REENGANNA 18:3 - WUKE SUSI WATTI'U AL᷊AL᷊USASSA

³ Ruanganni Lewi ṛinone ma'ola'a manara mangitou su saruanni yamiu wuṛṛu ma'ola'a manara mangitou su Rasang-Ku, arawe i mangitou tawe mangundanin mezbah ara'e mamita saranapa apan susi su Wabbo'a Na'ukkassa. Amungkangngu i mangitou lumawangnga atoranna udde, mawae ete i mangitou ara'e i yamiu sarun mate.

REENGANNA 18:3 Iomraidhean Croise

YEHEZKIEL 44:13

I mangitou imbaṛṛanga lai mangimbe si Ya'u maola'a sangkatou imam ara'e mangeṛṛetta apa apan na'ukkassa si Ya'u, ara'e sumutta su tampa Apan Lembonsusi. Eteudde ṛuumanna ana waugu manga inolaanna apan maarantinna apan buatte niola'i mangitou.

REENGANNA 1:51

Amungkangngu i yamiu mangingkatta, manga taumatan Lewi udde ṛinone manggohakku Rasang-Ku, ana olaanna apia suapan tampa paddasananna wakku. Wal᷊ine wuassi mangitou, isai-sai apan mangundanin Dasanna ṛinone iṛṛuumanna pateanna.

REENGANNA 1:53

Arawe manga taumatan Lewi ṛinone maddasanna mamal᷊iwutta Rasang-Ku. I mangitou ṛinone mallu'adda tadea'u tawe taumata mangundanine, ma'oman sara i Ya'u masa'u wuṛṛu makkuumanna walahannu Israel.”

REENGANNA 16:40

Udde maola'a sambau pananaunganna su walahannu Israel manungku wal᷊ine wuassi Harun, tawe saran sangkatou apan botongnge rumanta watukku mezbah manutungnga amania hunan Mawu. Taumata apan nilumawangnga atoranna udde sarun pateanna ere i Korah wuṛṛu manga mallal᷊aṛṛenggene. Sarangkanambone udde olaanna ere nirolokku Mawu si Eleazar apan nitanata si Musa.

REENGANNA 18:4

I mangitou ṛinone mammanara suadio'a ringanni yamiu wuṛṛu ma'ola'a manga manara apan pia gunane lai su al᷊awo'u pangangimbe sulal᷊ummu Rasang-Ku, arawe isai apan tawe nionggol᷊annu manara udde, imbaṛṛangnga mammanara suadio'a ringanni yamiu.

REENGANNA 18:7

Arawe tumba'u i'o wuṛṛu manga anangngu apan botongnge mapaamattu manara maola'a imam, su al᷊awo'u manara apan pia aukke ringannu mezbah wuṛṛu saranapa su Wabbo'a Lembon Na'ukkassa. Eteudde manaranu, ana waugu i Ya'u buatte nangonggola si yamiu aiananna maola'a sangkatou imam. Suapan taumata apan tawe uatahuanna manara udde, sarun pateanna amungkangngu mangundani manga saranapa udde.”

REENGANNA 3:25

Sulal᷊ummu mallu'adda Rasannu Mawu, i mangitou niapal᷊u'adda Rasanna wuṛṛu tataamme, mal᷊aṛṛenessa su ngara sasuttanne,

REENGANNA 3:31

I mangitou niapamanara mallu'adda Wantallu Pa'aire, medda, leddan sol᷊o, manga mezbah, manga saranapa apan ipappaatu manga imam su Wabbo'a Susi, wuṛṛu pampele apan uasara Wabbo'a Na'ukkassa. I mangitou niapamanara al᷊awo'u manara apan pia aukke ringannu manga saranapa udde.

REENGANNA 3:36

I mangitou niapamanara uariaga manga aola'u Rasanna udde, manga sal᷊aba'u, diṛṛine, rapappakke, wuṛṛu anambon saranapa se'e al᷊awo'u manara apan pia aukke ringannu manga saranapa udde.

REENGANNA 31:30

Wuassu wageangnge apan nionggola su ṛuangannu Israel, ṛinone i'o manganu sambau wuassuapan liman pul᷊o mawae wuassu manga taumata nisametta, aroddi lai wuassu sapi, keledai, domba wuṛṛu ambinga. Tantil᷊a'e sarangkanambone udde su taumatan Lewi apan uapadul᷊i Rasang-Ku.”

REENGANNA 4:15

Mawu nabbisara si Musa wuṛṛu si Harun, “Su tempo i yamiu manggohakku paddasananna, i Harun wuṛṛu al᷊aṛṛanangnge ṛinone sumutta sulal᷊ummu Rasang-Ku wuṛṛu manaappa anambon saranapa wuṛṛu aolangnge apan uaraddo isudde. Napawe wua'udde, manga taumatan Kehat wotongngete rumanta mamasanna. Arawe tawe wotongnge i mangitou ma'ellega, mangundani ara'e mangindinga manga saranapa udde, ana waugu buatte niṛṛae huna-U. Amungkangngu udde olaanni mangitou lai, i mangitou sarun mate. Nariaddi tadea'u manga taumatan Kehat udde tawe mapappassa wuassu ṛuanganni Lewi, i Harun wuṛṛu al᷊aṛṛanangnge ṛinone mapamanaran sangkatou-sangkatou su wallati mangitou apan ṛinone iapiddi mangitou. Eteudde manaran taumatan Kehat su tempo Rasang-Ku iingkatta. I Eleazar ana'i Harun, uariaga ahewallu Rasang-Ku, lanan sol᷊o, amania, sasamba gandumma ia'imbe mamiallo, lanan lal᷊aghu wuṛṛu sarangkanambone apan uaraddo sulal᷊ummu Rasangku udde.”