ROMA 1:14 - WUKE SUSI WATTI'U AL᷊AL᷊USASSA

¹⁴ Ana waugu i ya'u pia manara'u su saruannu al᷊awo'u walahanna; apan pia addanne wuṛṛu ta'e lul᷊u, apan pia asingkanne ara'e lai apan taambe asingkanne.

ROMA 1:14 Iomraidhean Croise

AMSAL 1:22

“Ei manga taumata longonna! Maddatingngu tingngera apulun kamiu sidutu aroddi? Tingngerate a'omanna tempone i yamiu umaddo mangngaddio'a wuṛṛu manol᷊a'u al᷊aṛṛa'a?

AMSAL 8:5

I yamiu apan taambe natimu asingkatta su pabbiaṛṛanna, pangurumpe tadea'u ṛingirannu maṛṛoro; i yamiu apan longonna, pangurumpe tadea'u maola'a maasunna.

YESAYA 35:8

Poiaroddi sarun pia lal᷊anna wahewalla, “Lal᷊anna matuddan asasal᷊amatta” aranne. Taumata marosa sarun tawe umamatta poiaroddi, taumata woddo sarun tawe mangal᷊iwun taumata umamatta isudde.

MATIUS 11:25

Su tempo udde Mawu Yesus u'al᷊iomanna, “Iamangnga Mawu apan uataṛṛino langitta wuṛṛu runia! I Ya'u ma'adiangkamanna Si'o ana waugu sarangkanambone udde niadapping-Ngu wuassu manga taumata apan pande wuṛṛu pia asingkanne, arawe I'o mannualaga su manga taumata apan tawe si'ol᷊ane.

LUKAS 10:21

Su tempo udde lai, Mawu Yesus lullala'a ana waugu niasuttannu Ghaṛṛahon Ruata. Mawu Yesus nabbisara, “Iamangnga, Mawu apan uatahuanna langitta wuṛṛu runia! I Ya'u ma'adiangkamanna Si'o ana waugu sarangkanambone udde niadappingngu su taumata nambo apan pande wuṛṛu pia asingkanne, arawe I'o napaal᷊iatta'a su manga taumata tawe si'ol᷊ane. Eteudde apan ma'al᷊uassa naungngu Iamangnga.

WATTI'U MANGA RASUL 22:21

Arawe Mawu nabbisara apia lai si ya'u, ‘Roote, ana waugu i Ya'u sarun mandolokku inai su tampa apan marau ringannu manga taumata apan wal᷊ine Yahudi.’ ”

WATTI'U MANGA RASUL 28:2

Tumana'u taṛṛanusa udde masaṛṛionto'a atonna si yami. I mangitou nanal᷊oho si yami sarangkanambone ringannu mapia wuṛṛu nakkunuttu putungnga hunang kami ana waugu mangnguṛṛintingke wuṛṛu runia lai masunge.

WATTI'U MANGA RASUL 28:4

Napawe tumana'u taṛṛanusa udde naasilo atoanna udde ua'ele su ta'iakki Paulus, i mangitou uahahatto sangkatou ringannu waine, “Taumata indi asinungka taṛṛa pate, ana waugu salaiwe i tou nal᷊iute wuassu papate su tahal᷊oangnga, Mongannu Atatul᷊idda tawe mamalan tou wiakka.”

WATTI'U MANGA RASUL 9:15

Arawe Mawu nabbisara si Ananias, “Roote! Ana waugu i Ya'u suete namile si tou mangimbe si Ya'u, tadea'u i tou mamasingkatta su ola'u riri-U su manga walahanna waine apan agamane wal᷊ine Yahudi wuṛṛu su manga ratu wuṛṛu lai su walahannu Israel.

ROMA 1:22

I mangitou mammendamma manungku i mangitou pandete, wutte'e i mangitou woddo.

ROMA 11:25

Manga tuṛṛangnga! I ya'u mangantimma yamiu arie mamendamma manungku yamiu masingkaten sarangkanambone. Ana waugu pia sambau apan ipaapulun Duata, arawe taambe niasingkatannu taumata. Wuṛṛu i ya'u maapulu i yamiu maasingkata; eteudde indi: Sangkawageanganna wuassu taumatan Yahudi apan mal᷊awangnga, arawe pallal᷊agu mangitou udde tumba'u ma'oma su tempone, napawe anambon taumata apan wal᷊ine Yahudi apan rudanta ringannu Ruata udde natimute.

