REENGANNA 5:7 - WUKE SUSI WATTI'U AL᷊AL᷊USASSA

⁷ taumata udde ṛinone manga'u rosane wuṛṛu mamaekka ringannu sara mallunassa, tambannu daruan pul᷊o porsenna lai wuassu aregane, su taumata apan nirugianne.

REENGANNA 5:7 Iomraidhean Croise

DARALO 32:5

Ana see i ya'u nanga'ute rosa'u Si'o, pasasal᷊a'u taweddu ta'u niwuni. I ya'u nakkawessa, sarangkanambone a'uanna Si'o, ne I'o nangampunga rosa'u.

AMSAL 28:13

Isai apan mammunin dosane tawe mauntungnga. Isai manga'u wuṛṛu manantangngu rosa, sarun dangnguannu Mawu.

IMAMATTA 26:40

Arawe papapulunnu sarun manga'u rosan iupungu al᷊amonan mangitou apan buatte nanal᷊are si Ya'u wuṛṛu nilumawanga si Ya'u,

IMAMATTA 26:41

na'oman sara i Ya'u lumawanga si mangitou wuṛṛu mallimbuakka si mangitou watukku pamuanganna su wanuan manga seetti mangitou. Panginsueanne, amungkangngu papapulunnu niawadote wuṛṛu buatte napaamattu ṛuumanna ana waugu rosan wuṛṛu lal᷊awangi mangitou,

IMAMATTA 5:15

Amungkangngu pia sangkatou ringannu tawe nipattatudda na'ola'a rosa ana waugu wolo'a sulal᷊ummu manantillu manga sasamba apan itattitan Mawu, ne taumata udde ṛinone mangapiddu sasamba ipallana'a arugianna. Sasamba udde ṛinone sambau domba ara'e ambinga esakka apan tawe sangkulle, wuṛṛu niarega tumuṛṛuttu arega apan ipappaatta su Rasanna Mawu.

IMAMATTA 5:16

Taumata udde ṛinone mamaekka apa apan dorone tawe nimanarane, tambannu lai ruan pul᷊o persenna. Wua'udde i tou ṛinone manantillu winatangnga udde su imam, wuṛṛu imam ma'ola'a sasamba ipangampunga rosan taumata udde, ne i tou sarun ampungannu Mawu.

IMAMATTA 5:5

Sulal᷊ummu hatto udde, taumata apan nassal᷊a ṛinone manga'u pasasal᷊ane.

IMAMATTA 7:7

Su sasamba ipangampunga rosa wuṛṛu sasamba ipallanna'a arugianna iappaatta atoranna apan uasul᷊ungnga, eteudde; Ṛemessu binatangnga apan nionggola sasamba maola'a wageangngu imam nangonggollu sasamba udde.

REENGANNA 5:8

Arawe amungkangngu taumata apan niarugianne udde natete ara'e tawe tuṛṛangnge marani, ne tatubbussa udde ṛinone ionggola su Mawu, wuṛṛu maola'a wageangngu imam. Tatubbussa udde tawe nasutta domba esakka su ipallaghu pamamappassa rosan taumata apan nassal᷊a udde.

LUKAS 19:8

Wua'udde su wal᷊ene i Zakheus nirumarisikka wuṛṛu nabbisara Mawu Yesus, “Mawu, sangkawageanganna wuassu rarotongku sarun ionggolla su taumata asiangnga; wuṛṛu su alawo'u taumata apan suete niawusuangku, sarun waeṛṛanna apia si tou paappatta wuassu paarorone!”

YOSUA 7:19

I Yosua nabbisara si Akhan, “Ana'u, panga'ute wuṛṛu wal᷊oa'e uahahati isindi su saruannu Mawu Ruatan Israel, sarangkanambone apan buatte niolangu. Wal᷊oa'e si ya'u, arie pabbunia'a.”