REENGANNA 24:9 - WUKE SUSI WATTI'U AL᷊AL᷊USASSA

⁹ Walahanna udde naal᷊ihidda singa esakka wuṛṛu singa wawine, apan uarammangnga wuṛṛu uatattere. Isai waṛṛani mamu'o si tou? Doronganna taumata apan mangal᷊amatta si'o sarun al᷊amatanna, wuṛṛu taumata apan mamontoga si'o sarun wontohanna.”

REENGANNA 24:9 Iomraidhean Croise

PANDARIADDI 12:3

I ya'u sarun mangal᷊amatta manga taumata apan mangngal᷊amatta si'o wuṛṛu mamontoga manga taumata apan mammontoga si'o. Wuṛṛu ana waugu i'o I ya'u sarun mangal᷊amatta anambon balahanna su runia.”

PANDARIADDI 27:29

Antimanna manga walahanna maola'a allangngu wuṛṛu manga ṛuangannu walahanna uasuṛṛubawa si'o. Antimanna i'o uataṛṛino manga tuṛṛangngu, wuṛṛu pallaṛṛiten inangngu massubba su saruannu. Antimanna awontohana anambon taumata apan mammontoga si'o wuṛṛu al᷊amatan anambon taumata apan mangngal᷊amatta si'o.”

PANDARIADDI 49:9

I Yehuda naal᷊ihidda singa saṛṛen tumuwo; i tou namate seenne, ana see nabelengnga su sal᷊akke; i tou nagaṛṛuannata ana see nilumallowanga, wuṛṛu tawe saran sangkatou apan baṛṛani manal᷊asa'i tou.

1 MARARATU 10:20

Su pentakke aiṛṛi wuṛṛu su pentakke aikkatanna suapan tal᷊ataddu tuadda udde pia paal᷊uannu singa – sarangkanambone mapul᷊o dua su waune. Tawe saran paassa pia adderan araratuanna ereudde su al᷊awo'u araratuanna.

2 TAWARIKH 9:18

Addera udde pia tata'iakke wuṛṛu su ruan baane pia paal᷊uannu singa. Addera udde lai pia tal᷊attaddu tuadde, annumma, wuṛṛu sambau pangangandangannu ledda apan nioosannu wul᷊awanna. Tampan ledda udde niṛṛaiddu adderane.

ESTER 6:13

Su awingnge wuṛṛu manga hawene i tou nabbatti'a apa apan buatte niapendamanne. Wua'udde awingnge wuṛṛu manga hawene apan pande udde nabbisara si tou, “I'o mannattakke iawaddon Mordekhai. I tou taumatan Yahudi wuṛṛu i'o tawe maaro'appa si tou. I tou atonna sarun mamaddonu.”

AYUB 41:10

I tou mal᷊aṛṛaga amungkangngu pu'oanna tantal᷊anna mattiilla; tawe saran sangkatou apan waṛṛani dumarisikka su saruanne.

DARALO 122:6

Aal᷊iomante su apapian Yerusalem: “Antimanna anambon taumata marangngu si'o su lal᷊umanna'a.

DARALO 2:12

al᷊intuddate susaruan-Ne ringannu mangngindo, arie ma'oman sara Mawu mabbal᷊i masa'u wuṛṛu i yamiu pateanna ringannu mal᷊ihakka, ana waugu asasa'u-Ne ṛumenggamma ringannu sangkaṛṛondappa. Lal᷊umanna'a su taumata apan uatullindumma su Mawu!

SASABANGNGA 23:22

Amungkangngu i yamiu matuṛṛutta si tou wuṛṛu ma'ola'a sarangkanambone apan Ta'u nirolokka, I Ya'u sarun mapapangalo mandoappa anambon seennu.

YESAYA 31:4

Mawu nabbisara si ya'u, “Naal᷊ihidda singa sussaṛṛandanga mangngal᷊addu pabbawiakke wuṛṛu tawe apata'utannu aintul᷊i wuṛṛu a'uin ammul᷊annu mallal᷊u'adda winatangnga apan nasaddiate mando'appa si tou, aroddi lai i Ya'u sarun mamangalo wuṛṛu manahekku Wuiddu Sion.

MIKHA 5:8

Israel sarun mamaddon manga seenne see makkimunsa'a si mangitou sarangkanambone.

REENGANNA 22:12

Mawu nabbisara si Bileam, “Imbaṛṛangnga i'o inai ringannu manga taumata udde, wuṛṛu imbaṛṛangnga mamontoga walahanna udde, ana waugu i mangitou buatte Ta'u nial᷊amatanna.”

REENGANNA 22:6

I mangitou mattohasanna wuassi yami. Nariaddi, rantate! Wontohete i mangitou huna'u. Asinungka yami wotongnge mamaddon mangitou wuṛṛu mallimbuakka si mangitou wuassu wanua indi. Ana waugu i ya'u mangimanna taumata apan nial᷊amatannu sarun maasomba al᷊amatta, wuṛṛu taumata apan niwontohannu sarun maasomba wontoga.”

REENGANNA 23:24

Walahanna udde naddisikka naal᷊ihidda singa wawine, wuṛṛu uarisikka matul᷊idda naal᷊ihidda singa esakka. I tou tawe lumallowangnga tantal᷊anna taambe niuminassa seenne wuṛṛu ma'inumma daṛṛan binatangnga sasamba apan tinamboanne.”

REENGANNA 24:10

Ṛingannu nasa'u i Balak naṛṛammiddu angkumma wuṛṛu nabbisara si Bileam, “I'o ta'u niwagoanna iapawontoga manga see'u, arawe i'o nangal᷊amatta si mangitou na'oman sara paatallu.

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

MATIUS 25:45

Ratu udde sarun sumimbakka, ‘Asingkate: su tempo i yamiu madiri mantul᷊ungngu sangkatou taumata asusane ereindi, ere lai yamiu madiri mantul᷊ungku.’

WATTI'U MANGA RASUL 9:5

“Isai I'o, Mawu?” aiwal᷊on Saulus. Tingikka udde sinumimbakka, “Ete i Ya'u Mawu Yesus, apan raddal᷊eoannu.

TAHIUL᷊E 30:7

Anambon bontoga udde sarun iema'a su manga seennu apan maddantina wuṛṛu makkinda si yamiu.