REENGANNA 19:20 - WUKE SUSI WATTI'U AL᷊AL᷊USASSA

²⁰ Taumata apan nabbal᷊i ma'arantinna wuṛṛu tawe mallaghu pangangukkassa watanganne, sidutu ma'arantinna ana waugu taambe niwokkannu ua'e lal᷊aghu. I tou nanapadda Rasannu Mawu, wuṛṛu tate mareengnga al᷊aṛṛana'u Ruata.

REENGANNA 19:20 Iomraidhean Croise

PANDARIADDI 17:14

Suapan taumata esakka apan tawe nisunatta tate lai mareengnga al᷊aṛṛana-U ana waugu i tou tawe uaaggassa pa'aire udde.”

SASABANGNGA 30:33

Taumata apan na'ola'a lana ereudde, ara'e mappaatta su taumata apan bal᷊ine imam, tate lai mareengnga al᷊aṛṛana-U.”

IMAMATTA 15:31

Mawu nandolokki Musa mapaanaungnga walahannu Israel tadea'u manutukka su tempo ereapa i mangitou ma'arantinna wuṛṛu su tempo ereapa tawe, tadea'u i mangitou tawe ma'arantinna Rasanna Mawu apan addone su pattangngannu paddasananni mangitou. Amungkangngu i mangitou na'ola'a Rasanna udde ma'arantinna, ne i mangitou sarun mate.

IMAMATTA 17:16

Amungkangngu i tou napaamattu udde, i tou ṛinone mamasanna pangillul᷊eanne.

IMAMATTA 22:4

Sangkatou papapulunni Harun apan uapendamma radda'a su pisi apan ma'ata'utta, ara'e rada'a su awa'u esakka na'oman sara sussabbangke nana, imbaṛṛangnga umanna sasamba susi amungkangngu i tou taambe niwal᷊o waresi. Sangkatou imam mabbal᷊i lal᷊eo amungkangngu i tou nangindingnga sambau apan dal᷊eo ana waugu niaeṛṛetannu winal᷊unanna. I tou lai ma'arantinna amungkangngu sari'a sinumabbangnga,

REENGANNA 15:30

Arawe amungkangngu sangkatou taumatan Israel ara'e sangkatou taumata raho ringannu nipattatudda na'ola'a rosa, i tou nallobbossa Mawu. Taumata udde ṛinone pateanna,

REENGANNA 19:13

Taumata apan naeṛṛetannu asuangnga wuṛṛu tawe mamaresi watanganne uddewe ma'arantinna, ana waugu i tou taambe niwokkannu ua'e lal᷊aghu. I tou na'ola'a Rasannu Mawu ma'arantinna wuṛṛu ana waugu udde i tou tate mareengnga su al᷊aṛṛana'u Ruata.

REENGANNA 9:13

Arawe taumata apan tawe maarantinna wuṛṛu tawe lai sulal᷊ummu amatanna marau, sidutu wolo'a mallaghu Paskah, tate lai Ta'u ireengnga maola'a walahang-Ku, ana waugu i tou tawe nangonggolu sasamba si Ya'u su tempo apan buatte tinantunna. Taumata udde ṛinone mamasanna pangillul᷊eannu rosane.

MARKUS 16:16

Taumata apan tawe mangngimanna sarun iṛṛuumanna. Arawe taumata apan mangngimanna wuṛṛu saṛṛanianna, sarun masal᷊amatta.

2 PETRUS 3:14

Ana waugu udde, manga tuṛṛangnga apan arangnguanna, tantal᷊anna i yamiu uaṛṛaddo Allo udde, pappandumpe atonna-tonna mabbiakka susi wuṛṛu tawe pasassal᷊a su saruannu Ruata. Wuṛṛu paddul᷊ianete paa'aukka apan mapia ringannu Ruata.

SONDAPPA 22:11

Taumata apan dal᷊eo, sidutu ma'ola'a al᷊al᷊eo; taumata ia'arantina wala'e i tou mapaarantinu watanganne; taumata apan tuttuṛṛuta apulun Ruata, wala'e sidutu i tou tuttuṛṛuta apulun Ruata, wuṛṛu taumata apan mabbiakka tumba'u hunane su Ruata sassane, wala'e sidutu mabbiakka hunane su Ruata sassane.”