REENGANNA 19:13 - WUKE SUSI WATTI'U AL᷊AL᷊USASSA

¹³ Taumata apan naeṛṛetannu asuangnga wuṛṛu tawe mamaresi watanganne uddewe ma'arantinna, ana waugu i tou taambe niwokkannu ua'e lal᷊aghu. I tou na'ola'a Rasannu Mawu ma'arantinna wuṛṛu ana waugu udde i tou tate mareengnga su al᷊aṛṛana'u Ruata.

REENGANNA 19:13 Iomraidhean Croise

SASABANGNGA 30:33

Taumata apan na'ola'a lana ereudde, ara'e mappaatta su taumata apan bal᷊ine imam, tate lai mareengnga al᷊aṛṛana-U.”

AMSAL 14:32

Taumata lal᷊eo nate ana waugu al᷊al᷊eo, taumata mapia nilu'arannu apapiane.

YEHEZKIEL 44:26

Napawe i tou nawaresite apia, i tou ṛinone maṛṛaddo pitu allo lai,

IMAMATTA 15:31

Mawu nandolokki Musa mapaanaungnga walahannu Israel tadea'u manutukka su tempo ereapa i mangitou ma'arantinna wuṛṛu su tempo ereapa tawe, tadea'u i mangitou tawe ma'arantinna Rasanna Mawu apan addone su pattangngannu paddasananni mangitou. Amungkangngu i mangitou na'ola'a Rasanna udde ma'arantinna, ne i mangitou sarun mate.

IMAMATTA 20:3

Taumata apan nangonggolu sasamba anangnge si Molokh, napaarantinnu Rasang-Ku wuṛṛu mallobbossa arang-Ku apan susi. I tou sarun Ta'u iṛṛuumanna wuṛṛu tate lai mareengnga al᷊aṛṛana-U.

IMAMATTA 22:3

Amungkangngu sangkatou wuassu papapulunnu ta'e ia'arantinna nangundani manga sasamba susi apan niṛṛaen balahannu Israel si Ya'u, i tou tawe wotongnge lai mangimbe su mezbah. Atoranna indi ipaatta saran mal᷊annu-l᷊annu. Ete i Ya'u Mawu.

IMAMATTA 22:4

Sangkatou papapulunni Harun apan uapendamma radda'a su pisi apan ma'ata'utta, ara'e rada'a su awa'u esakka na'oman sara sussabbangke nana, imbaṛṛangnga umanna sasamba susi amungkangngu i tou taambe niwal᷊o waresi. Sangkatou imam mabbal᷊i lal᷊eo amungkangngu i tou nangindingnga sambau apan dal᷊eo ana waugu niaeṛṛetannu winal᷊unanna. I tou lai ma'arantinna amungkangngu sari'a sinumabbangnga,

IMAMATTA 5:17

Amungkangngu sangkatou ringannu tawe nipattatudda na'ola'a rosa ana waugu nilumawangnga sambau su wallatu parentan Mawu, taumata udde nassal᷊a wuṛṛu ṛinone mamasanna pasasal᷊ane.

IMAMATTA 5:3

Amungkangngu pia sangkatou taumata ana waugu ringannu tawe nipattatudda nangeṛṛetta saranapa ipappalli apan wuassu taumata, wuṛṛu wua'udde naatutukka pallal᷊agune.

IMAMATTA 5:6

Wuṛṛu su ipanubbussa rosane, i tou ṛinone mangapiddu sambau domba ara'e ambinga wawine su Mawu. Imam ṛinone mangonggolu sasamba udde tadea'u rosan taumata udde ampunganna.

IMAMATTA 7:20

Amungkangngu taumata uminassa ṛemessa udde su tempo i tou tantal᷊anna nassal᷊a, i tou tate lai mareengnga al᷊aṛṛana'u Ruata.

IMAMATTA 7:21

Amungkangngu sangkatou uminassa ṛemessu sasamba udde napawe i tou buatte nangeṛṛetta saranapa apan ipappalli, mawae udde wuassu taumata ara'e lai wuassu binatangnga, i tou tate lai mareengnga al᷊aṛṛana'u Ruata.

REENGANNA 15:30

Arawe amungkangngu sangkatou taumatan Israel ara'e sangkatou taumata raho ringannu nipattatudda na'ola'a rosa, i tou nallobbossa Mawu. Taumata udde ṛinone pateanna,

REENGANNA 19:14

Amungkangngu sangkatou nate sulal᷊ummu sambau rasanna, isai-sai apan sulal᷊ummu rasanna udde ara'e sinumutta sulal᷊umme, mabbal᷊i ma'arantinna al᷊annune pitu allo.

