REENGANNA 23:21 - WUKE SUSI WATTI'U AL᷊AL᷊USASSA

²¹ Si Yakub tawe nasiloanna al᷊al᷊eo; si Israel tae niasiloanna asasusa, Mawu, Ruata mangitou, uarundinganna si mangitou. I mangitou lullala'a: Tumba'u i Tou Ratu!

REENGANNA 23:21 Iomraidhean Croise

2 TAWARIKH 13:12

Piaṛṛa'i yami eteudde Ruata sassane wuṛṛu manga imammu Mawu lai isindi. I mangitou uasaddiate mattiuppa trompeta maola'a sambau tatiala si yami inaite mamangalo si yamiu. Ei taumatan Israel, ariete lumawangnga Mawu, Ruatan al᷊amonanu! I yamiu tawe maauntungnga!”

DARALO 103:12

Araune wuassu ra'i maddatingngu waṛṛata, araune udde lai niramme-Ne manga rosan kite.

DARALO 118:15

Paddaringikke hion naauntunga su manga rasannu al᷊aṛṛanang-Nge, “Mawu na'ola'a inolaanna wahewalla!

DARALO 135:21

Paddalote Mawu su Sion, su Yerusalem tampa atatanaan-Ne. Paddalote Mawu!

DARALO 23:4

Salaiwe i ya'u u'amatta su wawal᷊anne apan marandumma, i ya'u tawe mata'uttu asasilaka, ana waugu I'o uaringanna si ya'u. I'o uatillumma si ya'u naal᷊ihidda sangkatou mallal᷊u'adda uatillumma dombane ringannu ta'inna wuṛṛu pal᷊o-pal᷊o.

DARALO 32:2

Lal᷊umanna'a su taumata apan al᷊al᷊eone tawe nireengngu Mawu, wuṛṛu maddiri mamahia.

DARALO 32:5

Ana see i ya'u nanga'ute rosa'u Si'o, pasasal᷊a'u taweddu ta'u niwuni. I ya'u nakkawessa, sarangkanambone a'uanna Si'o, ne I'o nangampunga rosa'u.

DARALO 46:11

Wisara-Ne, “Pangillol᷊ote mapapangalo; asingkatawe, i Ya'u indi Ruata, i Ya'u mawantuga suwallatu manga walahanna, mawantuga su ahewallu runia.”

DARALO 46:7

Ruata nirumallu'a, ne runia naṛimunsa'a; manga walahanna nata'utta, manga araratuanna nanawo.

DARALO 97:1

Mawu uddewe Ratu! Ṛinone runia udde lumala'a, wuṛṛu manga taṛṛanusa lumuassa.

DARALO 99:2

Mawu lembon taṛṛino su Sion; i Tou mawantuga uapitadda al᷊awo'u walahanna.

SASABANGNGA 13:21

Su tempo allo Mawu u'amatta su saruanni mangitou sulal᷊ummu pal᷊iaṛṛanna winabbawa wuṛṛu su tempo ṛabbi i Tou nalliu ṛoro si mangitou sulal᷊ummu pal᷊iaṛṛanna putungnga tadea'u mamantingiddu lal᷊anna. Ringannu aroddi i mangitou wotongnge umamatta allo wuṛṛu ṛabbi.

SASABANGNGA 3:12

Ruata sinumimbakka, “I Ya'u sarun mantul᷊ungngu. Wuṛṛu napawe balahannu udde buatte niapiddu sinumabangnga wuassu Mesir, i yamiu sarun mattaṛṛamawu si Ya'u su wowone indi. Eteudde tatialane manungku i Ya'u nandolokku.”

SASABANGNGA 34:9

Wisarane, “Mawu, amungkangngu I'o atonna-tonna ma'apulu'u, i ya'u sumal᷊ande, doronganna Mawu tumantalongnga si yami. Walahanna udde atonna mangke tawe maddaringikka, arawe ampungewe al᷊al᷊eo wuṛṛu rosan kami wuṛṛu sengkamawe yami maola'a al᷊aṛṛanang-Ngu sassane.”

YESAYA 1:18

Mawu nabbisara, “Wette i ite manginsue hatto indi. Salaiwe i yamiu maṛṛamu ungu ana waugu manga rosanu, i yamiu sarun Ta'u raddasanna mabbal᷊i mawira waresi naal᷊ihidda sangarenna ara'e wungkassa. Salaiwe manga rosanu manambo wuṛṛu mawakkatta, i yamiu sarun Ta'u ampunganna atonna-tonna.

