REENGANNA 18:6 - WUKE SUSI WATTI'U AL᷊AL᷊USASSA

⁶ Mangke atonna, i Ya'u buatte namile tuṛṛangngu manga taumatan Lewi wuassu wallatu walahannu Israel maola'a aonggola si'o. I mangitou buatte niṛṛae huna-U, mangimbe su Rasang-Ku.

REENGANNA 18:6 Iomraidhean Croise

PANDARIADDI 6:17

I ya'u sarun mandantan manawangnga ipamate al᷊awo'u riadianna apan mabbiakka su runia. Sarangkanambone su runia sarun mate,

PANDARIADDI 9:9

“Orassa indi i Ya'u ma'ola'a paaire ringanni yamiu wuṛṛu ringannu papapulunnu,

SASABANGNGA 14:17

Taumata Mesir sarun Ta'u olaanna naungnge maatikka na'oman sara i mangitou sidutu mangenggenna taumatan Israel, wuṛṛu i Ya'u sarun mapal᷊iatta'u taṛṛino-U su ratu Mesir, tantarane, manga kereta wuṛṛu manga sumasa'ene.

SASABANGNGA 31:6

Oholiab, ana'i Ahisamakh wuassu walagi Dan, buatte Ta'u nipile lai iapal᷊al᷊ima si tou. I Ya'u lai nangonggolu asingkatta apan bahewalla su manga tu'angnga apan pande, tadea'u i mangitou wotongnge ma'ola'a sarangkanambone apan Ta'u irolokka;

YESAYA 48:15

Ete i Ya'u apan nabbisara wuṛṛu namaggo si tou, apan nangehetta si tou na'oman sara i tou naasomba ul᷊ene.

YESAYA 51:12

Mawu nabbisara, “Ete i Ya'u Mawu apan malluassa si yamiu. Anio i'o matta'uttu taumata apan mattate, su taumata apan niramme ere wal᷊abbuka?

YEHEZKIEL 34:11

Mawu Apan Atanggaṛṛanne nabbisara, “I Ya'u sassane sarun maddea'a manga domba-U wuṛṛu mappadul᷊i si mangitou,

YEHEZKIEL 34:20

Ana waugu udde, i Ya'u, Mawu Apan Atanggaṛṛanne mabbisara si yamiu, ei manga domba apan matawa, manungku i Ya'u sarun dumanta maola'a mallaṛṛuunga suwallattu domba apan matohassa wuṛṛu domba apan lome.

REENGANNA 3:12

“Orassa indi manga taumatan Lewi nipile-U mabbal᷊i pussaa'-U. Su tempo i Ya'u namate anambon ana'a pahul᷊un balahannu Mesir, Ta'u niṛṛae anambon ana'a esakku Israel wuṛṛu anambon ana'u winatangnga apan paarorone niasungkangnga. Sarangkanambone udde pussaa-U. Maola'a hahantin manga ana'a pahul᷊un Israel, i Ya'u manganu taumatan Lewi huna-U; i mangitou sarun mabbali pussaa-U. Ete i Ya'u Mawu.”

REENGANNA 3:45

“Ṛaea'e manga taumatan Lewi Huna-U maola'a lal᷊anna'u anambon ana'a esakka pahul᷊un Israel; see lai winatangngu taumatan Lewi maola'a lal᷊anna'u winatangngu taumatan Israel.

REENGANNA 3:6

“Doloṛṛa'e ṛuangannu Lewi rumanta sumaruanna, wuṛṛu pilete i mangitou mabbal᷊i mangangimben i Harun.

REENGANNA 3:9

Wuassu walahannu Israel, tumba'u ṛuanganni Lewi apan Ta'u niapamanara sidutu maola'a mangangimben i Harun wuṛṛu papapulunne.