REENGANNA 24:6 - WUKE SUSI WATTI'U AL᷊AL᷊USASSA

⁶ Naal᷊ihidda wawal᷊anne apan mal᷊alangnga uawannada, ara'e waillu bunga su wiwikku sal᷊ukka; naal᷊ihidda punnu alu gaharu apan nisuannu Mawu, ara'e manga punnu alu aras su wiwikku sal᷊ukka.

REENGANNA 24:6 Iomraidhean Croise

PANDARIADDI 13:10

I Lot nanaile leta'a apan uapal᷊iwutta si tou wuṛṛu i tou naasilo manungku ahewallu Wawal᷊annu Yordan, maddatingngu soan Zoar manambo ua'ene, naal᷊ihidda Waillu Mawu ara'e naal᷊ihidda leta'u Mesir. (Etearoddi olangnge tantal᷊anna Mawu taambe naṛṛimunsa'a manga soan Sodom wuṛṛu Gomora.)

DARALO 1:3

Taumata udde masomakka sulal᷊ummu al᷊awo'u pinitanne; i tou naal᷊ihidda aaluanna su winggin sal᷊ukka apan mabbua sutempone wuṛṛu ronganne tawe tumolangnga.

DARALO 104:16

Manga punnu alu Mawu naasomba uranna manambo punnu alu cemaran Libanon apan nisuan-Ne sassane.

DARALO 45:8

I'o mandangngu atatul᷊idda wuṛṛu maddantinu al᷊al᷊eo; ana waugu udde, Ruata, Ruatanu buatte namile si'o, wuṛṛu nalluassa si'o nilumambalanna wuassu manga ratu waine.

ANTARI MAWANTUGA 6:11

I ya'u nirumanta su wawail᷊annu nakki, ma'ellega manga wantin bunga su wawal᷊anne; tanne punnu anggore piate lal᷊uwone, wuṛṛu punnu delima nakkuangke.

YESAYA 41:19

Wadda'u anne sarun Ta'u suanannu alu cemara, zaitun, manuru wuṛṛu akasia. Wadda'a mal᷊alangnga Ta'u olaanna mahurangnge, mahurangngu eru, berangan wuṛṛu cemara.

YESAYA 58:11

I Ya'u sidutu sarun ua'ehetta si yamiu wuṛṛu mallaidda si yamiu su leta'a apan mamara; i Ya'u sarun mandiaga si yamiu tadea'u sidutu sehatta wuṛṛu matohassa. I yamiu sarun maola'a ere wawail᷊anna apan nasuungnga ua'ene, ere al᷊imatang kua'e apan tawe mamara.

YEREMIA 17:18

Doronganna iapa mangngenggenna wuṛṛu mangngallangnga si ya'u, pansilian-Nu wuṛṛu penean-Nu ringannu atata'utta. Arawe ariewe ma'ola'a aroddi si ya'u, oh Mawu. Rantate asasilaka si mangitou ma'oman sara i mangitou masue mawinasa.

YEREMIA 31:12

Watukku Wuiddu Sion i mangitou sarun dumanta ringannu hati apan matilangnga, lapiddu mangngantari ringannu lullala'a ana waugu anambon aonggo-U si mangitou, eteudde gandumma, lana, anggore, sapi wuṛṛu domba. I mangitou naal᷊ihidda wailla apan ua'ene natimu, tawe atalannu apa-apa.

YEHEZKIEL 47:12

Su al᷊o'engngu winggin sal᷊ukka ruan ba'a sinumapputta anambon hatin aaluanna mabbua. Rongngu alu udde tawe tumolangnga, wuṛṛu manga wuane tawe masue. Manga aaluanna udde sarun mapasabbangu manga wuane wakku suapan bul᷊anna, ana waugu ua'e apan mangngelekka isudde ua'e wuassu Wal᷊e Mawu. Manga wuane nabbal᷊i anna wuṛṛu manga rongngane mahuna olaanna undamma.”

YOEL 3:18

Sutempo udde manga wowone sarun mapenen wawail᷊annu anggore. Winatangnga papadul᷊iananna sarun umanna nannal᷊o su manga wuidda apan masuwukka. Manga sal᷊ukka su Yehuda tawe saran passa matti ua'ene. Sambau sal᷊ukka sarun mengelekka wuassu Wal᷊en Mawu, wuṛṛu lumiwanno su Wawal᷊annu Akasia ringannu ua'e apan maal᷊uassa.

REENGANNA 24:5

Aroddi aṛṛamage manga rasannu ei Yakub, wuṛṛu manga tampa wawanuannu ei Israel!