REENGANNA 17:8 - WUKE SUSI WATTI'U AL᷊AL᷊USASSA

⁸ Tiṛṛabbine, su tempo i Musa sinumutta sulal᷊ummu Rasannu Mawu, i tou naasilo manungku ta'inni Harun eteudde ta'innu ṛuangannu Lewi, nassollate. Ta'inna udde nabbunga, pia bantine, wuṛṛu nabbua wuan sal᷊ise apan nahurangke!

REENGANNA 17:8 Iomraidhean Croise

PANDARIADDI 40:10

Punnu anggore udde naddanna tatallu. Wakkute manga rannane mannatakke madongnga, tawe nal᷊annu manga wantine nati'akke, ana see wuane nal᷊ahate.

DARALO 110:2

Wuassu Sion Mawu sarun manggewalla araratuannu; pamarentate manga seennu!

ANTARI MAWANTUGA 2:3

Naal᷊ihidda punnu apel su pattangngannu aaluanna su mahurangnge, aroddi lai tatuno naungku suwallattu manga umbasanna. I ya'u mal᷊uassa maasirungnga su al᷊ungnge, manga wuanne mangkatemangnga pendamanna.

YESAYA 4:2

Sarun dumanta tempone Mawu ma'ola'a suapan sinuananna wuṛṛu aaluanna tumuwo maola'a masallakka wuṛṛu maṛṛansangnga su wanua indi. Su allo udde taumatan Israel apan naralukka sarun mamendamma al᷊al᷊uassa waugu hessin pangitinganna.

YEHEZKIEL 17:24

Al᷊awo'u alu su wanua sarun maasunna manungku ete i Ya'u Mawu. Alu apan al᷊angkasanne Ta'u tuwanganna; alu apan mawawo Ta'u iapatuwo matanggakka. Alu apan mapia ta'u iapaaṛṛagassa; wuṛṛu alu apan naṛṛangu Ta'u onggol᷊annu lal᷊uwo wuṛṛu bungane. I Ya'u, Mawu, buatte nabbisara, al᷊awo'u wisara-U sarun matipussa.”

YEHEZKIEL 19:12

Arawe i tou niabuttu manga lima apan massa'u, wua'udde niema'a su leta'a. Anginna Ra'i tinumiuppa, naṛṛangute wuane apan mapia. Rannane napaddi, naṛṛangu see nitutungnga.

YEHEZKIEL 19:14

Punnu anggore udde nilewan putungnga; ranna wuṛṛu wuane nasue nepodda. Rannane indi tate auatanne; tawe mariaddi olaanna ta'innu araratuanna. Eteudde sasangitta apan masokka-sokka ia'antarin umatta.

REENGANNA 16:5

Ana see i tou nabbisara si Korah wuṛṛu mallal᷊aṛṛenggene, “Tiṛṛabbi marua allo Mawu sarun mapal᷊iatta'a si ite isai pussa'a-Ne, wuṛṛu isai apan niṛṛaen Tou. Taumata apan nipile-Ne sarun iwala mangundanin Tou.

REENGANNA 17:5

Ta'innu taumata apan i Ya'u nipile sarun massolla. Ringannu olangnge udde i Ya'u sarun mapata'allu manga sasamboṛṛen taumata apan sidutu sussamboṛṛe si yamiu.”

REENGANNA 17:9

i Musa nanganu anambon ta'inna udde ana see nipasilote su taumatan Israel. I mangitou na'ellega sarangkanambone apan buatte nariaddi, ana see suapan piaṛṛangnge nanganu ta'inne apia.

IBRANI 9:4

Sulal᷊ummu wabbo'a udde pia medda pangangadoannu sasamba apan niola'a wuassu wul᷊awanna panutunganna dupa, wuṛṛu pia lai Wantalu Pa'aire apan sarangkahewalle papi'unannu wul᷊awanna. sulal᷊ummu wantala udde pia urinna wul᷊awanna lal᷊oṛṛoannu manna, ta'inni Harun apan nassollate, wuṛṛu ruang kul᷊appa watu pamamoṛṛetanna apan su wowone wawoṛṛetannu mapul᷊o titan Ruata.