ROMA 1:18 - WUKE SUSI WATTI'U AL᷊AL᷊USASSA

¹⁸ Wuassu surga Ruata napaal᷊iatta'u asasa'u-Ne su anambon rosa wuṛṛu al᷊al᷊eon taumata, ana waugu al᷊al᷊eo mannal᷊are taumata ma'illal᷊a al᷊aṛṛa'u Ruata apan atonna.

ROMA 1:18 Iomraidhean Croise

SASABANGNGA 23:7

Paaraua'a aansilla awusu wuṛṛu imbaṛṛangnga taumata tawe sal᷊ane iṛṛuumanna pateanna, ana waugu i Ya'u tawe manamba'a taumata apan ma'ola'a al᷊al᷊eo ereudde.

ROMA 1:19

Apa apan wotongnge asingkatannu taumata su ola'u Ruata natualage sulal᷊ummu naungngu taumata, ana waugu Ruata sassane napaal᷊iatta'a su taumata.

ROMA 1:28

Ana waugu taumata maddirite lai ma'illal᷊a Ruata, ne Ruata namalaten ṛingiddi mangitou malal᷊eo, na'oman sara i mangitou ma'ola'a manga inolaanna apan ṛinone tawe wotongnge olaanna.

ROMA 1:32

I mangitou masingkata manungku tumuṛṛuttu titan Duata, taumata apan ma'ola'a sarangkanambone udde ṛinone iṛṛuumanna pateanna. Salaiwe aroddi, i mangitou ta'e lai ma'ola'a inolaanna udde; wuṛṛu ewe'e inumire lai amungkangngu taumata waine ma'ola'a udde.

ROMA 2:3

Arawe i yamiu, manga tuṛṛangnga, ma'ola'a sassane lai manga inolaanna apan ipangngansilli yamiu su manga taumata waine! Wuṛṛu su ṛingiddi yamiu, i yamiu wotongnge mal᷊iudda wuassu ṛuumannu Duata?

ROMA 3:9

Ei, apa i ite taumatan Yahudi mappianne wuassu taumatan walahanna waine? Mangke tawe! Ere suete ta'u niwisara manungku mawae taumatan Yahudi ara'e walahanna waine, sarangkanambone udde tatahuanannu rosa.

ROMA 4:15

Titan agama Yahudi mandantan ṛuumannu Ruata. Arawe amungkangngu tawe tita, ne tawe lal᷊awangnga lai.

ROMA 5:6

Su tempo i ite sulal᷊ummu al᷊allome, Kristus nate ana waugu i ite, su tempo apan suete nitantunu Ruata; sumbal᷊i i ite manga taumata marau wuassu Ruata.

ROMA 5:9

Orassa indi i ite naaukke apia ringannu Ruata sulal᷊ummu papaten Kristus; ana waugu udde sulal᷊ummete i ite masal᷊amatta lai wuassu asasa'un Ruata ana waugu Kristus.

ROMA 6:13

Arie lai i'o manantillu wageangngu wadangngu su taṛṛinon dosa ana waugu ipaatta su manga pandumanna apan lal᷊eo. Arawe tantila'e ririnu su Ruata ere taumata apan buatte niingkata wuassu papate watukku pabbiaṛṛanna. Tantila'e ahewallu ririnu su Ruata tadea'u ipaatta ma'ola'a apulu Duata.

EFESUS 5:6

Iambaṛṛanga i yamiu awusuannu manga hatto awusu. Ana waugu, ete manga hatto indi, apan maasa'u Ruata su saruannu manga taumata apan mal᷊awangnga si Tou.

KOLOSE 3:6

Manga inolaanna ereudde mapaal᷊atton wontogu Ruata su manga taumata apan mal᷊awangnga.

2 TESALONIKA 2:10

I tou sarun mappaattu al᷊awo'u awusune apan lal᷊eo ipangal᷊iwu manga taumata apan sarun mate. I mangitou sarun mate ana waugu tawe maddaringikka wuṛṛu maddirin wattia'a apan naṛṛino wuassu Ruata apan wotongnge manal᷊amatta si mangitou.

2 TESALONIKA 2:6

Wuṛṛu i yamiu masingkata apa apan orassa indi ta'e maasal᷊are sarangkanambone udde mariaddi. Paṛṛadote su tempo apan suete tinantunu Ruata, Taumata Lal᷊eo udde sarun rumanta.