YESAYA 12:6

Paggiote ei manga tumana'u Sion, pangantarite ringannu lulluassa. Ruata na'ukassu Israel mangke mawantuga, i Tou uatana'a su pattangnganni yamiu.”

YESAYA 33:21

Mawu sarun mamasilon awawantu-Ge si ite. I ite sarun mabbiakka su winggin sal᷊ukka apan mal᷊oangnga, apan tawe apassenggotannu apallu seetta.

YESAYA 33:22

Al᷊awo'u saranapa su apalli mangitou tawe gunane; manga senggone tawe iaruitta! Anambon paa'alan tantaran seetta sarun aṛṛoanni ite, wuṛṛu saranapane tumanite manambo, na'oman sara taumata lome lai naasomba wageangnge. Mawu sassane sarun maola'a ratun kite; i Tou sarun mamarenta, maparisikku tita wuṛṛu manal᷊amatta si ite wuassu seetta.

YESAYA 38:17

Asasinggawangku sarun mawal᷊u mabbal᷊i atatammudda, I'o nanal᷊amatta si ya'u wuassu asasilaka; manga rosa'u sarangkanambone buatte niampungan-Nu.

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

YESAYA 8:10

Panngol᷊age, arawe sarangkanambone tawe maola'a. Pakkawesse, arawe tawe gunane, ana waugu Ruata uaṛundinganna si yami.

YEREMIA 50:20

Sutempo udde Israel wuṛṛu Yehuda sarun mawaresi wuassu rosa, ana waugu i Ya'u sarun mangampungnga manga taumata apan buatte i Ya'u niapaasal᷊amatta. I Ya'u, Mawu, buatte nabbisara.”

YEHEZKIEL 48:35

Ahewallu darandunga udde al᷊o'engnge si'o kilometere. Wuṛṛu manatakka orassa indi taumata nanagon soa udde: “PIA Mawu ISUDDE!”

YOEL 2:27

Ne i yamiu masingkatte, Israel, manungku i Ya'u udde su pattangngannu, wuṛṛu manungku i Ya'u, Mawu, uddewe Ruatanu. Tawe Duata waine, tumba'u i Ya'u sassane. Uma-U tate pansilianna apia!”

IMAMATTA 9:24

Inaṛṛombanganne Mawu nanossokku putungnga apan nanutungnga na'oman sara nasue sasamba itattambunna wuṛṛu manga wageangnge apan pia tawane su wowon mezbah. Su tempo ṛuangannu Israel naasilo i mangitou mangngintul᷊i wuṛṛu apiddu nassubba.

REENGANNA 14:18

‘I Ya'u, Mawu, mal᷊annu masa'u. I Ya'u mapal᷊iatta'u darangngu-U wuṛṛu apapia-U ringannu nilumambalanna. I Ya'u mangampungnga taumata apan marosa wuṛṛu apan nilumawangnga si Ya'u. Salaiwe aroddi, pasasal᷊an hagurangnga Ta'u walusanna su manga anangnge wuṛṛu papapulunne, maddatingngu pallaṛṛawanne atallune wuṛṛu aiappanne.’

REENGANNA 14:19

Orassa indi, Mawu, ana waugu aroddi ahewalle darangngu-Nu wuṛṛu I'o mangke uanaungnga pa'aire-Nu, i ya'u sumal᷊ande, ampungewe rosa manga taumata indi ere lai I'o buatte nangampungnga si mangitou ro'en nanantangngu leta'u Mesir.”

REENGANNA 16:3

I mangitou suadio'a inai sumaruanna si Musa wuṛṛu si Harun ana see nabbisara, “Wotongngete udde, Musa! Taumatan Israel sarangkanambone niṛṛae su Mawu, wuṛṛu Mawu indi su pattangnganni ite sarangkanambone. Arawe anio i'o massunna watangannu mattanggaṛṛanna wuassu Mawu?”

REENGANNA 9:22

Su al᷊annune winabbawa udde su wowon Dasannu Mawu, tanne al᷊annune dua allo, sambul᷊anna, santonna ara'e lumebbe, al᷊annune udde lai i mangitou uatana'a su tampa udde. Amungkangngu winabbawa udde rumuitta, wakkute udde i mangitou mangingkatta.

