REENGANNA 4:12 - WUKE SUSI WATTI'U AL᷊AL᷊USASSA

¹² Al᷊awo'u saranapa apan ipappaatta sulal᷊ummu Wabbo'a Na'ukkassa ṛinone anuanni mangitou wuṛṛu piunannu mal᷊aṛṛenessa ma'elomma. Ana see i mangitou ṛinone manaappu sangkul᷊appa pisi al᷊ussa, wuṛṛu iandangnga su pamasannananna.

REENGANNA 4:12 Iomraidhean Croise

1 TAWARIKH 9:28

Sambageanganna taumatan Lewi waine manarane mallu'adda manga saranapa patataṛṛamawuanna. Ete i mangitou mandareengnge sutempo iapasabbangnga wuṛṛu sutempo iapawelengnga apia.

1 TAWARIKH 9:29

Sambageanganna lai manarane mallu'adda imannu patataṛṛamawuanna, wuṛṛu taponna, anggore, lanan zaitun, amania, see lai rampa-rampa.

2 TAWARIKH 4:11

Huram, tembonannu manga mamanara udde, nallanginnu manga urinna, manga sikopo wuṛṛu manga mangko. Ne i tou nuddusse na'ola'a al᷊awo'u saranapan Wal᷊en Mawu ere buatte nipa'irene si Ratu Salomo. Indiwe manga saranapa apan buatte niolangnge udde: Darua diṛṛi masallaka Darua puan diṛṛi saṛṛene ere mangko apan niaddo su wowon darua diṛṛi udde Ṛate nianamma suapan puan diṛṛi 400 delima witu'a apan niatokka sulal᷊ummu darua raddage uapal᷊iwutta ṛate niamamma suapan puan diṛṛi 10 kereta 10 mangko wahewalla Wensadda perunggu 12 sapi witu'a apan uatumpilla wensadda udde Manga urinna, manga sikopo wuṛṛu manga saṛṛampangnga Anambon saranapa udde niola'i Huram hausannu Wal᷊en Mawu, niola'a wuassu witu'a wuṛṛu niraddassa na'oman sara lullendappa. Huram na'ola'a sarangkanambone udde ana waugu parentan Ratu Salomo.

2 TAWARIKH 4:19

Ratu Salomo lai nandolokka niapal᷊anginnu manga saranapa waine wuassu wul᷊awanna tutune tadea'u iaddo su Wal᷊en Mawu. Indiwe manga saranapa apan nilanginne udde: Mezbah Medda pangimbeannu roti Anambon leddan sol᷊o ringannu sol᷊one wuassu wul᷊awanna tutune tadea'u re'omanna su saruannu Wabbo'a Lembon Susi, ere buatte niṛṛiinna Manga lal᷊ogakka saṛṛene ere bunga Manga sol᷊o Manga sasipitta Wawaresi sumbun sol᷊o Manga mangko Manga lama'a amania Manga lama'a human waṛṛa Anambon ngara suttanna su Wal᷊en Mawu wuṛṛu ngara Wabbo'a Lembon Susi nioosannu wul᷊awanna.

SASABANGNGA 25:5

pisin domba esakka apan niwuṛṛannu maṛṛamu, pisi al᷊ussa, wuṛṛu alu akasia,

SASABANGNGA 25:9

Rasanna wuṛṛu manga aolangnge ṛinone olaanni mangitou tumuṛṛuttu olangnge apan sarun iapaasingkatta si'o.”

SASABANGNGA 31:10

laubbu patataṛṛamawun i Harun wuṛṛu manga anangnge, apan ṛinone iluṛṛe su tempo i mangitou mammanara maola'a imam,

REENGANNA 3:8

Manara i mangitou eteudde mallu'adda anambon saranapan Dasang-Ku wuṛṛu mammanara su Rasang-Ku udde maola'a hahanti manga taumatan Israel.

REENGANNA 4:11

Wua'udde i mangitou ṛinone mamataddu sangkul᷊appa mal᷊aṛṛenessa ma'elomma su wowon mezbah wuassu wul᷊awanna udde, wuṛṛu taapannu sangkul᷊appa pisi al᷊ussa, ana see manuṛṛin alu papasannu mezbah udde.

REENGANNA 4:13

I mangitou ṛinone mamaresi mezbah udde wuassu awu, ana see mamataddu mal᷊aṛṛenessa ungu su wowone.

REENGANNA 4:6

Wua'udde, i mangitou ṛinone manaappa apia ringannu sangkul᷊appa pisi al᷊ussa, ana see mamataddu sangkul᷊appa mal᷊aṛṛenessa ma'elomma su wowone, wuṛṛu manuṛṛin alu papasannu Wantalla udde.

REENGANNA 4:7

I mangitou ṛinone mamataddu sambau mal᷊aṛṛenessa ma'elomma su wowon medda tampan doti ia'imbe su Mawu, wuṛṛu su wowon medda udde ṛinone i mangitou mangandangngu lama'a, baki pangadoannu amania, baki tampan sasamba, wuṛṛu wotolla pangadoannu sasamba ua'e anggore. Roti ia'imbe ṛinone sidutu uarandangnga su medda udde.

REENGANNA 4:9

I mangitou ṛinone manganu sambau mal᷊aṛṛenessa ma'elomma wuṛṛu ipanaappa leddan sol᷊o see lai manga sol᷊one, wuṛṛu mamaresi sumbun sol᷊o wuṛṛu panuṛṛianne, wuṛṛu anambon tampan lanan zaitun.