REENGANNA 25:5 - WUKE SUSI WATTI'U AL᷊AL᷊USASSA

⁵ Wua'udde i Musa nabbisara su manga mallaṛṛuungngu Israel, “I yamiu sangkatou-sangkatou ṛinone mamate anambon taumata sulal᷊ummu walahannu apan buatte nassubba si Baal su Peor.”

REENGANNA 25:5 Iomraidhean Croise

1 MARARATU 18:40

Ne i Elia nabbisarate, “Sametta manga nabin Baal udde! Arie pabbala'a saran sangkatou ma'al᷊assangnga!” Ana see manga taumata udde nanametta manga nabin Baal udde, wua'udde i Elia nangapiddi mangitou watukku Sal᷊ukku Kison wuṛṛu poiaroddi i tou namate si mangitou sarangkanambone.

SASABANGNGA 18:21

Arawe su liuddu udde lai i'o ṛinone mamile manga pira taumata esakka apan pande, wuṛṛu manebbo'i mangitou maola'a piaṛṛa'u saṛṛiwu su atoune, maṛṛasutta su atoune, liman pul᷊o su atoune wuṛṛu mapul᷊o su atoune. I mangitou ṛinone manga taumata apan matta'utta wuṛṛu matuṛṛutta Mawu, wotangnge pangimananna wuṛṛu maddiri manengkamma aonggola.

SASABANGNGA 22:20

Isai apan mangonggolu sasamba su manga Mawu waine, tabbene'e si Ya'u, Mawu, ṛinone iṛṛuumanna pateanna.

REENGANNA 25:3

Ana waugu taumatan Israel massubba si Baal su Peor, Mawu nasa'u si mangitou wuṛṛu nabbisara si Musa,

TAHIUL᷊E 13:13

manungku manga pira taumata lal᷊eo wuassu walahannu buatte nangal᷊iwun tumana'u soa massubba manga Mawu apan awagananni yamiu.

TAHIUL᷊E 13:15

ne anambon tumana'u soa udde suadio'a ringannu winatangnga papadul᷊iananne ṛinone pateanna. Soa udde ṛinone ṛimunsaanna lai ma'oman sara masue.

TAHIUL᷊E 13:6

Napawe tuṛṛangngu ara'e anangngu esakka ara'e wawine, ara'e awingnga arangnguannu ara'e hawenu apianne, ringannu mal᷊anna-l᷊annaba massal᷊ongngu massubba manga Mawu waine apan awagananni yamiu wuṛṛu awaganannu al᷊amonanu, manga mawun balahanna apan uatana'a marani ara'e marau,

TAHIUL᷊E 13:9

I tou ṛinone tuntungannu watu ma'oman sara mate. I'o ṛinone malliu ṛoro mamareta si tou ringannu tatantalongannu anambon tumana'u soa. Taumata apan nassal᷊a udde ṛinone pateanna, ana waugu i tou pia pandumma mapaaraun kamiu wuassu Mawu Ruatanu apan namallosi yamiu wuassu patataṛṛuallanganna su Mesir.

YOSUA 22:17

I yamiu tawe maanaungnga rosan kite su Peor? Su tempo udde i ite niṛṛuumannu Mawu ringannu sambau al᷊aṛṛusa'itta, salaiwe i ite indi walahan-Ne sassane! Naddatingngu orasa indi i ite ta'e uapasanna rosane. Apa udde taambe lai maawal᷊u si yamiu?