REENGANNA 6:27 - WUKE SUSI WATTI'U AL᷊AL᷊USASSA

²⁷ Wuṛṛu Mawu nabbisara, “Su tempo i mangitou managon arang-Ku maola'a al᷊amatta su walahannu Israel, i Ya'u sarun mangal᷊amatta si mangitou.”

REENGANNA 6:27 Iomraidhean Croise

PANDARIADDI 32:26

Ana see unnu taumata udde, “Pallosa'a i ya'u; tate mal᷊annu lai matannallo sumabbangke.” I Yakub sinumimbakka, “I ya'u tawe mamallosi i Tuangnga, tabbene'e amungkangu i Tuangnga mangal᷊amatta si ya'u.”

PANDARIADDI 32:29

I Yakub nabbisara, “Wal᷊oa'e aranni Tuangnga.” Arawe taumata udde sinumimbakka, “Tawe su ṛinone i'o maiwal᷊on arangku!” Ana see i Tou nangal᷊amatte si Yakub.

2 SAMUEL 7:23

Su ahewallu runia tawe walahanna ere Israel. Israel sambau walahanna apan buatte nipallossu Mawu wuassu patataṛṛuallangnga tadea'u maola'a al᷊aṛṛanang-Ngu sassane. Al᷊awo'u inolaanna apan bahewalla wuṛṛu maatiangnga apan niolang-Ngu si mangitou, na'ola'a aran-Nu tinumelengnga su ahewallu runia. Manga walahanna waine suadio'a ringannu manga monganni mangitou buatte nilimbuaṛṛan-Nu sutempo al᷊aṛṛanang-Ngu inaite mapapangalo.

1 TAWARIKH 4:10

Arawe i Yabes niumal᷊iomanna su Ruata apan sassubbannu taumatan Israel, wisarane, “Oh Ruata, al᷊amatewe i ya'u, wuṛṛu antimanna hewal᷊anna wageangngu leta'a paparentangku. Tannoiwe i ya'u wuṛṛu paaraua'a asasilaka tadea'u i ya'u tawe matataṛangnga.” Ne Ruata naddaringikka darorongnge.

2 TAWARIKH 7:14

ana see al᷊aṛana-U apan nappaattu arang-Ku udde sumallungngu watanganne, wuṛṛu umal᷊iomanna ana see rumanta ringang-Ku wuṛṛu manatangngu inolaanni mangitou apan lal᷊eo, ne wuassu surga i Ya'u sarun maddaringikka aal᷊iomanni mangitou. I Ya'u sarun mangampungnga manga rosan mangitou wuṛṛu ma'ola'a wanuam mangitou su lal᷊umana'a apia.

DARALO 5:12

Antimanna anambon taumata apan uasirungnga Si'o lulluassa wuṛṛu hugion lal᷊uassa saran mal᷊annu-l᷊annu. Lu'arewe manga taumata apan marangngu Si'o, tadea'u i mangitou lumuassa ana waugu I'o.

DARALO 67:7

Leta'a buatte nangonggolu hessine, Ruata, Ruatan kite buatte nangal᷊amatta si ite.

SASABANGNGA 6:3

Ruata lai na'ola'a pa'aire si mangitou. I Ya'u ma'ire sarun mangonggolu wanua Kanaan si mangitou, wanua tampan pabbiaṛṛanni mangitou dorone naal᷊ihidda taumata raho.

YESAYA 43:7

Ana waugu i mangitou sarangkanambone buatte niwagoannu ringannu arang-Ku, i mangitou Ta'u niriaddi iapawantuga si Ya'u.”

YEREMIA 14:9

Anio I'o ere taumata apan niul᷊awune; ere pahlawanna apan tawe ma'ontolla? Arawe, natantunna I'o su pattangnganni yami, Mawu! I yami uman-Nu, ariewe i yami itantang-Ngu!’ ”

REENGANNA 23:20

I ya'u nirolokka mangal᷊amatta; wuṛṛu amungkangngu Ruata mangal᷊amatta, tawe ta'u aul᷊eanna apia.

MATIUS 28:19

Ana waugu udde roote su anambon taumata su wowon dunia indi, ola'e i mangitou mallal᷊aṛṛenggeng-Ku. Saṛṛanite i mangitou ringannu arannu Iamangnga, wuṛṛu Ana'a, wuṛṛu Ghaṛṛahon Duata.

EFESUS 1:3

Dalo su Ruata, Iamangngu Mawun kite Yesus Kristus! I Tou nangal᷊amatta si ite ringannu al᷊awo'u al᷊amattu Ruata sulal᷊ummu surga, ana waugu i ite uaaukka ringanni Kristus.

TAHIUL᷊E 28:10

Ne anambon balahanna su runia sarun maasilo manungku i yamiu balahanna apan nipilen Mawu, ne i mangitou sarun mangantagi yamiu.