REENGANNA 23:1 - WUKE SUSI WATTI'U AL᷊AL᷊USASSA

¹ Unni Bileam si Balak, “Pararisira'e su tampa indi si ya'u pitu mezbah, wuṛṛu saddiaite su tampa indi pitu sapi esakka wuṛṛu pitu domba esakka.”

REENGANNA 23:1 Iomraidhean Croise

2 MARARATU 18:22

Wua'udde tembonannu tantaran Asyur udde nabbisara, “Ara'e asinungka i yamiu mabbisara manungku i yamiu uaantimma Mawu, Ruatanu? Sutempo i Hizkia namarenta tadea'u taumatan Yehuda wuṛṛu Yerusalem tumba'u mattaṛṛamawu su saruannu mezbah su Yerusalem, wal᷊inewe apan nihohakke udde mezbah wuṛṛu manga tampa passubbanna Mawu sassane?

1 TAWARIKH 15:26

Pitu sapi esakka wuṛṛu pitu domba nionggola su Ruata ana waugu i Tou buatte nantul᷊ungngu taumatan Lewi apan namasanna Wantallu Pa'aire udde.

2 TAWARIKH 29:21

Su sasamba aampungnga rosa amonannu ratu wuṛṛu tumana'u Yehuda, wuṛṛu hunan mapasusin Wal᷊en Mawu, i mangitou nangapiddu 7 sapi esakka, 7 domba esakka, 7 ana'u domba, wuṛṛu 7 ambinga esakka. Ratu nandolokku manga imam papapulunni Harun mangapiddu manga winatangnga su wowon mezbah apan maola'a sambau sasamba itattambunna.

AYUB 42:8

Ne, orassa indi panganute pitu sapi esakka wuṛṛu pitu domba esakka, wua'udde roote ringanni Ayub. Ana see onggol᷊a'e sarangkanambone udde maola'a sasamba itattambunna hunan ririnu. Ayub sarun umal᷊iomanni yamiu wuṛṛu aal᷊iomanne sarun daringiṛṛang-Ku. I yamiu tawe Ta'u pansilianna, salaiwe i yamiu ṛinone manengkamma ṛuumanna. I yamiu tawe namasingkattu watti'a ṛinone su ola'u watangng-Ku, arawe i Ayub namasingkattu olangnge udde.”

SASABANGNGA 20:24

I Ya'u ola'ete sambau mezbah waussu leta'a, ana see onggola'e isudde domba wuṛṛu sapinu maola'a sasamba itattambunna wuṛṛu sasamba paddarame. Su al᷊awo'u tampa apan buatte nitantunna si yamiu maola'a tampa patataṛṛamawuanna si Ya'u, i Ya'u sarun dumanta wuṛṛu mangal᷊amatta si yamiu.

AMSAL 15:8

Mawu mannengkamma aal᷊iomannu taumata mapia, arawe i Tou maddantinnu sasamban taumata lal᷊eo.

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

YEHEZKIEL 45:23

Su al᷊annune ramea apan ilallaghu pitu allo udde, miallo-miallo i tou ṛinone mangonggolla su Mawu pitu sapi esakka wuṛṛu pitu domba esakka apan tawe sangkulle, ana see itambunna tal᷊impu'u. Miallo-miallo lai i tou ṛinone mangonggollu ambau ambinga esakka maola'a sasamba aampungnga rosa.

REENGANNA 22:41

Su allo tiṛṛabbine i Balak nangapiddi Bileam sinuma'a wuiddu Bamot Baal. Wua'isudde i Bileam wotongnge maasilo sambageanganna wuassu taumatan Israel.

REENGANNA 23:2

I Balak tinumuṛṛutta wisaran i Bileam si tou. Su wowon suapan mezbah udde i mangitou nangonggolu sambau sapi esakka wuṛṛu sambau domba esakka.

REENGANNA 23:29

Unni Bileam si Balak, “Pararisiṛṛa'e mezbah pitu su tampa indi wuṛṛu panaddiate pitu sapi esakka wuṛṛu pitu domba esakka.”

REENGANNA 23:30

I Balak tinumuṛṛutta ere su wisaran Bileam. I tou nangonggolu sambau sapi esakka su wowon manga sasamba udde.

REENGANNA 29:32

Su allo appitune onggol᷊a'a pitu sapi esakka saṛṛentumuwo, darua domba esakka, mapul᷊o appata domba esakka anangnge uukke santona, sambau-sambau tawe sangkule.

MATIUS 23:13

“Nasilakate i yamiu manga hurun agama wuṛṛu manga taumatan Farisi! Yamiu taṛṛa lilangkamal᷊e'a. I yamiu mannal᷊awa'a taumata ma'apulu maola'a lal᷊oṛṛon araratuannu Ruata. I yamiu sassane madiri maola'a lal᷊oṛṛon araratuannu Ruata, wuṛṛu taumata waine apan maapulu, sassal᷊awaanni yamiu. [

YUDAS 1:11

Nasilakate i mangitou! I mangitou suete niumamatta su lal᷊anni Kain. Tadea'u maasomba roitta, i mangitou namontollu wadangnge su inolaanna lal᷊eo ere Bileam. Wuṛṛu i mangitou lai nipate ana waugu nilumawanna ere Korah.

1 SAMUEL 15:22

Arawe i Samuel nabbisara, “Suapane apan lembon ipaapulu Mawu, atatuṛṛutta ara'e sasamba? Atatuṛṛutta su Mawu mappianne wuassu mangonggollu sasamba. Mararingikka mappianne wuassu tawan domba.