REENGANNA 28:9 - WUKE SUSI WATTI'U AL᷊AL᷊USASSA

⁹ Su allon Sabat ṛinone ionggola darua ana'u domba esakka uukke santonna wuṛṛu tawe sangkule, darua sukilone taponna lal᷊o'annu lanan zaitun maola'a sasamba ia'imbe wuṛṛu sasamba ua'en anggore.

REENGANNA 28:9 Iomraidhean Croise

2 MARARATU 4:23

“Anio inaite orassa indi?” awinge naiwal᷊o. “Allo indi wal᷊ine allon Sabat, wuṛṛu lai wal᷊ine allo wahewan Bul᷊anna Wakku.” “Tawe apane,” sasimbakke.

2 TAWARIKH 2:3

Salomo nandohon batti'a indi si Hiram ratun Tirus, “Ṛinone i Tuangnga mangatokku paddaragangnga ringangku ere lai niola'i Tuangnga si Daud iamangku. Tuangnga buatte nabbal᷊u'u alun cemaran Libanon si tou niapaola'a wal᷊en araratuanne.

2 TAWARIKH 2:4

Orassa indi ya'u mapararisikku sambau wal᷊en patataṛṛamawuanna apan tumba'u ipangaddatta Mawu Ruata'u. Su wal᷊en udde i ya'u wuṛṛu tumana'u araratuangku sarun mattaṛamawu si Tou ringannu manambunnu amania mawangngi, lapiddu mangonggolu roti ia'imbe si Tou sumiallo-miallo. Su wal᷊en udde lai yami sarun mangonggolu sasamba itattambunna suapan marua allo wuṛṛu maṛṛabbi, suapan allon Sabata, allo wahewa Wul᷊anna Wakku wuṛṛu allo waine apan buatte niṛṛae tumba'u ipangaddata Mawu Ruatan kami. Ana waugu, i Tou buatte namarenta tadea'u olangnge udde sarun iapaamattu taumatan Israel saran mal᷊annu-l᷊annu.

2 TAWARIKH 8:13

Manga sasamba udde nionggola tumuṛṛuttu titan Musa napawe pia allo wahewalla; allon Sabat, allo wahewallu Wul᷊anna Wakku, wuṛṛu atallune allo wahewalla santonna paassa, eteudde allo wahewalla Roti Tawe Ragine, allo wahewallu Pangitinganna, wuṛṛu allo wahewallu Rasannu Rongnga.

YESAYA 58:13

Mawu nabbisara, “Pangaddatte allon Sabatta maola'a allo huna Mawu. Imbaṛṛangnga mammanara hausannu sassane su allo udde. Laghua'e allo udde maola'a allo al᷊al᷊uassa; Pangaddatte allon Mawu ringannu tawe sumal᷊ele; arie lai mammanara ara'e mabbisara wisara apan tawe gunane.

YEHEZKIEL 20:12

I mangitou Ta'u nirolokka mamantuga allon Sabat maola'a sambau tialan paaire-Ku si mangitou, tadea'u mapanaungnga si mangitou manungku i Ya'u Mawu, buatte naṛṛae mangitou si Ya'u.

YEHEZKIEL 46:4

Su allon Sabat tembonanne ṛinone mangonggolla su Mawu sasamba itattambunna eteudde annumma ana'u domba wuṛṛu sambau domba esakka, sarangkanambone tawe sangkulle.

REENGANNA 28:10

Sasamba itattambunna udde ṛinone ionggola suapan allon Sabat maola'a tatamban sasamba miallo-miallo suadio'a ringannu ua'en anggore.

REENGANNA 28:8

Ana'u domba sasamba wawallo ṛinone ionggola ringannu olangnge apan uasul᷊ungnga ere sasamban marua'allo, lal᷊apirannu ua'en anggore. Hal᷊urun sasamba itattambunna udde ma'al᷊uassa naungngu Mawu.

SONDAPPA 1:10

Su allo Mawu, i ya'u niaasuttannu Ghaṛṛahon Ruata, see i ya'u naaringikka tingikka apan ma'ikkatta – nassul᷊ungngu tingikku trompeta – mabbisara su liu'u.