ROMA 1:13 - WUKE SUSI WATTI'U AL᷊AL᷊USASSA

¹³ Manga tuṛṛangnga! I ya'u maapulu tadea'u i yamiu maasingkata manungku masokkate i ya'u pia pandumma mattembo si yamiu arawe sidutu mangke pia hal᷊ahene. I ya'u maapulu tadea'u su wallatti yamiu lai, manara'u pia gessine ere lai manara'u apan buatte nabbua su wallattu manga taumata apan wal᷊ine Yahudi su manga tampa waine.

ROMA 1:13 Iomraidhean Croise

YESAYA 27:6

Sutempo apan addantane, walahannu Israel naal᷊ihidda punnu alu apan nakkamutta wuṛṛu nabbalaga, see namene runia ringannu manga wuane.

YOHANES 12:24

Mangke atonna wisara-U indi: Amungkangngu gandumma sambatu tawe iasi'a su leta'a wuṛṛu mate, i tou ta'e matatana'a sambatu. Arawe amungkangngu watun gandumma udde mate, wakkute udde i tou mabua manambo.

YOHANES 15:16

Wal᷊ine i yamiu namile si Ya'u. Ete I Ya'u apan namile si yamiu, wuṛṛu nandolokki yamiu tadea'u mabua manambo – manga wua apan tawe mal᷊al᷊eo. Ne Iamangnga sarun mangonggolla si yamiu al᷊awo'u apa apan radoronganni yamiu si Tou sulal᷊ummu arang-Ku.

YOHANES 4:36

Taumata apan mangitingnga manattakke manengkamma lal᷊antakke wuṛṛu mangammulu wuane ipadea'a wiakka tutune wuṛṛu saran mal᷊annu-l᷊annu. Ne taumata apan nangasi'a wuṛṛu taumata apan mangngitingnga wotongnge lumuassa su sambau.

WATTI'U MANGA RASUL 1:15

Su allo sambau, su tempo i mangitou tantal᷊anna uaammulla – iraṛṛangngo pia maṛṛasutta ruam pul᷊o su atoune nirumanta – i Petrus dirumarisikka mabbisara. I tou nabbisara,

WATTI'U MANGA RASUL 14:27

Napawe na'omate su Antiokhia, i mangitou nangammullu manga taumata wuassu jamaatta udde, see nabatti'u sarangkanambone apan suete niola'u Ruata sulal᷊ummi mangitou. I mangitou nabbati'a lai su ola'u ereapa Ruata suete namantingidu lal᷊anna tadea'u manga taumata apan bal᷊ine Yahudi mangngimanna Mawu Yesus.

WATTI'U MANGA RASUL 15:12

Ne nallannabe manga taumata apan uaammulla isudde. Wua'udde i mangitou nadaringikka si Barnabas wuṛṛu si Paulus nabbatti'a apia su ola'u anambon al᷊aṛṛindu'a wuṛṛu manga inolaanna apan bahewalla apan suete niola'u Ruata sulal᷊ummi mangitou su wallattu manga taumatan walahanna waine apan wal᷊ine Yahudi.

WATTI'U MANGA RASUL 19:21

Wuassu arariadianna udde, i Paulus naṛṛawessa inaite watukku Makedonia wuṛṛu Akhaya, see masal᷊ate watukku Yerusalem. “Wua'isudde,” unni Paulus, “i ya'u inaite watukku Roma apia.”

WATTI'U MANGA RASUL 21:19

Napawe suete nattabea si mangitou, i Paulus nabbati'a si mangitou al᷊awo'u inolaanna apan suete niola'u Ruata sulal᷊ummi tou su wallattu manga taumata apan wal᷊ine Yahudi.

WATTI'U MANGA RASUL 28:14

Isudde i yami nassomban sire pira taumata apan mangngimanna Mawu Yesus, wuṛṛu ana waugu aahe mangitou i yami natana'a ringanni mangitou sangkamisa al᷊annune. See i yami nassenggotte watukku Roma.

ROMA 1:12

Pandumangku eteudde ana waugu i ite su sambau buatte nangimanna Mawu Yesus Kristus, ne i ite wotongnge lai uatatohassa sangkatou ringannu sangkatou.

ROMA 11:25

Manga tuṛṛangnga! I ya'u mangantimma yamiu arie mamendamma manungku yamiu masingkaten sarangkanambone. Ana waugu pia sambau apan ipaapulun Duata, arawe taambe niasingkatannu taumata. Wuṛṛu i ya'u maapulu i yamiu maasingkata; eteudde indi: Sangkawageanganna wuassu taumatan Yahudi apan mal᷊awangnga, arawe pallal᷊agu mangitou udde tumba'u ma'oma su tempone, napawe anambon taumata apan wal᷊ine Yahudi apan rudanta ringannu Ruata udde natimute.

ROMA 7:1

Manga tuṛṛangku! Tuṛṛangnga sarangkanambone naasingkatte tita udde. Nariaddi yamiu masingkata manungku taṛṛinon tita su sangkatou taumata tumba'u mariaddi amungkangngu taumata udde ta'e wiakka.

1 KORINTUS 1:10

Manga tuṛṛangnga! Sulal᷊ummu arannu Mawun kite Yesus Kristus, i ya'u sumal᷊ande tadea'u i yamiu sarangkanambone massampinunutanna; tadea'u arie pia paaul᷊a'ukka su wallatti yamiu.

