REENGANNA 19:19 - WUKE SUSI WATTI'U AL᷊AL᷊USASSA

¹⁹ I tou ṛinone mamokka su allo atallune wuṛṛu su allo appitune. Su allo appitune udde nasuete lal᷊aghu pangangukkasa taumata apan ma'arantinna udde. Taumata udde ṛinone mabbansalla wuṛṛu mandeno. Manattakka matannalo umattuppa i tou nawaresite.

REENGANNA 19:19 Iomraidhean Croise

PANDARIADDI 2:2

Su allo appitune Ruata suete nanginsue manara-Ne udde, ana see i Tou nangillol᷊ote.

SASABANGNGA 19:10

Orassa indi sombaite manga taumata udde, wuṛṛu doloṛṛa'e i mangitou allo indi wuṛṛu tiṛṛabbi mandiahi watanganne mattaṛṛamawu. I mangitou ṛinone mabbansalla laubbi mangitou.

YEHEZKIEL 36:25

Wua'udde i yamiu sarun Ta'u ṛente'annu ua'e matilangnga, tadea'u i yamiu mawaresi wuassu al᷊awo'u paal᷊uannu wuṛṛu wuassu al᷊awo'u manga apa apan buatte nandal᷊eo si yamiu.

IMAMATTA 14:7

Imam mangalassu daṛṛan manu'u winalanganna udde paapitu su taumata apan napiate, wuṛṛu namasingkatta i tou waresite. Ana see manu'u winalanganna apan ta'e wiakka ṛinone ipallossa su wadda'a.

IMAMATTA 14:9

Su allo appitune i tou ṛinone mallunggukka anambon utangnge, wuṛṛu omengnge, angkarimme wuṛṛu anambon waṛṛabbissa su awangnge. Ana see i tou ṛinone mabbansalla laungnge wuṛṛu mandeno. Wua'udde i tou nawaresite.

REENGANNA 19:12

Su allo atallune wuṛṛu appitu i tou ṛinone mamaresi watanganne ringannu ua'e lal᷊aghu; wakkute udde i tou mawaresi. Arawe amungkangngu su allo atallune wuṛṛu appitune i tou tawe namaresi watanganne, i tou sidutu ma'arantinna.

REENGANNA 19:13

Taumata apan naeṛṛetannu asuangnga wuṛṛu tawe mamaresi watanganne uddewe ma'arantinna, ana waugu i tou taambe niwokkannu ua'e lal᷊aghu. I tou na'ola'a Rasannu Mawu ma'arantinna wuṛṛu ana waugu udde i tou tate mareengnga su al᷊aṛṛana'u Ruata.

REENGANNA 19:18

Sulal᷊ummu olangnge paaororone, eteudde amungkangngu pia taumata apan paarorone nate sulal᷊ummu rasanna, taumata apan baresi ṛinone manganu sandanna hisop, iammo sulal᷊ummu ua'e udde, ana see mamokka rasanna udde wuṛṛu al᷊awo'u saranapa apan uaraddo sulal᷊umme, wuṛṛu manga taumata isudde lai. Su olangnge aruane, eteudde napawe sangkatou naeṛṛetannu asuangnga, labbingnga ara'e duṛṛin taumata nate, taumata apan baresi udde ṛinone mamokka taumata apan ma'arantinna udde ringannu olangnge apan uasul᷊ungnga lai.

REENGANNA 31:19

Wuṛṛu i yamiu sarangkanambone apan buatte namate taumata ara'e nangindinga asuangnga ṛinone matana'a su liuddu paddasananna al᷊annune pitu allo. Su allo atallune wuṛṛu allo appitune i yamiu wuṛṛu anambon bawine apan niasametti yamiu ṛinone ma'ola'a lal᷊aghun pangangukassa wadangnga.

REENGANNA 31:24

Su allo appitune i yamiu ṛinone mabbansalla laungngu, wakkute udde i yamiu tate maarantinna, wuṛṛu wotongngete sumutta sulal᷊ummu paddasananna.”

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

IBRANI 10:22

Ana waugu udde, wette i ite mangundani Ruata ringannu naungnga matul᷊ida wuṛṛu pangangimanna apan matohassa; ringannu naungnga apan suete niukassa wuassu apendamma apan sal᷊a, wuṛṛu ringannu wadangnga apan suete niukkassu ua'e waresi.

1 YOHANES 1:7

Arawe amungkangu i ite mabbiakka sulal᷊ummu asasemakka ere lai Ruata sulal᷊ummu asasemakka, ne i ite mabbiakka uaaukka atonna, uasangkapia sangkatou ringannu waine, wuṛṛu ṛaṛṛan Mawu Yesus, Anang-Nge, namaresi si ite wuassu al᷊awo'u rosa.

YUDAS 1:23

Wol᷊engke taumata udde paasabbanga'a wuassu lal᷊ummu putungnga ana see i mangitou masal᷊amatta. Su saruannu manga taumata waine ṛinone i yamiu mapaal᷊iatta'u darangngu rarundinganannu apendama matta'utta, arawe arantinten sara lai laubbi mangitou apan napenen luhudu al᷊al᷊eo mangitou apan marosa.