REENGANNA 23:23 - WUKE SUSI WATTI'U AL᷊AL᷊USASSA

²³ Tawe daroa apan maaṛṛino si Yakub tawe papasi'atta apan maal᷊ore su Israel. Su ola'u walahanna udde taumata sarun mabbisara, ‘Pa'ellega al᷊aṛṛindu'a apan niola'u Ruata!’

REENGANNA 23:23 Iomraidhean Croise

PANDARIADDI 3:15

I'o wuṛṛu wawine udde sarun matatiakka, papapulunne wuṛṛu papapulunnu sidutu uasaseetta. Papapulunne sarun maṛṛimunsa'a puanu, wuṛṛu i'o sarun mangi'i paalli mangitou.”

DARALO 31:19

Sappingete moṛṛongngu taṛṛa wahia apan ringannu mawunga mallobbossa taumata matul᷊idda.

DARALO 64:9

I mangitou nate ana waugu wisaran mangitou sassane; sarangkanambone apan naasilo mappapa'ilinga.

YESAYA 41:4

Isaite apan na'ola'a sarangkanambone udde? Isaite apan nanantunnu amamattu runia? Ya'u, Mawu, ete i Ya'u apan paarorone, wuṛṛu sidutu pia maddatingngu panginsueanne.

YESAYA 44:25

Ete i Ya'u apan nanal᷊are sasi'attu taumata manani'atta, wuṛṛu nannal᷊angnga manga taumata taṛṛa pasangkadda. Manga wisaran taumata pande tinompol᷊ang-Ku, apapande mangitou Ta'u niola'a awawoddo.

YEHEZKIEL 21:21

Ratun Babel uarisikka maranin pappalla ipamantingiddu lal᷊anna udde. Tadea'u maasingkatta lal᷊anna udde i tou naddorongnga tatantiro wuassu manga paal᷊uanne, nanampukku anaanna wuṛṛu namarikissa aten binatangnga apan wakku nionggolla sasamba.

DANIEL 9:15

Oh Mawu, Ruatan kami, I'o buatte napal᷊iatta'u taṛṛino-Nu ringannu nangapiddu uman-Nu sinumabbangnga wuassu Mesir, wuṛṛu ma'ola'a pasasal᷊a.

MIKHA 7:15

Pa'ola'a al᷊aṛṛindu'a si yami, oh Mawu, ere buatte niolang-Ngu dorone sutempo I'o nangapiddi yami sinumabbangnga wuassu Mesir.

REENGANNA 24:1

Orassa indi i Bileam masingkatte manungku Ruata mappandumma i tou mangal᷊amatta walahannu Israel. Ana waugu udde i tou tawe inai naddea'a manga tatiala ere niola'i tou paarorone. I Bileam na'ellega watukku wadda'a,

MATIUS 12:25

Mawu Yesus naasingkatta ṛingiṛṛannu manga taumatan Farisi udde. Ne i Tou nabbisarate si mangitou, “Amungkangngu sambau araratuanna nattal᷊ei naola'a pirang kawageanganna apan sarun pasi passeetta, araratuanna udde tawe mal᷊annu. Wuṛṛu sambau wanua ara'e lal᷊oṛṛon bal᷊e sambau apan uataae wuṛṛu uasaseetta sangkatou ringannu sangkatou, sarun mawinasa.

MATIUS 12:27

I yamiu mabbisara manungku i Ya'u mallimbuakka ghaṛṛaho lal᷊eo ana waugu taṛṛinon Beelzebul. Amungkangngu aroddi ringannu taṛṛinon sai mallal᷊aṛṛenggennu mallimbuakka ghaṛṛaho lal᷊eo. Mallal᷊aṛṛenggennu udde sassane napal᷊iatta'a manungku i yamiu nassal᷊a!

MATIUS 16:18

Ana waugu udde ṛinone i yamiu masingkatta, i'o udde i Petrus, watu apan matohassa. Wuṛṛu su wowon batu indi ya'u sarun mapararisikku Ghaṛṛeda-U apan tawe iahohakku taumata; salaiwe ete uasaruanna papate!

YOHANES 11:47

Ana waugu udde manga taumatan Farisi wuṛṛu manga imam tembonanne naammulla ringannu Mallaṛṛuungngu Agama. I mangitou nabbisara, “I ite ṛinone ma'ola'a apa? Taumata indi ma'ola'a anambon al᷊aṛṛindu'a!

WATTI'U MANGA RASUL 10:38

Yamiu masingkatta manungku Ruata suete namile Mawu Yesus taumata Nazaret udde wuṛṛu nangonggolu Ghaṛṛaho Ruata wuṛṛu taṛṛino si Tou. I yamiu masingkatta lai manungku Mawu Yesus u'amatta su al᷊awo'u tampa ma'ola'a apapia; i Tou mapaapian taumata apan niasuttannu Setanna, ana waugu Ruata uatantalongnga si Tou.

WATTI'U MANGA RASUL 15:12

Ne nallannabe manga taumata apan uaammulla isudde. Wua'udde i mangitou nadaringikka si Barnabas wuṛṛu si Paulus nabbatti'a apia su ola'u anambon al᷊aṛṛindu'a wuṛṛu manga inolaanna apan bahewalla apan suete niola'u Ruata sulal᷊ummi mangitou su wallattu manga taumatan walahanna waine apan wal᷊ine Yahudi.

WATTI'U MANGA RASUL 4:16

I mangitou mabbisara, “Ṛinone olaanni ite ereapa manga taumata indi? Anambon taumata apan uatana'a su Yerusalem masingkate manungku al᷊aṛṛindu'a apan wahewalla indi, niola'i tarua. I ite tawe mappassinaaddu olangnge udde.

WATTI'U MANGA RASUL 5:12

Ana waugu pamamanara manga rasul, ne manambo al᷊aṛṛindu'a wuṛṛu manga inolaanna apan wahewalla nariaddi su wallattu lal᷊oṛṛon soa. Ringannu naungnga sambua anambon taumata apan mangngimanna na'ammulla su Panumbal᷊en Salomo su Wal᷊e Mawu.

WATTI'U MANGA RASUL 5:14

Wuṛṛu mallannu mangke a'atambanna anambone manga taumata apan mangngimanna Mawu – mapia esakka ara'e wawine.

ROMA 16:20

Ruata apan nangonggolu paddarame su taumata, mal᷊ihakke mandolokku Setanna massuṛṛubawa su taṛṛinonu wuṛṛu maṛṛimunsa'a si tou. Antimanna manga tuṛṛangnga sidutu aal᷊amatanni Yesus Kristus Mawun kite!

TAHIUL᷊E 3:24

Oh Mawu Apan Atanggaṛṛanne, i ya'u masingkatta manungku nipasilonu si ya'u indi tumba'u panattaṛṛannu al᷊awo'u inolaanna apan bahewalla wuṛṛu ma'atiangnga. Tawe Mawu wal᷊ine sulangitta ara'e su runia apan ere I'o wotongnge ma'ola'a inolaanna apan waluwalla.

YOSUA 13:22

Su wallatu manga taumata apan niapate balahannu Israel, niasombanganna lai i Bileam ana'i Beor, taṛṛa si'atta.

SONDAPPA 12:9

Naga apan bahewalla udde niramme su liudde! Ete i tou atoanna timmade udde apan aranne Setanna ara'e Ghaṛṛaho Lal᷊eo, apan nangawusu ahewallu runia. I tou niramme su runia su sambau ringannu manga mala'ekanne.