REENGANNA 18:7 - WUKE SUSI WATTI'U AL᷊AL᷊USASSA

⁷ Arawe tumba'u i'o wuṛṛu manga anangngu apan botongnge mapaamattu manara maola'a imam, su al᷊awo'u manara apan pia aukke ringannu mezbah wuṛṛu saranapa su Wabbo'a Lembon Na'ukkassa. Eteudde manaranu, ana waugu i Ya'u buatte nangonggola si yamiu aiananna maola'a sangkatou imam. Suapan taumata apan tawe uatahuanna manara udde, sarun pateanna amungkangngu mangundani manga saranapa udde.”

REENGANNA 18:7 Iomraidhean Croise

DARALO 115:10

Ei manga imam, pangantimpe Mawu, ete i Tou apan mangontolla wuṛṛu manillumma si yamiu.

SASABANGNGA 28:1

“Waggoite i Harun iaangngu suadio'a ringannu manga anangnge i Nadab, i Abihu, i Eleazar wuṛṛu i Itamar, wuṛṛu ṛaea'a i mangitou tadea'u wotongnge mangimbe si Ya'u maola'a sangkatou imam.

SASABANGNGA 29:9

wuṛṛu papeṛṛetti mangitou, ana see wa'isa'e paporongnga su puan mangitou. Etearoddi olangnge mapaatenegi Harun wuṛṛu manga anangnge. I mangitou wuṛṛu papapulunni mangitou ṛinone mangimbe si Ya'u maola'a imam saran mal᷊annu-l᷊annu.

YEHEZKIEL 44:15

Mawu Apan Atanggaṛṛanne nabbisara, “Sutempo walahannu Israel nanantang-Ku, manga imam Lewi wuassu papapulunni Zadok sidutu satia mangngimbe si Ya'u su Wal᷊e-U. Ana waugu udde ete i mangitou apan orassa indi ṛinone mangimbe si Ya'u wuṛṛu rumanta su saruang-Ku mangapiddu tawa wuṛṛu daṛṛan sapi wuassu manga sasamba.

YEHEZKIEL 44:16

Tumba'u i mangitou sassane apan botongnge sumutta su Wal᷊e-U, mangimbe si Ya'u su manga mezbah-Ku, wuṛṛu mamiaṛṛa'u patataṛṛamawu su Wal᷊e-U.

YEHEZKIEL 44:8

Wal᷊inewe i mangitou sassane apan na'ola'a manga lal᷊aghu na'ukkassa sulal᷊ummu Wal᷊e-U, ewe'e manga taumata raho apan nirolokki mangitou iapamanara.

IMAMATTA 16:2

wisara-Ne, “Wal᷊oa'e si tuṛṛangngu i Harun, manungku tumba'u su tempo apan buatte nitantunna i tou wotonge sumutta su Wabbo'a Lembon Susi apan niwallatannu pampele, ana waugu ete isudde i Ya'u mattingka pasilon batangang-Ku sulal᷊ummu winabbawa su wowon lal᷊uubbu Wantallu Pa'aire. Amungkangngu i Harun lumawangnga parenta udde, i tou sarun mate.

IMAMATTA 7:35

Wuassu anna apan nionggola su Mawu, ete wageangnge udde apan nionggola si Harun wuṛṛu manga anangnge su allo i mangitou itenega maṛiaddi imam.

REENGANNA 1:51

Amungkangngu i yamiu mangingkatta, manga taumatan Lewi udde ṛinone manggohakku Rasang-Ku, ana olaanna apia suapan tampa paddasananna wakku. Wal᷊ine wuassi mangitou, isai-sai apan mangundanin Dasanna ṛinone iṛṛuumanna pateanna.

REENGANNA 16:40

Udde maola'a sambau pananaunganna su walahannu Israel manungku wal᷊ine wuassi Harun, tawe saran sangkatou apan botongnge rumanta watukku mezbah manutungnga amania hunan Mawu. Taumata apan nilumawangnga atoranna udde sarun pateanna ere i Korah wuṛṛu manga mallal᷊aṛṛenggene. Sarangkanambone udde olaanna ere nirolokku Mawu si Eleazar apan nitanata si Musa.