ROMA 12:16

Pabbiakke su paddarame sangkatou ringannu waine. Imbaṛṛangnga mamunga, arawe sul᷊unga'a ririnu ere taumata apan manarane mawawo su aellegu awadaalla. Arie mamendamma ririnu apandeanne wuassu ṛinone.

ROMA 13:8

Imbaṛṛangnga pia awallasa sisai-sai, tabene'e uawawallasa darangngu sangkatou ringannu waine. Ana waugu taumata apan marangngu su sansul᷊ungnge taumata, buatte nanuungngu anambon titan Musa.

ROMA 16:19

Anambon taumata naasingkate manungku i yamiu matuṛṛuta su al᷊aṛṛa'u Watti'u Al᷊al᷊uassa wuassu Ruata. Wuṛṛu i ya'u mal᷊uassa su inolaanni yamiu udde. I ya'u maapulu tadea'u i yamiu pande su inolaanna apan mapia, wuṛṛu longonna su inolaanna apan lal᷊eo.

ROMA 8:12

Ana waugu udde, manga tuṛṛangnga, i ite pia manara mandiaga; arawe wal᷊ine manara su paa'apulun pallal᷊agun taumata; i ite tawe wotongnge mabbiakka tumuṛṛuttu apulune.

1 KORINTUS 14:11

Arawe amungkangngu i ya'u tawe maasunna sasinaukka apan iwabbisaran taumata, ne taumata apan nappaattu sasinaukka udde, ere taumata raho sia'u; aroddi lai ya'u su saruanni tou.

1 KORINTUS 14:16

Ana waugu amungkangngu tuṛṛangnga maadiangkamanna su Ruata tumba'u ringannu ghaṛṛahonu sassane, wuṛṛu pia taumata waine apan tawe maasunna sasinaukka maaṛṛindu'a wuassu Ghaṛṛahon Duata udde, ne taumata udde tawe maappabbisara, “I ya'u lai maapulu” su aadiangkamannu udde; ana waugu i tou wagga apa apan iwabbisaranu udde.

1 KORINTUS 2:13

Ana waugu udde amungkangngu i yami mannal᷊a'a manga inolaannu Ruata su manga taumata apan pia Ghaṛṛahon Duata, i yami maddiri mamasingkata tumuṛṛuttu apapanden taumata, ewe'e tumuṛṛuttu al᷊aṛṛa'u Ghaṛṛahon Duata.

1 KORINTUS 3:18

Imbaṛṛangnga piaddu sangkatou mamahia watanganne sassane. Amungkangngu pia taumata su wallatti yamiu mammendama watanganne pande tumuṛṛuttu aul᷊aannu runia indi, taumata udde mabbal᷊i woddo, tadea'u i tou atonna-tonna mabbal᷊i pande.

2 KORINTUS 10:12

I yami tawe lai waṛṛani manumandinga ara'e manul᷊ungngu watanganni yami massul᷊ungngu manga taumata apan uapendama watanganne matanggakka. Tumaniten woddo i mangitou! I mangitou ma'ola'a aul᷊aanne sassane wuṛṛu mannanda watanganni mangitou sassane ringannu aul᷊aanne udde.

2 KORINTUS 11:19

I yamiu ringannu naungnga mal᷊uassa masabbare su saruannu taumata woddo, ana waugu i yamiu mammendama ririnu apandeanne!

KOLOSE 3:11

Ana waugu wuassu inolaanna udde, nawul᷊ite al᷊awo'u apendamma mappapaṛṛalan taumatan Yahudi wuṛṛu wal᷊ine Yahudi, taumata nisunatta wuṛṛu taumata tawe nisunatta, tate lai paṛṛalane su wallatu taumata raho wuṛṛu taumata woddo; su wallatu allangnga wuṛṛu wal᷊ine allangnga, ana waugu Kristus uddewe uatahuanna sarangkanambone, wuṛṛu i Tou uaaukka ringanni mangitou sarangkanambone!

2 TIMOTIUS 2:10

Ana waugu udde i ya'u tawe matta'uttu sarangkanambone udde apan hunane su manga taumata apan suete nipilen Duata, tadea'u i mangitou lai maasomba asasal᷊amatta apan ionggola sulal᷊ummi Kristus Yesus, wuṛṛu tatantalongannu awawantuga saran mal᷊annu-l᷊annu.

TITUS 3:3

Ana waugu dorone i ite sassane lai woddo, niumal᷊iwu wuṛṛu mal᷊awangnga. I ite niallangngu al᷊awo'u aapulun runia; i ite mabbiakka ringannu pandumanna apan lal᷊eo wuṛṛu mangngune, wuṛṛu uasaseetta.