REENGANNA 19:9 - WUKE SUSI WATTI'U AL᷊AL᷊USASSA

⁹ Ana see sangkatou apan tawe ma'arantinna ṛinone mangammulu awun sapi udde wuṛṛu iaddo su tampa apan baresi su liuddu paddasananna. Awu udde iaddo isudde tadea'u ṛuangannu Israel wotongnge mappaatta ipa'ola'a ua'e lal᷊aghun pangangukkassa hunan pamamappassa rosa.

REENGANNA 19:9 Iomraidhean Croise

IMAMATTA 15:20

Al᷊awo'a apan niaiananne ara'e niatiil᷊annu wawine su al᷊o'engngu i tou niarantannu radda'u wawine mabbal᷊i ma'arantinna.

ZAKARIA 13:1

Mawu Apan Lembontaṛṛino nabbisara, “Su allo udde sarun sumabbangnga sambau al᷊imatan kua'e ipangukkassa papapulunni Daud wuṛṛu tumana'u Yerusalem wuassu rosa wuṛṛu pasasubba paal᷊uanna apan buatte niola'i mangitou.

REENGANNA 19:13

Taumata apan naeṛṛetannu asuangnga wuṛṛu tawe mamaresi watanganne uddewe ma'arantinna, ana waugu i tou taambe niwokkannu ua'e lal᷊aghu. I tou na'ola'a Rasannu Mawu ma'arantinna wuṛṛu ana waugu udde i tou tate mareengnga su al᷊aṛṛana'u Ruata.

REENGANNA 19:17

Su ipamaresi taumata apan ma'arantinna udde, ṛinone manganu awu addio'a wuassu sapi wawine maṛṛamu apan buatte tinambunna ipamappassa rosa. Awu udde ṛinone itaṛṛo sulal᷊ummu sambau urinna, ana see lal᷊inannu ua'e apan nianu wuassu ua'e mangngelekka.

REENGANNA 19:18

Sulal᷊ummu olangnge paaororone, eteudde amungkangngu pia taumata apan paarorone nate sulal᷊ummu rasanna, taumata apan baresi ṛinone manganu sandanna hisop, iammo sulal᷊ummu ua'e udde, ana see mamokka rasanna udde wuṛṛu al᷊awo'u saranapa apan uaraddo sulal᷊umme, wuṛṛu manga taumata isudde lai. Su olangnge aruane, eteudde napawe sangkatou naeṛṛetannu asuangnga, labbingnga ara'e duṛṛin taumata nate, taumata apan baresi udde ṛinone mamokka taumata apan ma'arantinna udde ringannu olangnge apan uasul᷊ungnga lai.

REENGANNA 19:3

Tantil᷊a'e sapi udde si Imam Eleazar. Winatangnga udde ṛinone iapidda su liuddu paddasananna ana see ṛatanna su saruannu imam.

REENGANNA 19:8

Taumata apan nanambunnu sapi udde lai ṛinone mabbansalla laungnge wuṛṛu mandeno; i tou lai ta'e ma'arantinna maddatingngu matannallo umattuppa.

REENGANNA 6:12

wuṛṛu mallimbakku pananantillu watanganne ere sangkatou taumata nazir. Su al᷊o'engngu tempo apan nal᷊iute tate ireengnga lai ana waugu i tou nabbal᷊ite ma'arantinna. Maola'a sasamba lal᷊anna'a arugianna i tou ṛinone mangonggolu sambau ana'u domba uukke santonna.

REENGANNA 8:7

ringannu olangnge indi: saṛṛanite i mangitou ringannu ua'e hunan lal᷊aghun pamamaresi wuṛṛu doloṛṛae i mangitou mangiṛṛi ahewallu watanganne wuṛṛu mabbansalla laubbi mangitou. Ringannu aroddi i mangitou nawaresite.

REENGANNA 9:13

Arawe taumata apan tawe maarantinna wuṛṛu tawe lai sulal᷊ummu amatanna marau, sidutu wolo'a mallaghu Paskah, tate lai Ta'u ireengnga maola'a walahang-Ku, ana waugu i tou tawe nangonggolu sasamba si Ya'u su tempo apan buatte tinantunna. Taumata udde ṛinone mamasanna pangillul᷊eannu rosane.

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

2 KORINTUS 7:1

Manga tuṛṛangnga apan arangnguanna! Anambon paaire udde tuddane si ite. Ana waugu udde ṛinone i ite mamaresi watanganni ite. Ṛinone i ite mata'uttu Ruata, tadea'u i ite wotongnge mabbiakka sassane hunan Mawu ringannu nasuungnga.

IBRANI 7:26

Nariaddi, Mawu Yesus eteudde Imam Bahewa apan pappandumanni ite. I Tou susi; si Tou tawe niasombanganna pasasal᷊a ara'e rosa sarang kadio'a. I Tou niṛṛae wuassu manga taumata marosa, wuṛṛu niruitta su tampa lembon atanggaṛṛanne wuassu al᷊awo'u langitta.

IBRANI 9:13

Ṛaṛṛang kambinga wuṛṛu sapi esakka wuṛṛu awun sassamba ana'u sapi, nipaatta ipammokka manga taumata apan lal᷊eo tumuṛṛuttu atorannu agama tadea'u i mangitou mawaresi. Ne, amungkangu ṛaṛṛa wuṛṛu awu udde wotongnge maawaresi al᷊al᷊eo manga taumata udde,