MATIUS 1:23

“Sangkatou maṛṛuala sarun mangilloṛṛo wuṛṛu mangunsiwen sangkatou ana'a esakka. Ana'a udde sarun isaggo aranne Imanuel.” (Imanuel eteudde wisaran Ibrani atappasanne, “Ruata su sampunna ringanni ite”.)

ROMA 6:14

Rosa tate wotongnge mamarenta si yamiu, ana waugu yamiu tate mabbiakka su parenta titan agama Yahudi arawe su al᷊ungngu al᷊amattu Ruata.

ROMA 8:1

Orassa indi tate lai ṛuumanna si mangitou apan mabbiakka su sambau ringannu Mawu Yesus.

2 KORINTUS 2:14

Arawe aadiangkamanna su Ruata! I Tou sidutu mangngehetta si yami tumantalongnga su amatanni Kristus ana waugu i yami mabbiakka su sambau ringanni Tou. Ruata nappaatti yami tadea'u watti'a su ola'i Kristus massal᷊iawukka naal᷊ihida hal᷊uru mawangngi su al᷊awo'u tampa.

2 KORINTUS 5:19

I yami namasingkata manungku sulal᷊ummi Kristus, Ruata napaaukku taumata apia ringannu watangan-Ne. Ruata na'ola'a udde ringannu tawe naṛṛingiddu pasasal᷊a apan buatte niola'u taumata su saruannu watangan-Ne. Wuṛṛu i yami suete nirolokku Ruata iapapasingkatu Watti'a udde.

2 KORINTUS 6:16

Apa sul᷊ungnge Wal᷊e Mawu wuṛṛu wal᷊em paal᷊uanna? I ite indi Wal᷊en Mawu, eteudde Ruata apan wiakka. Ruata sassane nabbisara, “I Ya'u sarun matana'a su pattangnganni mangitou, wuṛṛu mabbiakka suadio'a ringanni mangitou. I Ya'u sarun maola'a Ruata mangitou wuṛṛu i mangitou sarun maola'a al᷊aṛṛana-U.

TAHIUL᷊E 31:23

Wua'udde Mawu nabbisara si Yosua, ana'i Nun, wisara-Ne, “Ṛinone naungngu matohassa wuṛṛu waṛṛani, Yosua! I'o sarun mamiaṛṛa'u walahannu Israel sumutta su wanua apan Ta'u pina'ire si mangitou, wuṛṛu i Ya'u sarun mantul᷊ungngu.”

TAHIUL᷊E 32:5

Arawe ete i yamiu walahanna apan mal᷊awangnga, wuṛṛu tate lai sulal᷊anne maola'a al᷊aṛṛanang-Nge, walahanna apan napenen pallal᷊inga wuṛṛu rosa.

TAHIUL᷊E 33:5

Su tempo Israel uaammula ringannu manga piaṛṛangnge, Mawu nabbal᷊i Ratu su al᷊aṛṛanang-Nge.”

TAHIUL᷊E 9:24

Ro'en i ya'u masingkatti yamiu, i yamiu sidutu lullawangnga Mawu.

MAL᷊AṚṚUUNGNGA 6:13

I Gideon sinumimbakka, “I ya'u madorongnga ampunga tuanga! Amungkangngu atonna Mawu uarundinganna si yami, anio al᷊awo'u inolaanna indi naṛṛia'a si yami? Suapate al᷊awo'u al᷊aṛindu'a apan buatte niola'u Mawu dorone wuṛṛu buatte niapasingkattu iupungngu al᷊amonang kami su ola'u ereapa Mawu napasabbangi mangitou wuassu Mesir? Orassa indi Mawu nanantangken kami wuṛṛu namalan kami paparentannu manga taumatan Midian.”

1 SAMUEL 25:28

Ampungewe awawoddon allangngu, Mawu sarun ma'ola'a si Tuangku see lai papapulunni Tuangku maola'a ratu su Israel, ana waugu i Tuangku uapapangalo ana waugu Mawu; wuṛṛu i Tuangku tawe na'ola'a al᷊al᷊eo su al᷊o'engngu pabbiaṛṛanna.