun isaggo ‘Walahanna-Ku’. Walahanna apan ipaadiri-U, sarun isaggo-U ‘Arangnguang-Ku’.

1 KORINTUS 1:24

Arawe su taumata apan buatte niwagoannu Ruata – mawae ete taumatan Yahudi ara'e wal᷊ine Yahudi – watti'a udde maola'a lal᷊annu Ruata mapaal᷊iatta'u taṛṛino wuṛṛu apande-Ne.

1 KORINTUS 16:23

Antimanna Mawu Yesus mangal᷊amatta si yamiu.

GALATIA 6:18

Doronganna Mawun kite Yesus Kristus sidutu mangal᷊amatta manga tuṛṛangnga. Amin. Tabea wuassi yami, Paulus

EFESUS 1:2

I ya'u, Paulus, rasulli Kristus Yesus wuassu apulun Duata, mangngantimma doronganna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu paddarame si yamiu.

EFESUS 6:23

Sal᷊andeanna su Ruata Iamangnga, wuṛṛu Mawu Yesus Kristus mamalan anambon jamaatta uaaukka wuṛṛu uararangngu wuṛṛu sidutu mangngimanna si Kristus.

TAHIUL᷊E 33:12

Su ṛuanganni Benyamin i tou nabbisara: “Ete indi ṛuanganna apan arangnguannu Mawu. I Tou ual᷊u'adda si mangitou allo wuṛṛu ṛabbi wuṛṛu uatana'a suwallati mangitou.”

FILIPI 1:2

mangantimma doronganna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu paddarame si yamiu.

FILIPI 4:13

Ringannu taṛṛino apan nionggoli Kristus si ya'u, i ya'u pia atatohassa sumaruanna al᷊awo'u asasusa sarangkanambone.

FILIPI 4:20

Dalo su Ruata Iamangngi ite saran mal᷊annu-l᷊annu! Amin.

FILIPI 4:23

Doronganna Mawu Yesus Kristus mangal᷊amatta tuṛṛanga sarangkanambone. Tabea wuassi yami, Paulus wuṛṛu Timotius

KOLOSE 3:12

Eteudde tuṛṛanga sarangkanambone al᷊aṛṛana'u Ruata. Ruata marangngu si yamiu wuṛṛu namile si yamiu maola'a pussa'a-Ne sassane. Ana waugu udde i yamiu ṛinone mapaal᷊iatta'u apapia, i yamiu ṛinone uasasangkapia, masaṛṛionto'a, masaṛṛiologa wuṛṛu mataṛṛanga su asasusa.

KOLOSE 3:15

Ṛinone manga pangudusannu hatto udde insueannu paddarame apan nionggoli Kristus sulal᷊ummu naungngu. Ana waugu Ruata namaggo si yamiu maola'a sambau waddanga, tadea'u i yamiu mabbiakka sulal᷊ummu paddarame wuassi Kristus udde. Ṛinone i yamiu maadiangkamanna.

1 TESALONIKA 1:1

Manga tuṛṛangnga jamaatta su Tesalonika apan naola'a al᷊aṛṛana'u Ruata Iamangnga wuṛṛu Mawu Yesus Kristus: I yami, eteudde Paulus, Silas wuṛṛu Timotius mangngantimma doronganna Ruata mangonggolu al᷊amatta wuṛṛu paddarame si yamiu.

1 TESALONIKA 1:4

I yami masingkatta manga tuṛṛangnga, manungku Ruata mandangngu si yamiu wuṛṛu suete namile si yamiu maola'a pussa'a-Ne sassane.

1 TESALONIKA 4:7

Ruata mammaggo si ite, wal᷊ine tadea'u see i ite mabbiakka sussandaga, ewe'e tadea'u i ite mabbiakka maal᷊uassa naungngu Ruata.

1 TESALONIKA 5:28

Antimanna Mawun kite Yesus Kristus mangal᷊amatta si yamiu. Tabea wuassi yami, Paulus

2 TESALONIKA 1:2

mangngantimma doronganna Ruata Iamangnga wuṛṛu Mawu Yesus Kristus mangonggolu al᷊amatta wuṛṛu paddarame si yamiu.

2 TESALONIKA 3:16

Eteudde Mawu punnu paddaramen kite. Doronganna i Tou siddutu mangonggolu paddarame si yamiu su al᷊awo'u inolaanna. Doronganna Mawu makkundinganna tuṛṛanga sarangkanambone.

2 TESALONIKA 3:18

Doronganna Mawun kite Yesus Kristus mangal᷊amatta tuṛṛanga sarangkanambone. Tabea wuassi yami, Paulus

1 TIMOTIUS 6:2

Manga allangnga apan mawune taumatan Saṛṛani, tawe wotongnge mangngaddio'a mawune ana waugu i mangitou labbisa taumatan Saṛṛani. Ewe'e ṛinone i mangitou mangimbe mawu mangitou udde ringannu lembon apiane lai, ana waugu mawu apan a'imbeanna ringannu mapia, eteudde sambau taumata mangngimanna apan arangnguanna. Sarangkanambone indi ṛinone iaṛṛa'a wuṛṛu itantironu.

