REENGANNA 5:21 - WUKE SUSI WATTI'U AL᷊AL᷊USASSA

²¹ sal᷊andeanna Mawu ma'ola'a arannu mabbal᷊i sasalun wontoga su wallattu walahannu. Antimanna i Tou ma'ola'a punnu palangngu maaṛṛiunnudda wuṛṛu tiannu maggandalla.

REENGANNA 5:21 Iomraidhean Croise

2 TAWARIKH 21:15

I Tuangnga sassane lai sarun matataṛṛangnga radda'a tinai apan mallannu maggewalla!”

NEHEMIA 10:29

I yami sarangkanambone naammulla ringannu manga piaṛṛa'i yami wuṛṛu nassalu tadea'u sidutu mabiakka tuttuṛṛutta titan Duata apan buatte nionggollu Mawu si Musa, allang-Nge. Antimanna Ruata mamontogga si yami amungkangngu i yami tawe nanipussu paaire indi. I yami nassalu sarun mapaamattu al᷊awo'u parenta, tita wuṛṛu atorannu Mawu, Ruatan kami.

AMSAL 10:7

Pannanaunganna su taumata mapia udde maola'a al᷊amatta, arawe taumata lal᷊eo lapiddu abbul᷊iananna.

YESAYA 65:15

Manga taumata nipile-U sarun mappaattu arannu maola'a wawontoga; ‘Antimanna Mawu Apan Atanggaṛṛanne mamate si yamiu ere lai si mangitou!’ Arawe taumata apan matuṛṛutta si Ya'u sarun Ta'u onggol᷊annu aranna wakku.

YEREMIA 29:22

Ne amungkangngu manga taumata apan buatte niapidda wuassu Yerusalem watukku Babel mappulu mamontoga sangkatou taumata, i mangitou sarun mabbisara, ‘Antimanna Mawu ma'ola'a si'o ere i Zedekia wuṛṛu i Ahab, apan buatte nitambunnu ratun Babel ta'e wiakka.’

REENGANNA 5:27

Unnu wisara wawine udde buatte sinumandaga, ua'e udde mangke maataddu'a si tou; tianne maggandalla wuṛṛu punnu palangnge maaṛṛuangkinna. Aranne sarun maola'a sasalun bontoga sulal᷊ummu walahanne.

MATIUS 26:74

See i Petrus nanattakke mangke massalu wuṛṛu mabbisara, “I ya'u waggan taumata udde!” Orassa udde lai manu'a inumuute.

YOSUA 6:26

Su tempo udde i Yosua napaasabangu sasingadda indi, “Suapan isai apan pia apulu mapararisikku apia soan Yerikho indi, sarun aṛṛinoannu wawontogu Mawu. Isai apan mangaddon rapappake sarun awul᷊iannu ana'a pahul᷊une wuṛṛu isai apan mangele manga ngarane sarun awul᷊iannu ana'a ṛembonne.”

1 SAMUEL 14:24

Su allo udde manga taumatan Israel nallomete ana waugu mal᷊unussa, ana waugu i Saul buatte nassalu arendi, “Niawontohante taumata apan niumanna manga anna su allo indi, tantal᷊anna ya'u taambe naawal᷊issa taddu'u naungku su saruannu seetta.” Ana waugu udde tawe saran sangkatou apan niumanna su allo massallo udde.