REENGANNA 21:29 - WUKE SUSI WATTI'U AL᷊AL᷊USASSA

²⁹ Ore walahannu Moab, i'o nasilakate! Matataṛṛamawu si Kamos, i'o matete! I'o niwalan mongannu mabbal᷊i tumatal᷊angnga, manga wawinenu mabbal᷊i taumata nisamettu ratun Amori.

REENGANNA 21:29 Iomraidhean Croise

1 MARARATU 11:33

I Ya'u sarun ma'ola'a olangnge udde ana waugu i Salomo buatte nanantang-Ku wuṛṛu massubba manga monganna, eteudde; Asytoret, mongannu walahannu Sidon; i Kamos, mongannu walahannu Moab; wuṛṛu i Milkom, mongannu walahannu Amon. I Salomo tate tumuṛṛutta apulu-U. I tou tawe ere iamangnge Daud apan matuṛṛutta si Ya'u wuṛṛu mappaamattu manga parenta-U.

1 MARARATU 11:7

Roso su wowone su samba'a ra'in Yerusalem, i tou napararisikku tampa passubbanna si Kamos, mongannu taumatan Moab, wuṛṛu si Molokh, mongannu taumatan Amon – itarua udde monganna apan ma'arantinna.

2 MARARATU 23:13

See lai manga mezbah su Yerusalem samba'an ra'i, su samba'a timukku Wuiddu Al᷊al᷊eo nisaparanna. Manga mezbah udde niaparisikki Ratu Salomo ipassubba manga monganna apan ma'arantinna – eteudde Asytoret mongannu walahannu Sidon, Kamos mongannu walahannu Moab, wuṛṛu Milkom mongannu walahannu Amon.

YESAYA 15:5

I ya'u u'akkannu Moab! Tumanangnge nattal᷊angnga watukku soan Zoar wuṛṛu watukku Eglat-Selisia. Piaddu sinuma'a su lal᷊anna watukku Luhit lapiddu lulluai; piaddu lai apan tinumal᷊angnga watukku Horonaim lapiddu ma'uare ana waugu niaṛṛiaannu asasilaka.

YESAYA 16:2

Manga taumatan Moab uaṛṛaddo su wiwikku Sal᷊ukku Arnon lapiddu u'amatta niwingone naal᷊ihidda manga manu'u winalanganna apan nilimbuaṛṛanna wuassu sal᷊akke.

YEREMIA 48:13

Moab sarun sumassilla si Kamos, monganni mangitou, ere lai taumatan Israel sinumassilla su Betel apan iaasakki mangitou udde.

YEREMIA 48:45

Manga tumatal᷊angnga apan lomete inaite naddea'a patillundumanna su Hesybon, arawe soa udde tantal᷊anna massoṛṛobba wuṛṛu wal᷊en araratuanni Ratu Sihon lai tantal᷊anna ia'epoddu putungnga. Putungnga buatte nanginsue wageangngu passaranna wuṛṛu panenteannu Moab, wanuan taumata apan apulune mapapangalo.

YEREMIA 48:46

Nasilakate Moab! Tumanangne apan massubba si Monganna Kamos buatte nipate, wuṛṛu al᷊aṛṛana'i mangitou niṛṛootta maola'a tawananna.

YEREMIA 48:7

Moab! I'o mangngasakku atatohannu wuṛṛu paa'alanu. Arawe orassa indi i'o sarun iwaddo. Kamos, mongannu, suadio'a ringannu manga imam wuṛṛu tembonanne sarun iapidda supamuanganna.

REENGANNA 24:17

Ellehangku i tou, arawe wal᷊ine orassa indi; saileangku i tou, arawe ro'en marau. Sangkatou ratu wuassu Israel darantane, sarun dumanta naal᷊ihidda anumpitanna masemakka. Manga piaṛṛa'u Moab sarun ṛimunsaanne walahanni Set sarun pateanne.

MAL᷊AṚṚUUNGNGA 11:24

Wuṛṛu orassa indi, udde anuannu apia? Leta'a apan nionggoli Kamos, mongannu udde, si'o wotongngete sidutu tatahuananni yamiu. Arawe apa apan buatte nionggolu Mawu, Ruatan kami si yami, udde sarun tahuananni yami.