REENGANNA 19:18

Sulal᷊ummu olangnge paaororone, eteudde amungkangngu pia taumata apan paarorone nate sulal᷊ummu rasanna, taumata apan baresi ṛinone manganu sandanna hisop, iammo sulal᷊ummu ua'e udde, ana see mamokka rasanna udde wuṛṛu al᷊awo'u saranapa apan uaraddo sulal᷊umme, wuṛṛu manga taumata isudde lai. Su olangnge aruane, eteudde napawe sangkatou naeṛṛetannu asuangnga, labbingnga ara'e duṛṛin taumata nate, taumata apan baresi udde ṛinone mamokka taumata apan ma'arantinna udde ringannu olangnge apan uasul᷊ungnga lai.

REENGANNA 19:19

I tou ṛinone mamokka su allo atallune wuṛṛu su allo appitune. Su allo appitune udde nasuete lal᷊aghu pangangukkasa taumata apan ma'arantinna udde. Taumata udde ṛinone mabbansalla wuṛṛu mandeno. Manattakka matannalo umattuppa i tou nawaresite.

REENGANNA 19:20

Taumata apan nabbal᷊i ma'arantinna wuṛṛu tawe mallaghu pangangukkassa watanganne, sidutu ma'arantinna ana waugu taambe niwokkannu ua'e lal᷊aghu. I tou nanapadda Rasannu Mawu, wuṛṛu tate mareengnga al᷊aṛṛana'u Ruata.

REENGANNA 19:9

Ana see sangkatou apan tawe ma'arantinna ṛinone mangammulu awun sapi udde wuṛṛu iaddo su tampa apan baresi su liuddu paddasananna. Awu udde iaddo isudde tadea'u ṛuangannu Israel wotongnge mappaatta ipa'ola'a ua'e lal᷊aghun pangangukkassa hunan pamamappassa rosa.

REENGANNA 8:7

ringannu olangnge indi: saṛṛanite i mangitou ringannu ua'e hunan lal᷊aghun pamamaresi wuṛṛu doloṛṛae i mangitou mangiṛṛi ahewallu watanganne wuṛṛu mabbansalla laubbi mangitou. Ringannu aroddi i mangitou nawaresite.

REENGANNA 9:13

Arawe taumata apan tawe maarantinna wuṛṛu tawe lai sulal᷊ummu amatanna marau, sidutu wolo'a mallaghu Paskah, tate lai Ta'u ireengnga maola'a walahang-Ku, ana waugu i tou tawe nangonggolu sasamba si Ya'u su tempo apan buatte tinantunna. Taumata udde ṛinone mamasanna pangillul᷊eannu rosane.

YOHANES 8:24

Ana waugu udde i Ya'u mabbisara si yamiu, manungku i yamiu sarun mate sulal᷊ummu manga rosanu. Wuṛṛu atonna i yamiu sarun mate sulal᷊ummu manga rosanu, amungkangngu i yamiu tawe mangngimanna manungku, ‘ete i Ya'u i Tou apan isassago I YA'U INDI’. ”

IBRANI 10:29

Aroddi awakkane ṛuumanna apan ionggola su taumata apan maṛṛinda Ana'u Ruata. Taumata udde mangngadio'a ṛaṛṛam pa'airen Ruata, eteudde papaten Kristus apan namaresi si tou wuassu rosa. I Tou mangngadio'a Ghaṛṛaho apan mangngonggolu al᷊amatta.

IBRANI 9:10

Ana waugu manga lal᷊aghu udde tumba'u matataṛṛino su anna, inumanna, wuṛṛu al᷊awo'u lal᷊aghum pamamaresi. Sarangkanambone udde tumba'u atorannu wadanga apan tumba'u ma'oman sara tempone Ruata mallimbakku.

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

SONDAPPA 22:11

Taumata apan dal᷊eo, sidutu ma'ola'a al᷊al᷊eo; taumata ia'arantina wala'e i tou mapaarantinu watanganne; taumata apan tuttuṛṛuta apulun Ruata, wala'e sidutu i tou tuttuṛṛuta apulun Ruata, wuṛṛu taumata apan mabbiakka tumba'u hunane su Ruata sassane, wala'e sidutu mabbiakka hunane su Ruata sassane.”

SONDAPPA 22:15

Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.