1 KORINTUS 10:1

Manga tuṛṛangnga! Ṛinone tuṛṛangnga mannaungnga apa apan buatte nariaddi su iupungngu al᷊amonan kite su tempo i mangitou uatantalongnga si Musa. I mangitou sarangkanambone nial᷊indumannu winabbawa wuṛṛu ringannu sal᷊amatta tinumumbe su Tahal᷊oangnga Maṛṛamu.

1 KORINTUS 12:1

Orassa indi su ola'u manga al᷊amatta apan nionggolu Ghaṛṛahon Duata. Su olangnge udde, i ya'u maapulu i yamiu maasingkata apa apan su ṛinone.

1 KORINTUS 14:20

Manga tuṛṛangnga! Arie paṛṛingidda ere al᷊aṛṛana'a. Sulal᷊ummu al᷊al᷊eo, ṛinone i yamiu uatatana'a ere ana'a maradio'a. Arawe sulal᷊ummu paṛṛaṛṛingidda, ṛinone i yamiu maola'a taumata apan timmaddete.

1 KORINTUS 14:26

Nariaddi, manga tuṛṛangnga, apa atappasanne sarangkanambone udde? Amungkangngu yamiu maammula massubba Mawu piaddu mangngantari, piaddu mangngaṛṛa'a, piaddu lai mammasingkatu pandumannu Ruata, piaddu mabbisara sulal᷊ummu sasinaukka apan maaṛṛindu'a, wuṛṛu piaddu mannal᷊a'a apa apan iwabbisara udde. Arawe sarangkanambone udde ṛinone olaanna ipangaṛṛa'a wuṛṛu ipangngapia sarangkanambone.

1 KORINTUS 9:2

Amungkangngu lai manga taumata waine maddiri manga'u si ya'u sangkatou rasul, adiongke i yamiu mangnga'u udde! Ana waugu wiakku ere sangkatou taumatan Saṛṛani maola'a tatiala manungku i ya'u sangkatou rasul.

2 KORINTUS 1:8

Manga tuṛṛangnga! I yami maapulu i yamiu lai maasingkata su ola'u asasusa apan niapendamanni ami su leta'u Asia. Asasusa apan papasannananni yami udde tumaniten mawakkata mannasa'i yami ma'oman sara i yami tate antimma mabbiakka apia;

2 KORINTUS 2:14

Arawe aadiangkamanna su Ruata! I Tou sidutu mangngehetta si yami tumantalongnga su amatanni Kristus ana waugu i yami mabbiakka su sambau ringanni Tou. Ruata nappaatti yami tadea'u watti'a su ola'i Kristus massal᷊iawukka naal᷊ihida hal᷊uru mawangngi su al᷊awo'u tampa.

GALATIA 3:15

Manga tuṛṛangnga! Mappianne i ya'u mappaamattu sambau tul᷊adda wuassu apa apan buatte niapendamanna miallo-miallo. Amungkangngu taumata ma'ola'a sambau paaire wuṛṛu paaire udde buatte nia'u su sambau, ne tawe saran sangkatou apan wotongnge mamal᷊u paaire udde, ara'e manamba paaire udde.

GALATIA 6:18

Doronganna Mawun kite Yesus Kristus sidutu mangal᷊amatta manga tuṛṛangnga. Amin. Tabea wuassi yami, Paulus

FILIPI 1:22

Arawe amungkangu ringannu mabbiakka su runia indi, ya'u wotongnge ma'ola'a manara lembon pia gunane, ne i ya'u wagga suapa apan sarun ta'u pileanna.

FILIPI 4:17

Udde wal᷊ine i ya'u tumba'u maapulu manengkamma aonggola. Apa apan ipaapulu'u eteudde, tadea'u i ya'u wotongnge maasilo manga pabbawuan manaranu apan maatamba auntungannu.

KOLOSE 1:10

Ringannu aroddi yamiu wotongnge mabbiakka tuttuṛṛuta apulun Duata, wuṛṛu sidutu malluassa naugnge, na'oman sara sulal᷊ummu al᷊awo'u inolaanna i yamiu wotongnge mamasilo manga inolaanna apan mapia. Wuṛṛu asingkati yamiu su ola'u Ruata sarun aatambanna lai.

KOLOSE 1:6

Watti'a wuassu Ruata udde nassal᷊iawukke su ahewallu runia, wuṛṛu wiakku taumata sidutu aal᷊amatannu watti'a udde, ere lai wiakku nial᷊amatanna ro'en su tempo i yamiu naaringikka ola'u darangngun Duata wuṛṛu atonna-tonna nusippa sulal᷊ummu naungngu.

1 TESALONIKA 2:18

I yami maapulu inai mattembo si yamiu; wuṛṛu i ya'u, suete naannamma na'oman sara paarua, arawe Setanna mammal᷊aatta si yami.

1 TESALONIKA 4:13

Manga tuṛṛangnga, i yami maapulu tadea'u i yamiu maasingkata apa apan ṛinone su ola'u manga taumata apan natete; tadea'u i yamiu tawe masusa naungnga ere manga taumata waine apan tawe antimme.

2 TESALONIKA 2:7

Atatohassa apan mammanara al᷊al᷊eo udde mannatakke mammanara ringannu mal᷊anna-l᷊annaba, arawe ta'e tataṛṛanganna. Napawe mananaṛṛange udde suete niapaasal᷊iu,

2 TIMOTIUS 4:17

Arawe Mawu uaringanna si ya'u. I Tou nangonggolu atatohassa na'oman sara i ya'u wotongnge mamasingkatu al᷊awo'u Watti'u Al᷊al᷊uassa udde, tadea'u daringiṛṛanu anambon taumata apan wal᷊ine Yahudi.