REENGANNA 23:24 - WUKE SUSI WATTI'U AL᷊AL᷊USASSA

²⁴ Walahanna udde naddisikka naal᷊ihidda singa wawine, wuṛṛu uarisikka matul᷊idda naal᷊ihidda singa esakka. I tou tawe lumallowangnga tantal᷊anna taambe niuminassa seenne wuṛṛu ma'inumma daṛṛan binatangnga sasamba apan tinamboanne.”

REENGANNA 23:24 Iomraidhean Croise

PANDARIADDI 49:27

I Benyamin uddewe serigala mal᷊aṛṛaga. Su tempo marua allo i tou mannametta pabbawiakke. Su tempo ṛabbi i tou mattahia ina'ul᷊ene.”

PANDARIADDI 49:9

I Yehuda naal᷊ihidda singa saṛṛen tumuwo; i tou namate seenne, ana see nabelengnga su sal᷊akke; i tou nagaṛṛuannata ana see nilumallowanga, wuṛṛu tawe saran sangkatou apan baṛṛani manal᷊asa'i tou.

1 MARARATU 10:20

Su pentakke aiṛṛi wuṛṛu su pentakke aikkatanna suapan tal᷊ataddu tuadda udde pia paal᷊uannu singa – sarangkanambone mapul᷊o dua su waune. Tawe saran paassa pia adderan araratuanna ereudde su al᷊awo'u araratuanna.

2 TAWARIKH 9:18

Addera udde pia tata'iakke wuṛṛu su ruan baane pia paal᷊uannu singa. Addera udde lai pia tal᷊attaddu tuadde, annumma, wuṛṛu sambau pangangandangannu ledda apan nioosannu wul᷊awanna. Tampan ledda udde niṛṛaiddu adderane.

DARALO 17:12

I mangitou naal᷊ihidda singa apan tumambote sinangngone, singa saṛṛen tumuwo apan mangngampanga sutampa apan uawuni.

AMSAL 30:30

Singa, winatangnga atohasanne wuassu al᷊awo'u winatangnga wuṛṛu tawe mata'uttu manga apa;

YESAYA 31:4

Mawu nabbisara si ya'u, “Naal᷊ihidda singa sussaṛṛandanga mangngal᷊addu pabbawiakke wuṛṛu tawe apata'utannu aintul᷊i wuṛṛu a'uin ammul᷊annu mallal᷊u'adda winatangnga apan nasaddiate mando'appa si tou, aroddi lai i Ya'u sarun mamangalo wuṛṛu manahekku Wuiddu Sion.

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

AMOS 3:8

Amungkangngu singa mammassingnga, isaite apan tawe mata'utta? Napawe Mawu Apan Atanggaṛṛanne mabbisara, isai apan wotongnge mal᷊annabba wuṛṛu tawe masingkattu tanata-Ne?

NAHUM 2:11

Suapate soa udde orassa indi? Soa apan naal᷊ihidda liangnga tampan singa massal᷊akka? Tampan manga ana'u singa a'onggol᷊annu anna, tampa pattuddannu singa esakka wuṛṛu singa wawine, tampa apan mal᷊angnganna su manga anangnge?

NAHUM 2:12

Dorone poiaroddi singa mangngaṛṛatta wiakke, wuṛṛu mammangngassa ionggolla su singa wawine wuṛṛu anangnge. I tou namene sal᷊akke ringannu hesa'u ṛemessa nireaanne.

ZAKARIA 12:6

Su allo udde manga amonannu Yehuda sarun Ta'u olaanna ere putungnga sulal᷊ummu anambon anutungnga ara'e sasol᷊oanna lukkenggamma su al᷊ungngu wal᷊a'an ganduma; i mangitou sarun mamate manga walahanna su al᷊indonganne. Arawe tumana'u Yerusalem sarun sidutu uatana'a sulal᷊ummu soa ringannu matammudda.

REENGANNA 23:25

Ana see i Balak nabbisara si Bileam, “Pa'uddita'e, amungkangngu i'o maddiri mamontoga walahannu Israel; arawe arie saran paassa mangal᷊amatta si mangitou!”

REENGANNA 24:17

Ellehangku i tou, arawe wal᷊ine orassa indi; saileangku i tou, arawe ro'en marau. Sangkatou ratu wuassu Israel darantane, sarun dumanta naal᷊ihidda anumpitanna masemakka. Manga piaṛṛa'u Moab sarun ṛimunsaanne walahanni Set sarun pateanne.

TAHIUL᷊E 33:20

Su ṛuanganni Gad i tou nabbisara: “Daralo su Ruata apan nanggewalla leta'i Gad. I Gad ual᷊aṛṛaddo naal᷊ihidda sambau singa inai manggesa'a ta'iakka ara'e pisin pua.

SONDAPPA 5:5

See sangkatou wuassu manga piaṛṛange udde nabbisara si ya'u, “Arie palluai! Pa'ellege! Singa wuassu walahannu Yehuda, papapulunni Daud apan wahewalla, suete naauntunga! I tou wotongnge mamesangnga pitu segele udde wuṛṛu mamu'a wuke udde.”