REENGANNA 22:5 - WUKE SUSI WATTI'U AL᷊AL᷊USASSA

⁵ nandolokku daroloṛṛanna niapawago si Bileam, ana'i Beor, apan uatana'a su soan Petor maranin Sal᷊ukku Efrat su leta'u Amau. I mangitou nirolokka niapawal᷊o si Bileam tanata indi wuassi Balak, “Asingkatewe, pia sambau walahanna nirumanta wuassu Mesir; manga taumatane nirumanta nassal᷊iawukke su al᷊awo'u tampa wuṛṛu nasaddiate mamangalo wanuan kami.

REENGANNA 22:5 Iomraidhean Croise

PANDARIADDI 13:16

I Ya'u sarun mangonggolla si'o papapulunna apan tumanite manambo, ma'oman sara tawedu pia sangkatou apan botongnge maareengngi mangitou. Su ereapa taumata tawe maareengngu awu su leta'a, aroddi lai papapulunnu tawe iareengnga.

DARALO 105:24

Mawu na'ola'a al᷊aṛṛanang-Nge aatambanna anambone, na'oman sara i mangitou mattohasanna wuassu ro'amme.

SASABANGNGA 10:15

Ahewallu leta'a napenen taṛṛangassa wuṛṛu aellehanna nabbal᷊i ma'itumma. I mangitou u'anna al᷊awo'a apan tawe nasue su uranna masunge udde, nasutta manga wuassu aaluanna. Su ahewallu leta'u Mesir tate saran sambau apan ma'elomma apan nallambe su manga aaluanna ara'e manga sasuanna.

MIKHA 6:5

Uma-U, naungete apa apan nihol᷊agi Balak ratun Moab si yamiu, wuṛṛu apa apan nisimbakki Bileam ana'i Beor si tou. Naungete apa apan nariaddi su amatanna suwallattu paddasananna su Sitim wuṛṛu su Gilgal. Amungkangngu i yamiu maanaungnga sarangkanambone udde, i yamiu sarun maatutukka apa apan buatte Ta'u niola'a tadea'u ipanal᷊amatta siy amiu.”

REENGANNA 23:7

Ana see i Bileam nabbisaran papatta indi, “Wuassu Aram, panenteanna su samba'an da'i poiaroddi, i Balak, ratun Moab namaggo si ya'u, wisarane, ‘Rantate, pabbisarate ana waugu i ya'u. Wontohete walahannu Israel udde!’

REENGANNA 31:8

nasutta siri lima ratun Midian, eteudde i Ewi, i Rekem, i Zur, i Hur wuṛṛu i Reba. I Bileam ana'i Beor nate lai nipate.

TAHIUL᷊E 23:4

ana waugu i mangitou maddiri mangonggolu anna wuṛṛu ua'e si yamiu su tempo i yamiu sulal᷊ummu amatanna sumabbangnga wuassu Mesir. Ewe'e lai i mangitou nanewa si Bileam, ana'i Beor wuassu soan Petor su Mesopotamia iapawontoga si yamiu.

TAHIUL᷊E 23:5

Arawe Mawu Ruatanu maddiri madaringikka si Bileam. Ewe'e lai nawal᷊i'a i Tou namal᷊u wontoga udde nabbal᷊i al᷊amatta, ana waugu i Tou marangngu si yamiu.

YOSUA 13:22

Su wallatu manga taumata apan niapate balahannu Israel, niasombanganna lai i Bileam ana'i Beor, taṛṛa si'atta.

YOSUA 24:9

Ana see ratun Moab, eteudde i Balak ana'i Zipor, nandoappa si yamiu. I Tou nandolokku taumata inai ringanni i Bileam ana'i Beor wuṛṛu madorongnga tadea'u i Bileam mamontoga si yamiu.

YUDAS 1:11

Nasilakate i mangitou! I mangitou suete niumamatta su lal᷊anni Kain. Tadea'u maasomba roitta, i mangitou namontollu wadangnge su inolaanna lal᷊eo ere Bileam. Wuṛṛu i mangitou lai nipate ana waugu nilumawanna ere Korah.

SONDAPPA 2:14

Salaiwe aroddi pia manga pira inolaani yamiu apan tawe maal᷊uassa si Ya'u: Pia sangkadoanna taumata su wallatti yamiu apan mangngimanna al᷊aṛṛa'i Bileam. I Bileam nangaṛṛa'a si Balak ereapa mangema'u taumatan Israel su rosa; ringannu nassal᷊o'i mangitou umanna anna apan suete nionggolla su paal᷊uanna wuṛṛu ma'inolaanna sussandaga.