REENGANNA 18:11 - WUKE SUSI WATTI'U AL᷊AL᷊USASSA

¹¹ Al᷊awo'u aonggola niṛṛae waine apan nionggolu taumatan Israel si Ya'u, udde wageangngu lai. I Ya'u mangonggola si'o wuṛṛu su al᷊aṛṛanangngu esakka wuṛṛu wawine. Atoranna indi ipaatta saran mal᷊annu-l᷊annu. Suapan lal᷊oṛṛon amonanna apan tawe sal᷊ane wotongnge umanna.

REENGANNA 18:11 Iomraidhean Croise

IMAMATTA 10:14

Arawe i yamiu wuṛṛu manga anangngu esakka wuṛṛu wawine wotongnge uminassa ro'on sasamba nitogokka wuṛṛu palangngu sasamba apan niṛṛae. Eteudde wageangngu manga imam wuassu sasamban paddaramen walahannu Israel. I yamiu wotongnge umanna al᷊awo'u anna su tampa apan tawe ipappalli.

IMAMATTA 7:14

Wuassu apan hatin doti sambageanganna ṛinone ionggola su Mawu, wuṛṛu udde wageangngu imam apan nanganu daṛṛan binatangnga udde wuṛṛu namokka su mezbah maola'a sasamban paddarame.

REENGANNA 18:1

Mawu nabbisara si Harun, “I'o, manga anangngu wuṛṛu taumatan Lewi ṛinone mamasanna pangillul᷊eannu manga pasasal᷊a apan nariaddi su Rasang-Ku, arawe tumba'u i'o manga anangngu apan ṛinone mamasanna pangillul᷊eannu pasasal᷊a sulal᷊ummu manara manga imam.

REENGANNA 18:10

Uddewe na'ukkassa si'o, nariaddi ṛinone i yamiu umanna su tampa na'ukkassa lai. Tumba'u esakka wotongnge umanna anna udde.

REENGANNA 18:19

Ma'oman sarangkal᷊o'engnge, anambon sasamba apianne apan niappiddu manga taumatan Israel si Ya'u, Ta'u ionggola si'o wuṛṛu su manga anangngu esakka wuṛṛu wawine. Atoranna udde ipappaatta saran mal᷊annu-l᷊annu wuṛṛu maola'a aiittu pa'aire apan tawe iawal᷊u suwallatti i Ya'u wuṛṛu i yamiu wuṛṛu papapulunnu.”

REENGANNA 18:8

Mawu nabbisara si Harun, “Paanaunge! Anambon sasamba iṛṛae apan ionggola si Ya'u apan tawe itambunna udde wageangngu. Eteudde wageangngu apan buatte nitantunna saran mal᷊annu-l᷊annu. Udde Ta'u nionggola si'o wuṛṛu su papapulunnu.

TAHIUL᷊E 18:3

Amungkangngu sangkatou mangonggolu sasamba sapi ara'e domba, ne palangngu monane, ol᷊ane wuṛṛu tiannu winatangnga udde ṛinone ionggola su manga imam maola'a wageangngi mangitou.