REENGANNA 18:8 - WUKE SUSI WATTI'U AL᷊AL᷊USASSA

⁸ Mawu nabbisara si Harun, “Paanaunge! Anambon sasamba iṛṛae apan ionggola si Ya'u apan tawe itambunna udde wageangngu. Eteudde wageangngu apan buatte nitantunna saran mal᷊annu-l᷊annu. Udde Ta'u nionggola si'o wuṛṛu su papapulunnu.

REENGANNA 18:8 Iomraidhean Croise

2 MARARATU 12:16

Roitta wuassu sasamba pinallanna'a ariegianna wuṛṛu sasamba aampunga rosa tawe itaṛṛo sulal᷊ummu kase udde. Roitta udde ionggola su manga imam.

2 TAWARIKH 31:4

Waine wua'udde lai ratu nandolokku tumana'u Yerusalem mangapiddu sasamba apan tinantunna su manga imam wuṛṛu taumatan Lewi, tadea'u i mangitou wotongnge maṛṛingiddu pangangimbe su Wal᷊en Mawu ere lai uawoṛṛetta sulal᷊ummu manga titan Mawu.

2 TAWARIKH 31:5

Napawe parenta udde buatte nial᷊iata, taumatan Israel nangapidda su Wal᷊en Mawu manga aonggolla wuassu hessin leta'i mangitou paarorone, eteudde taponna, anggore, lanan zaitun, pul᷊a wuṛṛu hessin leta'a waine. I mangitou lai nangapiddu sepeṛṛe mapul᷊o wuassu pussa'an mangitou.

SASABANGNGA 28:43

Sal᷊ana udde ṛinone sidutu ilalluṛṛen mangitou su tempo sumutta sulal᷊ummu Rasang-Ku ara'e mangundanin mezbah wuṛṛu ma'ola'a patataṛṛamawu sangkatou imam su Wabbo'a Susi, tadea'u i mangitou tawe mate ana waugu niasiloanna wageangngu wadangnga apan tawe suṛṛinone ellehanna. Atoranna udde sidutu iappaamatta si Harun wuṛṛu papapulunne.”

SASABANGNGA 29:21

Panganute addio'a daṛṛa su wowon mezbah wuṛṛu lanan lal᷊aghu addio'a, ana see alasa'e si Harun wuṛṛu manga anangnge wuṛṛu su laubbi mangitou. Ringannu olange aroddi i Harun wuṛṛu manga anangnge see laubbi mangitou niṛṛae ana waugu i Ya'u.

SASABANGNGA 29:28

Ete indi apulu-U apan tate wotongnge iawal᷊u; Su tempo al᷊aṛṛana-U nirumanta mangonggolu sasamban paddarame, samba'a wuṛṛu palangngu winatangnga udde maola'a wageangngu manga imam. Eteudde aonggolu al᷊aṛṛana-U si Ya'u.

SASABANGNGA 29:29

Laubbu patataṛṛamawun i Harun ṛinone maola'a pussa'an manga anangnge, tadea'u wotongnge iluṛṛen mangitou su tempo itenega.

SASABANGNGA 40:13

Luṛṛea'e laubbu imam si Harun, wuṛṛu lanaite i tou tadea'u i tou iṛṛa'e mangimbe si Ya'u maola'a imam.

SASABANGNGA 40:15

Ana see lanaite i mangitou ere i'o nallana iamangngi mangitou, tadea'u i mangitou lai wotongnge mangimbe si Ya'u maola'a imam. Ringannu lal᷊aghun lanan udde, ṛuanganni mangitou saran papapulunne uaagassa manara imam.”

YESAYA 10:27

Sutempo udde i Ya'u sarun mamallossi yamiu wuassu mangangallangu taumatan Asyur, wuṛṛu i mangitou tate lai uataṛṛino si yamiu.”

IMAMATTA 21:10

Imam Bahewalla buatte nitenega ringannu nallal᷊innu lanan lal᷊aghu su wowon puane wuṛṛu ringannu nalluṛṛen laubbu imam bahewalla si tou. Ana waugu udde i tou tawe wotongnge mamalan utangnge naal᷊impusutta ara'e manggesa'a laungnge maola'a tatiala lullal᷊o.

IMAMATTA 23:20

Roti wuṛṛu darua ana'u domba udde ṛinone ionggolu imam maola'a sasamba iatogokka su Mawu, wuṛṛu udde maola'a wageangngu imam. Manga sasamba udde susi.

IMAMATTA 6:16

Taponna lambene ṛinone olaanna roti tawe ragine wuṛṛu annanannu manga imam su tampa apan buatte niṛṛae, eteudde su rallaku Rasannu Mawu. Eteudde wageangngu manga imam apan nionggolu Mawu si mangitou wuassu sasamba anna. Anna udde lembon susi, ere sasamba ipangampunga rosa wuṛṛu sasamba ipallanna'a arugianna.

IMAMATTA 6:18

Saran mal᷊annu-l᷊annu suapan esakka papapulunni Harun wotongnge umanna roti udde; eteudde wageangngi mangitou apan sidutu wuassu anna apan nionggola su Mawu. Taumata waine apan napangeṛṛetta anna apan buatte niola'a sasamba udde, sarun maasomba asasilaka ana waugu atatohassu asasusine.

IMAMATTA 6:20

su ola'u sasamba wuṛṛu mapatenegu sangkatou imam papapulunni Harun. Su allo i tou itenega, i tou ṛinone mangonggolu sangkilo taponna wuassu gandumma su Mawu. Sambageanganna ionggola su marua'allo wuṛṛu lambene su tempo wawallo.

