REENGANNA 18:32 - WUKE SUSI WATTI'U AL᷊AL᷊USASSA

³² I yamiu tawe iapaasal᷊a amungkangngu umanna, sambal᷊iate wageangnge apianne buatte nionggoli yamiu su Mawu. Imbaṛṛangnga mandal᷊eo sasamba na'ukkassu taumatan Israel ringannu umanna apa wuassu sasamba udde tantal᷊anna wageangnge apianne taambe niṛṛae su Mawu. Amungkangngu i yamiu lumawangnga parenta udde, i yamiu sarun mate.

REENGANNA 18:32 Iomraidhean Croise

SASABANGNGA 28:43

Sal᷊ana udde ṛinone sidutu ilalluṛṛen mangitou su tempo sumutta sulal᷊ummu Rasang-Ku ara'e mangundanin mezbah wuṛṛu ma'ola'a patataṛṛamawu sangkatou imam su Wabbo'a Susi, tadea'u i mangitou tawe mate ana waugu niasiloanna wageangngu wadangnga apan tawe suṛṛinone ellehanna. Atoranna udde sidutu iappaamatta si Harun wuṛṛu papapulunne.”

IMAMATTA 19:8

Isai-sai uminassa ṛemessa udde nassal᷊a ana waugu tawe mangaregan saranapa apan niṛṛae si Ya'u. Taumata udde tate mareengnga al᷊aṛṛana'-U.

IMAMATTA 22:2

niapawal᷊on parenta indi si Harun wuṛṛu manga anangnge, “Manarate ringannu suṛṛinone sasamba apan nionggolu walahannu Israel apan niṛṛae si Ya'u, tadea'u i yamiu tawe mallobbossa arang-Ku apan susi. Ete i Ya'u Mawu.

MALEAKHI 1:7

Ringannu mangonggollu anna sasamba apan tawe suṛṛinone maola'a sasamba su wowon mezba-Ku. Wua'udde i yamiu maiwal᷊o, ‘Ringannu olangnge ereapa i yami mangngaddio'a Si'o?’ Ringannu nandal᷊eo mezbah-U.

REENGANNA 18:22

Manga taumatan Israel wal᷊ine, imbaṛṛangnga mangundanin Dasanna udde tadea i mangitou tawe mandantani dosa wuṛṛu ṛuumanna pateanna su watanganni mangitou.

REENGANNA 18:31

Lambene udde wotongnge annananni yamiu su al᷊awo'u tampa suadio'a ringannu lal᷊oṛṛon amonannu, maola'a lal᷊antakku manaranu su Rasannu Mawu.

REENGANNA 19:1

Mawu nandolokki Musa wuṛṛu i Harun

1 KORINTUS 11:27

Ana waugu udde, taumata apan u'anna rotin Mawu ara'e ma'inumma anggore wuassu Mawu ringannu tawe su ṛinone, taumata udde marosa su saruannu Mawu apan suete nanantillu wadang-Nge wuṛṛu ṛaṛṛa-Ne.

1 KORINTUS 11:29

Ana waugu amungkangngu taumata umanna roti wuṛṛu ma'inumma anggore tawe mangngimanna manungku sal᷊iwangnga udde uasamputu wadangngu Mawu, taumata udde u'anna wuṛṛu ma'inumma tumba'u ipanengkamma ṛuumannu Ruata su wadangnge sassane.