REENGANNA 18:20

Mawu nabbisara lai si Harun, “I yamiu tawe maasomba pussa'a sarangkadio'a. Su wanua apan nipa'ire-U udde tawe santampa leta'a apan maola'a tatahuanannu. I Ya'u, Mawu, uddewe wageangngu pussa'anu.”

REENGANNA 18:3

Ruanganni Lewi ṛinone ma'ola'a manara mangitou su saruanni yamiu wuṛṛu ma'ola'a manara mangitou su Rasang-Ku, arawe i mangitou tawe mangundanin mezbah ara'e mamita saranapa apan susi su Wabbo'a Na'ukkassa. Amungkangngu i mangitou lumawangnga atoranna udde, mawae ete i mangitou ara'e i yamiu sarun mate.

REENGANNA 3:10

Arawe i Harun wuṛṛu al᷊aṛṛanangnge ṛinone iapamanaranu maola'a imam; wal᷊ine wuassi mangitou, isai-sai apan ma'anamma mappaamattu manara udde ṛinone iṛṛuumanna pateanna.”

REENGANNA 3:38

Sulal᷊ummu paddasananna, i Musa wuṛṛu i Harun see al᷊aṛṛanangnge ṛinone mamile tampa su saruannu Rasannu Mawu, su samba'an da'i. I mangitou niapamanara mallaghun patataṛṛamawun balahannu Israel su Wabbo'a Na'ukkassa. Wal᷊ine wuassi mangitou, isai-sai apan ma'annamma ma'ola'a manara udde ṛinone iṛṛuumanna pateanna.

MATIUS 10:8

Paapia'e manga taumata apan maradda'a; pawanguna'e manga taumata apan nate; paapia'e manga taumata pia raddangnge paro apan ma'arantinna, wuṛṛu limbuaṛṛete manga ghaṛṛaho lal᷊eo. I yamiu suete nanengkamma sarangkanambone udde ringannu tawe bawaekke. Nariaddi pangonggolla lai ringannu tawe maddorongnga bawaekke.

YOHANES 3:27

I Yohanes sinumimbakka, “Taumata tawe maatahuanna al᷊awo'a amungkangngu tawe ionggolu Ruata si tou.

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

TAHIUL᷊E 18:2

I mangitou tawe wotongnge manahuanna leta'a ere manga ṛuanganna wal᷊ine, ana waugu ete Mawu apan mangonggolu pussa'a mangitou ere buatte pina'iren Mawu si mangitou.

IBRANI 5:4

Tawe saran sangkatou apan mapaatenegu watanganne sassane maola'a imam bahewa. Taumata maola'a imam bahewa, amungkangu Ruata mamago si tou su manara udde – naal᷊ihida ere Harun.

YOSUA 18:7

Tumba'u ṛuanganni Lewi tawe maassomba tahia leta'a suadio'a ringanni yamiu, ana waugu wageangngi mangitou eteudde maola'a manga imam mangangimbe Mawu. Wuṛṛu suola'u ṛuanganni Gad, i Ruben wuṛṛu sangkawageanganna ṛuanganni Manasye, i mangitou buatte nanengkamma wageangnge su samba'a ra'in Sal᷊ukku Yordan. I Musa allangu Mawu, buatte nangonggolu leta'a udde si mangitou.”

1 PETRUS 5:2

tadea'u yamiu mallu'adda ammul᷊annu domba apan tinantillu Ruata si yamiu. Lu'arete i mangitou ringannu al᷊al᷊uassu naungnga su ereapa ipaapulun Ruata, wuṛṛu arie ringannu ipabbawata'a. Arie lai ma'ola'a manaranu ana see maasomba auntunganna, ewe'e ana waugu i yamiu atonna-tonna maapulu mangimbe.

1 PETRUS 5:3

Arie pa'ola'a ere tembonanne si mangitou, apan tinantilla si yamiu, ewe'e i yamiu ṛinone maola'a tul᷊ada si mangitou.

1 SAMUEL 2:28

Wuassu anambon walahannu Israel buatte Ta'u nipile amonanne maola'a imam mangimbe si ya'u su mezbah, manambunnu amania, wuṛṛu malluṛṛen laubba efod napawe maggahatto-U. Wuṛṛu si mangitou see lai su papapulunni mangitou buatte Ta'u nionggol᷊annu taṛṛino manganu sambageanganna wuassu sasamba aongolla apan itattambunna su mezbah.