REENGANNA 4:15 - WUKE SUSI WATTI'U AL᷊AL᷊USASSA

^15-20 Mawu nabbisara si Musa wuṛṛu si Harun, “Su tempo i yamiu manggohakku paddasananna, i Harun wuṛṛu al᷊aṛṛanangnge ṛinone sumutta sulal᷊ummu Rasang-Ku wuṛṛu manaappa anambon saranapa wuṛṛu aolangnge apan uaraddo isudde. Napawe wua'udde, manga taumatan Kehat wotongngete rumanta mamasanna. Arawe tawe wotongnge i mangitou ma'ellega, mangundani ara'e mangindinga manga saranapa udde, ana waugu buatte niṛṛae huna-U. Amungkangngu udde olaanni mangitou lai, i mangitou sarun mate. Nariaddi tadea'u manga taumatan Kehat udde tawe mapappassa wuassu ṛuanganni Lewi, i Harun wuṛṛu al᷊aṛṛanangnge ṛinone mapamanaran sangkatou-sangkatou su wallati mangitou apan ṛinone iapiddi mangitou. Eteudde manaran taumatan Kehat su tempo Rasang-Ku iingkatta. I Eleazar ana'i Harun, uariaga ahewallu Rasang-Ku, lanan sol᷊o, amania, sasamba gandumma ia'imbe mamiallo, lanan lal᷊aghu wuṛṛu sarangkanambone apan uaraddo sulal᷊ummu Rasangku udde.”

REENGANNA 4:15 Iomraidhean Croise

2 SAMUEL 15:24

Imam Zadok wuṛṛu Imam Abyatar isudde lai suadio'a ringannu taumatan Lewi apan uaapiddu Wantallu Paairen Mawu. Wantallu Pa'aire udde niaddo wowane, wuṛṛu tawe iawengketta amungkangu tumana'u soa sarangkanambone taambe nanantangngu soa udde.

2 SAMUEL 6:13

Sutempo manga taumata apan uapasanna Wantallu Pa'aire udde nilumempangke paiannumma, i Daud napata'alli mangitou. Wua'udde i tou nangonggollu sasamba su Mawu, eteudde sapi esakka wuṛṛu ana'u sapi apan buatte niapaatawa.

1 MARARATU 8:3

Napawe anambon piaṛṛa'a naammulle, manga imam namasanna Wantallu Paaire udde,

1 TAWARIKH 15:15

Wuṛṛu sutempo Wantalla udde i singkatta, i mangitou mamasanna su wambangngi mangitou ringannu alu papasanna, tumuṛṛuttu atoranna apan nionggolu Mawu si Musa.

1 TAWARIKH 15:2

I Daud nabbisara, “Tumba'u taumatan Lewi wotongnge mamasanna Wantallu Paairen Mawu, ana waugu ete i mangitou apan nipilen Mawu iapapasanna Wantalla udde wuṛṛu mattaṛṛamawu si Tou saran mal᷊annu-l᷊annu.”

1 TAWARIKH 23:26

Ana waugu udde, Rasannu Mawu wuṛṛu anambon saranapa apan ipappaatta ipattaṛṛamawu tate lai pasannanannu taumatan Lewi.”

SASABANGNGA 19:12

Pa'ola'e tatiala su uapal᷊iwutta wowone indi maola'a passaranna apan tawe wotongnge lewesannu walahanna udde. Singara'e walahanna udde suma'a su wowone, ewe'e arie lai pangundani. Isai-sai apan nalliu passaranne, sarun iṛṛuumanna pateanna;

SASABANGNGA 19:21

wuṛṛu Mawu nabbisara si tou, “Lintukke wuṛṛu paanaunga manga taumata udde manungku i mangitou tawe wotongnge malliu passaranna ana waugu rumanta ma'ellega si Ya'u. Amungkangngu i mangitou lumawangnga lai, manambo su wallati mangitou sarun mate.

SASABANGNGA 27:7

wuṛṛu suṛṛia'a sulal᷊ummu manga hal᷊angnga su sandiṛṛannu mezbah rua mba'a su tempo mamasanna mezbah udde.

