REENGANNA 4:33 - WUKE SUSI WATTI'U AL᷊AL᷊USASSA

³³ Eteudde manga manaran amonanni Merari; anambon manaran mangitou su Rasannu Mawu ṛinone olaanna su al᷊ungngu piaṛṛa'i Itamar, ana'i Imam Harun.

REENGANNA 4:33 Iomraidhean Croise

SASABANGNGA 38:21

Eteindi arannu logamma apan nipaatta sulal᷊ummu Rasannu Mawu, tampan batu rarua ringannu Mapul᷊o Titan Duata udde sinahipunna. Manga aranna niola'a wuassu parentan i Musa wuṛṛu niatokku manga taumatan Lewi apan mammanara su al᷊ungngu piaṛṛa'i Itamar, ana'i Imam Harun.

YESAYA 3:6

Sutempo udde taumata sarun manebbo'u sangkatou ana'u tuṛṛangnge wuṛṛu mabbisara si tou, “Tumba'u i'o apan pia laubba ṛinone; waugu udde ariaddite mamamiaṛṛa'i yami sutempo apan napenen asasusa indi.”

REENGANNA 4:28

Eteudde manaran manga taumatan Gerson sulal᷊ummu Rasanna; manga manara udde ṛinone manaranna su al᷊ungngu piaṛṛa'i Itamar, ana'i Imam Harun.

REENGANNA 4:32

See lai manga diṛṛin rallakka uapal᷊iwutta udde, wuṛṛu apampakke, manga pati'anna wuṛṛu tal᷊ine ringannu al᷊awo'u saranapa apan pappandumanna ipandarisikku Rasanna udde. Suapan taumata niapamanara mangapiddu saranapa apan buatte nitantunna.

REENGANNA 4:34

Wuassu parentan Mawu, i Musa, i Harun wuṛṛu manga piaṛṛa'u ṛuanganna na'ola'a pandareengnga su tatallu ṛuanganna sulal᷊ummu ṛuanganni Lewi, eteudde i Kehat, i Gerson, i Merari. I mangitou nandeengnga wuassu amonanna maddatingngu amonanna. I mangitou namoṛṛettu arannu anambon taumata esakka apan uukke tallun pul᷊o maddatingngu liman pul᷊o su tonnane apan ta'e wotongnge mappaamattu manara su Rasannu Mawu. Eteindi reenganne: Ammonanne Anambone I Kehat 2.750 I Gerson 2.630 I Merari 3.200 Sarangkanambone: 8.580

REENGANNA 7:8

appatta roda wuṛṛu sapi ual᷊u nionggola su taumatan Merari, nassul᷊ungngu manara apan a'olaanni mangitou su al᷊ungngu piaṛṛa'i Itamar, ana'i Imam Harun.

YOSUA 3:6

Ana see i Yosua nandolokku manga imam tadea'u mamasanna Wantalu Pa'aire udde ana see inaite inumamatta malliu ṛoro ṛuangannu Israel. Ne i mangitou tinumuṛṛute parentan Yosua.