REENGANNA 20:16 - WUKE SUSI WATTI'U AL᷊AL᷊USASSA

¹⁶ wuṛṛu yami sinumal᷊ande su Mawu maiontolla. I Tou naddaringikka sasal᷊anden kami wuṛṛu nandolokku sangkatou mala'ekatta. Mala'ekatta udde namiaṛṛa'i yami sinumabbangnga wuassu leta'u Mesir. Orassa indi yami uatana'a su Kades, sambau soa su passarannu wageangngu leta'i Tuangku.

REENGANNA 20:16 Iomraidhean Croise

SASABANGNGA 14:10

Napawe taumatan Israel naasilo ratu Mesir wuṛṛu tantarane nirumanta, i mangitou mangke nata'utta wuṛṛu mangngintul᷊i maiontolla su Mawu.

SASABANGNGA 14:19

Ana see mala'ekattu Ruata, apan su saruannu tantaran Israel, nangingkatta su liudde. Wuṛṛu nangingkatte lai pal᷊iaṛṛannu winabbawa na'oman sara naaddo,

SASABANGNGA 23:20

“I Ya'u sarun mandolokku mala'eka-U malliu ṛoro si yamiu iapal᷊u'adda si yamiu sulal᷊ummu amatanna wuṛṛu mangapiddi yamiu watukku tampa apan buatte nisaddia-U.

SASABANGNGA 33:2

I Ya'u sarun mandolokku sangkatou mala'ekatta iapapiaṛṛa'i yamiu. I Ya'u sarun mallimbuakka walahannu Kanaan, Amori, Het, Feris, Hewi wuṛṛu Yebus.

SASABANGNGA 6:5

Nariaddi al᷊iata'e su taumatan Israel manungku i Ya'u nabbisara si mangitou: Ete i Ya'u Mawu; i yamiu sarun Ta'u iapallossa wuassu pataṛṛuallanganna Mesir. I Ya'u sarun mapal᷊iatta'u taṛṛino-U apan bahewalla ipanal᷊amatta si yamiu wuṛṛu mangema'u ṛuumanna mawakkata su walahannu Mesir.

DANIEL 6:22

Ana see niaringiṛṛante tingikki Daniel apan sinumimbakka, “Wiakke Tuangku saran mal᷊annu-l᷊annu!

REENGANNA 20:15

Iupungngu al᷊amonan kami inaite watukku Mesir wuṛṛu namanua poiaroddi pira tonna al᷊annune. Iupungngi yami wuṛṛu yami niola'a lal᷊eo ṛatangannu walahannu Mesir,

REENGANNA 21:22

“Wala'awe yami sumabbi su wanuan Tuangnga. Yami wuṛṛu winatangngi yami sarun tawe manewadda wuassu lal᷊anna wuṛṛu tawe sumutta su manga wawail᷊anna ara'e manga waillu anggore ara'e ma'inumma ua'e manga paṛṛihi. Yami sarun tawe manewadda wuassu lal᷊anna wahewalla maddatingngu yami sumabbangnga wuassu wageangngu leta'i Tuangku.”

TAHIUL᷊E 4:34

Apa pia sambau monganna apan baṛṛani mangal᷊appa sambau walahanna wuassu wallatu manga walahanna isudde ana see ma'ola'a si mangitou al᷊aṛṛanang-Nge sassane, ere buatte niola'u Mawu Ruatanu si yamiu su Mesir? I yamiu naasilo sassane ereapa Ruata ringannu atatohassa apan bahewalla nandantan asasilaka wuṛṛu pangalo, nammanara manga al᷊aṛṛindu'a wuṛṛu na'ola'a manga inolaanna apan bahewalla.

TAHIUL᷊E 4:37

Ana waugu i Tou mandangngu al᷊amonanu, ne i Tou buatte namile si yamiu; ringannu taṛṛino-Ne apan wahewalla i yamiu buatte niapiddi Tou sinumabbangnga wuassu Mesir.

YOSUA 15:1

Manga amonanna wuassu ṛuanganni Yehuda nanarimmattu wageangngu leta'a apan passaranne ere manansunna indi: Su samba'an timukka, wageangngu leta'a udde uawannadda ma'oman sara pentakku timukka, su wageangngu leta'u wadda'u Zin su passarannu Edom;