REENGANNA 6:24 - WUKE SUSI WATTI'U AL᷊AL᷊USASSA

²⁴ Antimanna Mawu mangal᷊amatta wuṛṛu mappadul᷊i si yamiu.

REENGANNA 6:24 Iomraidhean Croise

PANDARIADDI 28:15

Paanaunge, i Ya'u sarun mantul᷊ungnga wuṛṛu mallu'adda si'o, su al᷊awo'u tampa amatannu, wuṛṛu i'o sarun Ta'u iapidda mabelengnga watukku wanua indi. I Ya'u tawe manantangngu maddatingngu sarangkanambone Ta'u niola'a su alawo'u apa apan pina'ire-U si'o.”

2 SAMUEL 7:29

Ana waugu udde, i ya'u sumal᷊ande, antimanna mangal᷊amatta papapulungku tadea'u sarangkal᷊o'engnge i mangitou sidutu uapendamma darangngu-Nu. Oh Mawu Apan Lembonatanggaṛanne, sarangkanambone udde buatte pina'ire-Nu, ne papapulungku sarun sidutu al᷊amatan-Nu saran mal᷊annu-l᷊annu.”

DARALO 134:3

Antimanna wuassu Sion i yamiu al᷊amatannu Mawu, Nandiaddi langitta wuṛṛu runia!

DARALO 17:8

Paddul᷊ianewe i ya'u naal᷊ihidda ana'u mata-Nu, wuniaawe i ya'u su al᷊ungngu papaiddu Mawu

DARALO 28:9

Sal᷊amatewe al᷊aṛṛanang-Ngu, oh Mawu, al᷊amatewe manga taumata pussaa-Nu. Pattingkaola'e ere sangkatou mallal᷊u'adda si mangitou, wuṛṛu riagaite i mangitou saran mal᷊annu-l᷊annu.

DARALO 91:11

Ruata nandolokku mala'ekan-Ne mallu'adda si'o, niapariaga si'o su al᷊awo'u tampa apan amatannu.

YESAYA 27:3

Ya'u, Mawu, mandariagane; suapan tempo i Ya'u mamamokkane, allo ṛabbi i Ya'u mallu'adda tadea'u tawe piaddu manal᷊awa'a.

YESAYA 42:6

“I Ya'u, Mawu, namaggo wuṛṛu mapamanaranu mapaamattu atatul᷊idda. I'o i Ya'u ehetanna wuṛṛu paddul᷊ianang-Ku tadea'u maola'a pa'aire su umattu taumata, wuṛṛu semakka su anambon walahanna.

DANIEL 9:17

Oh Ruatan kami, daringiṛṛewe aal᷊iomanna wuṛṛu sasalande'u. Welengaawe wal᷊e-Nu apan buatte niniṛṛimunsa'a udde, apiate tadea'u anambon taumata masingkatta manungku ete I'o Ruata.

YOHANES 17:11

Orassa indi i Ya'u nirumanta ringannu Iamangnga. I Ya'u tate lai matana'a su runia; arawe i mangitou su runia. Iamangnga apan naukkassa! Lu'arete i mangitou ringannu taṛṛinon arannu Iamangnga, eteudde aranna apan suete nionggolu Iamangnga si Ya'u – tadea'u i mangitou maola'a sambau, ere Iamangnga wuṛṛu i Ya'u sambau.

1 KORINTUS 14:16

Ana waugu amungkangngu tuṛṛangnga maadiangkamanna su Ruata tumba'u ringannu ghaṛṛahonu sassane, wuṛṛu pia taumata waine apan tawe maasunna sasinaukka maaṛṛindu'a wuassu Ghaṛṛahon Duata udde, ne taumata udde tawe maappabbisara, “I ya'u lai maapulu” su aadiangkamannu udde; ana waugu i tou wagga apa apan iwabbisaranu udde.

EFESUS 6:24

Sal᷊andeanna Ruata sarun mangal᷊amatta si yamiu sarangkanambone apan mandangngu Mawun kite Yesus Kristus ringannu darangngu apan tawe masue. Tabea wuassi yami, Paulus

FILIPI 4:23

Doronganna Mawu Yesus Kristus mangal᷊amatta tuṛṛanga sarangkanambone. Tabea wuassi yami, Paulus wuṛṛu Timotius

FILIPI 4:7

Ne paddarame wuassu Ruata apan tawe asunnannu taumata, sarun mallu'adda naungngu wuṛṛu ṛingiṛṛannu apan suete naaukka ringanni Kristus Yesus.

1 TESALONIKA 5:23

Antimanna Ruata sassane mangonggolu paddarame si ite, ma'ola'a si yamiu taumata apan atonna-tonna mabbiakka hunan Duata sassane. Doronganna Ruata mallu'adda ahewallu wadangngu, mawae ghaṛṛaho, ṛimuudda, wuṛṛu lai wadangngu, ma'oman sara tawe sangkule su tempo Mawun kite Yesus Kristus rumanta apia.

1 PETRUS 1:5

Sarangkanambone udde ionggola si yamiu, ana waugu i yamiu mangngimanna Ruata. Ne i yamiu rariagannu taṛṛinon Duata tadea'u i yamiu manengkamma asasal᷊amatta apan nasaddiate iapaal᷊iatta'a su allo pangudusanne.

YUDAS 1:24

Ruata, apan wotongnge mallu'adda si yamiu ana see tawe manawo, wuṛṛu wotongnge mangapiddu su araratuan-Ne apan mawantuga ringannu al᷊al᷊uassa apan tawe urangnge,

RUT 2:4

Tawe nal᷊annu wua'udde i Boas nirumanta wuassu Betlehem wuṛṛu nattabea singana'a mangangitingnga. “Antimanna Mawu uaṛundinganna si yamiu,” wisarane. Mangangitingnga sinumimbakka, “Antimanna Mawu mangal᷊amatta si Papa.”

1 SAMUEL 2:9

Taumata matuṛṛutta sidutu matammudda sulal᷊ummu sasirungngu Mawu. Arawe al᷊al᷊eo natete naṛṛimunsa'a sulal᷊ummu ararandumma wuṛṛu wasa tu'udda. Atatohassa sassane tawe iawansaga atatohassu taumata tawe maapangonggolu auntunganna.