REENGANNA 31:3 - WUKE SUSI WATTI'U AL᷊AL᷊USASSA

³ Ne i Musa nabbisara su walahannu Israel, “Pandiahite inai mapapangalo; i yamiu ṛinone mamangalo taumatan Midian tadea'u mapaamattu ṛuumannu Mawu si mangitou.

REENGANNA 31:3 Iomraidhean Croise

2 MARARATU 9:7

I'o sarun mamate amonanni tuangu i Ahab. Ringannu aroddi Ya'u makkuumanni Izebel apan buatte namate manga nabi-U wuṛṛu manga allang-Ku waine.

SASABANGNGA 17:16

Unni Musa, “Wattea'e paatanggakka waneṛṛa Mawu! Mawu napapangalo nandoappa taumatan Amalek saran mal᷊annu-l᷊annu!”

YEREMIA 46:10

Arawe i ya'u, Yeremia mabbiisara manungku eteindi allo Mawu Ruata Apan Atanggaṛṛane wuṛṛu Lembontaṛṛino; su allo udde i Tou ma'ola'a pabbawal᷊issa su anambon seen-Ne. Hal᷊ele-Ne sarun uminassa si mangitou ma'oman sara mal᷊aidda, wuṛṛu ma'inumma daṛṛa mangitou ma'oman sara mawusa. Allo indi Mawu Apan Lembontaṛṛino, naṛṛata manga sasamba-Ne su sawannakka, su winggin Sal᷊ukku Efrat udde.

YEREMIA 50:28

Manga taumata apan tinumal᷊angnga watukku Yerusalem wuassu Babel mabbatti'a ereapa Mawu Ruatang kite mabbal᷊issa inolaannu taumatan Babel su Wal᷊en Babel.)

IMAMATTA 26:25

I Ya'u sarun mandantan pangalo su pattangngannu ipakkuumanni yamiu ana waugu i yamiu buatte nilumawanga pa'aire-U si yamiu. Wuṛṛu amungkangngu i yamiu ma'ammula su soanu maddea'a pattillummanna, i Ya'u sarun mandantan radda'a apan tawe iapapia, na'oman sara i yamiu sarun manantilu watangannu su seennu.

REENGANNA 25:11

“I Pinehas ana'i Eleazar, pulunni Imam Harun, ringannu waṛṛani mannahek-Ku arangku su pattangngannu taumatan Israel, na'oman sara asasau'u-U nompo'a wuṛṛu i Ya'u tate lai mamate walahanna udde.

REENGANNA 25:13

I tou wuṛṛu papapulunne Ta'u olanna imam ma'oman sara mal᷊annu-l᷊annu, ana waugu i tou ringannu aroddi aṛṛimadde mannahek-Ku Ruatane, wuṛṛu buatte na'ola'a paddarame su rosan taumatan Israel.”

REENGANNA 31:4

Wuassu suapan ṛuangannu Israel, i yamiu ṛinone manaddia saṛṛiwu su atoune tantara inai mapapangalo.”

MAL᷊AṚṚUUNGNGA 5:2

Paddalote Mawu, ana waugu manga awaṛaniannu Israel buatte nabbaidda inai mapapangalo, wuṛṛu tumanangnge ringannu naungnga mal᷊uassa inai mapapngalo.

MAL᷊AṚṚUUNGNGA 5:23

“Niawontohante i Meros, wuṛṛu tumatanangnge,” unnu Mala'ekattu Mawu “ana waugu i mangitou tawe nirumanta nangonggolu sumbala maola'a atumannaṛanne apan mattinsahadda hunane su Mawu.”