IMAMATTA 6:26

Imam apan nangonggolu sasamba udde ṛinone umanna su tampa apan buatte niṛṛae, eteudde su rallaku Rasanna Mawu.

IMAMATTA 7:14

Wuassu apan hatin doti sambageanganna ṛinone ionggola su Mawu, wuṛṛu udde wageangngu imam apan nanganu daṛṛan binatangnga udde wuṛṛu namokka su mezbah maola'a sasamban paddarame.

IMAMATTA 7:28

Mawu nangonggolu manga atoranna indi si Musa

IMAMATTA 7:6

Suapan esakka sulal᷊ummu amonannu manga imam botongnge uminassa ṛemessu sasamba udde, arawe i mangitou ṛinone uminassa su tampa apan buatte niṛṛae, ana sasamba udde lembon susi.

IMAMATTA 8:30

Wua'udde i Musa nanganu sambageanganna wuassu lanan lal᷊aghu wuṛṛu sambageanganna daṛṛa apan uaraddo su wowon mezbah, ana see nialassa si Harun wuṛṛu manga anangnge see lai su laubbi mangitou. Ringannu olangnge aroddi i Musa naṛṛae mangitou wuṛṛu laubbi mangitou su Mawu.

REENGANNA 18:9

Wuassu manga aonggola apan lembon na'ukkassa apan tawe itambunna su wowon mezbah, apan manansunna indi eteudde wageangngu: Sasamba ia'imbe, sasamba ipangampungnga rosa wuṛṛu sasamba lal᷊anna'a arugianna. Sarangkanambone udde sasamba na'ukkassa apan maola'a wageangngu wuṛṛu al᷊aṛṛanangngu.

REENGANNA 5:9

Wuassu al᷊awo'u saranapa apan nionggolu taumatan Israel su Mawu, sasambane apan niṛṛae udde maola'a wageangngu imam apan nanengkamma aonggola udde.

1 KORINTUS 9:13

Tuṛṛangnga lai masingkate manungku taumata apan mammanara su Wal᷊en Ruata mannengkamma wiakki mangitou wuassu Wal᷊en Duata. Wuṛṛu manga taumata apan mammadul᷊i tampan sasamba, maasomba sambageanganna wuassu sasamba apan niola'a sasamba isudde.

TAHIUL᷊E 12:11

Wua'udde Mawu Ruatanu sarun mamile sambau tampa suapa i Tou ṛinone subbanna. Ete isudde i yamiu ṛinone inai mangapiddu al᷊awo'a apan buatte niparenta, eteudde sasamba itattambunna wuṛṛu manga sasamba waine, sasamba sepere mapul᷊o wuassu inasaharannu wuṛṛu sasamba al᷊aṛṛaene apan buatte nipa'irenu su Mawu.

TAHIUL᷊E 12:6

Watukku tampa uddewe i yamiu ṛinone mangapiddu manga sasamba itattambunna see lai manga sasamba waine, manga sasamba sepere mapul᷊o waussu inasaharannu see lai manga sasamba waine, sasamba wawaekka riandinu, sasamban tawe niwata'a wuṛṛu ana'u sapi wuṛṛu ambinga dombanu apan paarorone niasungkangnga.

TAHIUL᷊E 18:1

“Anambon ṛuanganni Lewi nionggol᷊annu manara maola'a imam, ana waugu udde tawe wotongnge manengkamma tahian leta'a su Israel. I mangitou ṛinone mabbiakka wuassu manga aonggola wuṛṛu manga sasamba wal᷊ine apan nionggolu Mawu.

TAHIUL᷊E 26:13

pabbisarate su Mawu Ruatanu, ‘Wuassu sepere mapul᷊o hessin leta'a apan ṛinone ionggola Si'o, Mawu, tawe saran addio'a apan natantangnga su wal᷊e'u; sarangkanambone buatte ta'u nionggola su taumatan Lewi, taumata raho, ana'a asisintimpal᷊ussa wuṛṛu inawal᷊uanna, ere buatte nirolokku Mawu Ruata'u si ya'u. Wuassu parentan Mawu su ola'u sasamba sepere mapul᷊o tawe ta'u nilawanganna.

IBRANI 1:9

I'o ma'apulun atatul᷊idda, wuṛṛu maddantinu awawengkola; ana waugu uddewe Ruata, Ruata-Nu namile Si'o, wuṛṛu nangonggolu awawantuga Si'o apan mandantan al᷊al᷊uassa, nilumambalanna wuassu manga hawe-Nu.”

1 YOHANES 2:20

Arawe i yamiu suete nanengkamma Ghaṛṛahon Duata apan niwobboki Yesus Kristus wuṛṛu ana waugu udde i yamiu sarangkanambone maaillal᷊a al᷊aṛṛa'a apan naṛṛino udde.

1 YOHANES 2:27

Arawe su ola'i yamiu sassane, Kristus suete namobboku Ghaṛṛaho-Ne si yamiu. Wuṛṛu sulal᷊ummu Ghaṛṛaho-Ne ta'e ringanni yamiu, arie pia taumata waine mangaṛṛa'a si yamiu. Ana waugu Ghaṛṛaho-Ne mangngaṛṛa'a si yamiu su ola'u al᷊awo'a; wuṛṛu apa apan ia'aṛṛa-Nge udde atonna, wal᷊ine wahia. Ana waugu udde, ṛinone i yamiu tumuṛṛutta apa apan niaṛṛa'u Ghaṛṛaho udde, wuṛṛu ṛinone i yamiu sidutu mabbiakka uaaukka ringanni Kristus.