IMAMATTA 16:13

Dupa udde ṛinone itambunni tou su saruannu Wantallu Pa'aire, ma'oman sara timbulle mangooppa lal᷊ubbu Wantalla udde wuṛṛu i Harun tawe maasilo, ana waugu amungkangngu i tou ma'asilo, i tou sarun mate.

REENGANNA 1:50

Doloṛṛa'e i mangitou mamaresi Rasang-Ku ringannu al᷊awo'u saranapane. Manaran mangitou eteudde mamasanna Rasang-Ku ringannu saranapane apiddu mamaresi. I mangitou ṛinone maddasanna uapal᷊iwutta rasanna udde.

REENGANNA 1:51

Amungkangngu i yamiu mangingkatta, manga taumatan Lewi udde ṛinone manggohakku Rasang-Ku, ana olaanna apia suapan tampa paddasananna wakku. Wal᷊ine wuassi mangitou, isai-sai apan mangundanin Dasanna ṛinone iṛṛuumanna pateanna.

REENGANNA 10:21

Wua'udde manga taumatan Kehat inaite ringannu uapasanna manga saranapa na'ukkassa. Amungkangngu i mangitou ma'omate su tampa paddasananna manansunna, Rasannu Mawu iapararisikka apia.

REENGANNA 18:3

Ruanganni Lewi ṛinone ma'ola'a manara mangitou su saruanni yamiu wuṛṛu ma'ola'a manara mangitou su Rasang-Ku, arawe i mangitou tawe mangundanin mezbah ara'e mamita saranapa apan susi su Wabbo'a Na'ukkassa. Amungkangngu i mangitou lumawangnga atoranna udde, mawae ete i mangitou ara'e i yamiu sarun mate.

REENGANNA 3:38

Sulal᷊ummu paddasananna, i Musa wuṛṛu i Harun see al᷊aṛṛanangnge ṛinone mamile tampa su saruannu Rasannu Mawu, su samba'an da'i. I mangitou niapamanara mallaghun patataṛṛamawun balahannu Israel su Wabbo'a Na'ukkassa. Wal᷊ine wuassi mangitou, isai-sai apan ma'annamma ma'ola'a manara udde ṛinone iṛṛuumanna pateanna.

REENGANNA 4:14

Wuṛṛu su wowone udde ṛinone iandangngi mangitou anambon saranapa apan ipappaatta sulal᷊ummu patataṛṛamawu su mezbah udde; tampan putungnga, saṛṛampanga, sasondo, wuṛṛu pangukasanna lima. Ana see i mangitou ṛinone manaapa sarangkanambone udde ringannu sangkul᷊appa pisi al᷊ussa wuṛṛu manuṛṛin alu papasannane.

REENGANNA 7:9

Arawe manga taumatan Kehat tawe nanengkamma roda ara'e sapi wuassi Musa, ana waugu manga saranapa na'ukkassa apan maola'a manara mangitou, ṛinone pasannananni mangitou su wambangnga.

TAHIUL᷊E 31:9

Ana see i Musa namoṛṛettu Titan Mawu Ruata wuṛṛu nionggola su manga imam Lewi apan niapamanara ual᷊u'adda Wantallu Pa'aire, wuṛṛu su manga piaṛṛa'u Israel.

YOSUA 4:10

Manga imam sidutu uarisikka su pattangngannu Yordan na'oman sara manga taumata udde buatte nammanara al᷊awo'a apan nirolokku Mawu si mangitou wuassi Yosua. Udde nassul᷊ungngu lai manga tatantiro wuassi Musa si Yosua. Ringannu mal᷊ihakka ṛuangannu Israel tinumumbe Sal᷊ukku Yordan.

1 SAMUEL 6:19

Arawe ana waugu taumatan Bet-Semes udde nangintanno sulal᷊ummu Wantallu Paairen Mawu, pitun pul᷊o su atoune suwallatti mangitou nipaten Mawu. Ana see tumana'u soa nilumal᷊o ana waugu Mawu nandanta si mangitou sambau asasilaka apan aroddi ahewalle.