2 TIMOTIUS 4:22

Doronganna Mawu makkundinganna si'o. Doronganna Mawu mangal᷊amatta Manga tuṛṛangnga! Tabea wuassi yami, Paulus

TITUS 1:4

Titus, eteudde i'o atonna-tonna ana'u, ana waugu i'o wuṛṛu i ya'u suaddio'a suete nangimanna si Kristus. I ya'u mangantimma doronganna Ruata Iamangnga wuṛṛu Kristus Yesus Ratum Punnu Sal᷊amatti ite, mangonggolu al᷊amatta wuṛṛu paddarame si'o.

FILEMON 1:25

Doronganna Mawu Yesus Kristus mangal᷊amatta si yamiu. Tabea wuassi yami, Paulus

FILEMON 1:3

I yami mangantimma doronganna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu paddarame si yamiu.

YAKOBUS 1:1

Manga tuṛṛangnga al᷊aṛṛana'u Ruata sarangkanambone apan uasal᷊iawukka su ahewallu runia! Tabea wuassi ya'u, Yakobus, allangngu Ruata wuṛṛu allangngi Yesus Kristus.

1 PETRUS 1:15

Arawe, ṛinone i yamiu susi su al᷊awo'u inolaanni yamiu, ere lai Ruata apan namaggo si yamiu udde susi.

1 YOHANES 3:1

Pa'ellege, Ruata aroddi arangngune si ite, na'oman sara i ite nia'u al᷊aṛṛanang-Nge. Wuṛṛu atonna ete i ite udde al᷊aṛṛana'u Ruata. Ana waugu udde runia apan lal᷊eo indi tawe maaillal᷊a si ite, ana waugu runia tawe maaillal᷊a Ruata.

2 YOHANES 1:3

Antimanna i ite onggol᷊annu al᷊amatta, aakkana wuṛṛu paddarame wuassu Ruata Iamangnga, wuṛṛu Yesus Kristus Ana'u Iamangnga udde. Antimanna sarangkanambone udde tatahuananni ite ringannu naungnga apan matul᷊idda wuṛṛu ringannu darangngu.

SONDAPPA 2:1

“Su mala'ekattu jamaatta su Efesus, woṛṛetta'a arendi: Ete indi tanata wuassi Tou apan uaagassa anumpitanna pitu su lima uanan-Ne, wuṛṛu u'amatta su wallatu pitu leddan sol᷊o wul᷊awanna udde.

SONDAPPA 2:12

“Su mala'ekattu jamaatta su Pergamus, woṛṛetta'a arendi: Ete indi tanata wuassi Tou apan uaagasa hal᷊ele maṛṛoro apan ṛorone ruam ba'a.

SONDAPPA 2:18

“Su mala'ekattu jamaatta su Tiatira, woṛṛetta'a arendi: Ete indi tanata wuassu Ana'u Ruata, apan mata-Ne lukkenggama naal᷊ihida putungnga, wuṛṛu ledda-Ne lukkena naal᷊ihidda witu'a nitambuna.

SONDAPPA 2:29

Isai-sai wotongnge maaringikka ṛinone manutukka apa apan iwabbisara Ghaṛṛahon Ruata su manga jamaatta!”

SONDAPPA 2:8

“Su mala'ekattu jamaatta su Smirna, woṛṛetta'a arendi: Ete indi tanata wuassi Tou apan paarorone wuṛṛu pangudusanne – apan natete wuṛṛu nabbiakka apia.

SONDAPPA 22:21

Sal᷊andeanna Mawu Yesus sarun mangonggolu al᷊aman-Ne su anambon al᷊aṛṛana'u Ruata!

SONDAPPA 3:14

“Su mala'ekattu jamaatta su Laodikia, woṛṛetta'a arendi: Ete indi tanata wuassu Awantuhanne Amin, Mattatiala apan matammuda wuṛṛu naṛṛino, punnu al᷊awo'u sarannapa apan niola'u Ruata.

SONDAPPA 3:22

Isai-sai wotongnge maaringikka, ṛinone manutukka apa apan niapaasingkatu Ghaṛṛahon Ruata su manga jamaatta!”

SONDAPPA 3:7

“Su mala'ekattu jamaatta su Filadelfia, woṛṛetta'a arendi: Ete indi tanata wuassi Tou apan susi wuṛṛu tutune. Ete i Tou uaaggasa a'unsi apan tatahuananni Daud; amungkangu i Tou mamu'a, tawe saran sangkatou wotongnge maaṛṛu'uda, wuṛṛu amungkangu i Tou maṛṛuuda, tawe saran sangkatou wotongnge maawu'a.