REENGANNA 26:64 - WUKE SUSI WATTI'U AL᷊AL᷊USASSA

⁶⁴ Wuassu manga taumata apan paarorone niwoṛṛetti Musa wuṛṛu i Harun su wadda'u Sinai, tawe saran sangkatou apan ta'e wiakka.

REENGANNA 26:64 Iomraidhean Croise

REENGANNA 14:29

I yamiu buatte sinumamboṛṛe su saṛuang-Ku. Ana waugu udde i yamiu sarun mate, wuṛṛu manga winal᷊unannu sarun mattal᷊eṛṛongnga su wadda'a indi.

REENGANNA 14:32

Arawe i yamiu sarun mate su wadda'a indi.

REENGANNA 26:63

Eteudde reenganna apan niola'i Musa wuṛṛu Imam Eleazar su ola'u manga ṛuangannu Israel su tempo i mangitou na'ola'a pandareengnga su ratakku Moab su samba'an Sal᷊ukku Yordan maranin soan Yerikho.

REENGANNA 27:3

“Iamangngi yami natete su wadda'a, i tou tawe ana'a esakka. I tou wal᷊ine mallal᷊aṛṛenggeni Korah apan nilumawangnga Mawu. Iamangngi yami udde nate ana waugu rosane sassane.

1 KORINTUS 10:5

Salaiwe aroddi, Ruata tawe mal᷊uassa wuassu anamboanne su wallatti mangitou, ana waugu udde manga winal᷊unanni mangitou uatal᷊eṛṛongnga su wadda'a.

IBRANI 3:17

Wuṛṛu sisai lai Ruata nasa'u appatu pul᷊o su tonnane al᷊annune? Ete si mangitou apan marosa, apan nanawo see nate su wadda'a, are?

YOSUA 5:4

Su tempo manga taumatan Israel sinumabbanga wuassu Mesir, anambon taumata esakka buatte nisunatta. Arawe su tempo i mangitou mammal᷊intadda su wadda'u anne appatu pul᷊o su tonnane al᷊annune, al᷊aṛṛana'i mangitou esakkatawe saran sangkatou apan buatte nisunatta. Wuṛṛu su panguddusannu tempo appatu pul᷊o su tonnane udde, manga esakka apan su tempo sinumabbanga wuassu Mesir apan nia'omante uukke sumutta tantara, sarangkanambone natete, ana waugu tawe tinumuṛṛuta parenta Mawu. Ne Mawu nassalu manungku i mangitou tawe iwala ma'ellega wanua apan manambo wiakke wuṛṛu masuwukka udde apan buatte nipa'ire-Ne su iupungngu al᷊amona mangitou.