REENGANNA 22:6 - WUKE SUSI WATTI'U AL᷊AL᷊USASSA

⁶ I mangitou mattohasanna wuassi yami. Nariaddi, rantate! Wontohete i mangitou huna'u. Asinungka yami wotongnge mamaddon mangitou wuṛṛu mallimbuakka si mangitou wuassu wanua indi. Ana waugu i ya'u mangimanna taumata apan nial᷊amatannu sarun maasomba al᷊amatta, wuṛṛu taumata apan niwontohannu sarun maasomba wontoga.”

REENGANNA 22:6 Iomraidhean Croise

PANDARIADDI 12:3

I ya'u sarun mangal᷊amatta manga taumata apan mangngal᷊amatta si'o wuṛṛu mamontoga manga taumata apan mammontoga si'o. Wuṛṛu ana waugu i'o I ya'u sarun mangal᷊amatta anambon balahanna su runia.”

PANDARIADDI 27:29

Antimanna manga walahanna maola'a allangngu wuṛṛu manga ṛuangannu walahanna uasuṛṛubawa si'o. Antimanna i'o uataṛṛino manga tuṛṛangngu, wuṛṛu pallaṛṛiten inangngu massubba su saruannu. Antimanna awontohana anambon taumata apan mammontoga si'o wuṛṛu al᷊amatan anambon taumata apan mangngal᷊amatta si'o.”

1 MARARATU 22:13

Tantal᷊anna udde daroloṛṛanna apan nangal᷊appa si Mikha, nabbisara si Mikha, “Anambon nabi apan waine nami'attu auntungannu ratu. Doronganni Papa lai mami'attu apan mapia ere i mangitou.”

1 MARARATU 22:6

Ne i Ahab nangammullu iraṛṛangngo 400 nabi ana see naiwal᷊ote si mangitou, “Wotongnge i ya'u inai mamangalo Ramot ara'e tawe?” “Wotongnge!” sasimbakki mangitou. “Mawu sarun manantillu soa udde si Tuangnga.”

1 MARARATU 22:8

I Ahab sinumimbakka, “Ta'e pia sangkatou, i Mikha ana'i Yimla. Arawe i ya'u maddantinni tou, ana waugu tawe saran paassa i tou maramallu apa apan mapia si ya'u; sidutu apan dal᷊eo.” “Eh, arie pabbisara aroddi!” sasimbakki Yosafat.

NEHEMIA 13:2

ana waugu sutempo walahannu Israel sulal᷊ummu amatanna sinumabbangnga wuassu Mesir, walahanna darua udde tawe nangonggollu anna wuṛṛu ua'e su walahanna udde. Ewe'e lai i mangitou nanewa si Bileam niapawontoga walahannu Israel, arawe Ruatan kite buatte namal᷊u wawontoga udde nabbal᷊i al᷊amatta.’

DARALO 109:28

Salaiwe i mangitou mantal᷊a'u, antimanna I'o mangal᷊amatta si ya'u. Salaiwe i mangitou dumarisikka, i mangitou sarun pansilianna; arawe antimanna i ya'u, allang-Ngu iapal᷊uassa.

AMSAL 26:2

Naal᷊ihidda manu'u winalanganna tuttalla'a wuṛṛu mannalangnga su winalanganna, aroddi lai wawontoga tawe maṛṛino su taumata apan tawe sal᷊ane.

YEHEZKIEL 13:6

Manga aellegi mangitou awusu, wuṛṛu manga pani'atti mangitou tumba'u wawahia. I mangitou mangnga'u uaapiddu tanata wuassia-U, sumbal᷊i Ya'u tawe nandolokki mangitou. Ereapa wotongnge i mangitou mangngantimma pani'atti mangitou udde sarun mariaddi?

MIKHA 6:5

Uma-U, naungete apa apan nihol᷊agi Balak ratun Moab si yamiu, wuṛṛu apa apan nisimbakki Bileam ana'i Beor si tou. Naungete apa apan nariaddi su amatanna suwallattu paddasananna su Sitim wuṛṛu su Gilgal. Amungkangngu i yamiu maanaungnga sarangkanambone udde, i yamiu sarun maatutukka apa apan buatte Ta'u niola'a tadea'u ipanal᷊amatta siy amiu.”

REENGANNA 22:12

Mawu nabbisara si Bileam, “Imbaṛṛangnga i'o inai ringannu manga taumata udde, wuṛṛu imbaṛṛangnga mamontoga walahanna udde, ana waugu i mangitou buatte Ta'u nial᷊amatanna.”

REENGANNA 22:17

I ya'u sarun mangonggolu lal᷊antakke apan manambo atonna, wuṛṛu tumuṛṛutta al᷊awo'u wisaranu. Rantate, wuṛṛu wontohete walahanna udde huna'u.”

REENGANNA 23:13

Ana see i Balak nabbisara si Bileam, “Wette i ite inaite suadio'a watukku tampa waine; wua'isudde i'o wotongnge maasilo tumba'u sambageanganna walahannu Israel. Wontohete i mangitou isudde.”

REENGANNA 23:27

I Balak nabbisara, “Wette i ite watukku tampa waine. Isai masingkatta Ruata mamalanu mamontoga Israel huna'u su tampa udde.”

REENGANNA 24:9

Walahanna udde naal᷊ihidda singa esakka wuṛṛu singa wawine, apan uarammangnga wuṛṛu uatattere. Isai waṛṛani mamu'o si tou? Doronganna taumata apan mangal᷊amatta si'o sarun al᷊amatanna, wuṛṛu taumata apan mamontoga si'o sarun wontohanna.”

WATTI'U MANGA RASUL 16:16

Su sambau allo tantal᷊anna i yami u'al᷊iomanna, i yami nassomban sangkatou wawine; i tou allangnga. Wawine udde aintaṛṛoannu ghaṛṛaho lal᷊eo apan wotongnge mani'attu arariadianna apan sarun dumanta. Ringannu manni'attu inolaannu taumata, wawine udde mangngonggolu auntunganna apan bahewa su mawune.

TAHIUL᷊E 23:4

ana waugu i mangitou maddiri mangonggolu anna wuṛṛu ua'e si yamiu su tempo i yamiu sulal᷊ummu amatanna sumabbangnga wuassu Mesir. Ewe'e lai i mangitou nanewa si Bileam, ana'i Beor wuassu soan Petor su Mesopotamia iapawontoga si yamiu.

YOSUA 24:9

Ana see ratun Moab, eteudde i Balak ana'i Zipor, nandoappa si yamiu. I Tou nandolokku taumata inai ringanni i Bileam ana'i Beor wuṛṛu madorongnga tadea'u i Bileam mamontoga si yamiu.

1 SAMUEL 17:43

I Goliat nabbisara si Daud, “Ipa'ura ta'inna udde? Apa i'o massunna ya'u indi asu?” Ana see i tou nantal᷊an Daud ringannu arannu manga monganne.