REENGANNA 16:15 - WUKE SUSI WATTI'U AL᷊AL᷊USASSA

¹⁵ I Musa mangke nasa'u wuṛṛu nabbisara su Mawu, “Mawu arie manengkamma aonggoli mangitou. Tawe saran paassa i ya'u namaddon sangkatou suwallati mangitou; ewe'e keledai sambau lai ya'u tawe nanganu wuassi mangitou.”

REENGANNA 16:15 Iomraidhean Croise

2 SAMUEL 22:22

I ya'u tuttuṛṛutta parentan Mawu, wuṛṛu tawe tumal᷊iudda Ruata'u.

SASABANGNGA 32:19

Napawe i Musa maraniten paddasananna udde, i tou naasilo sapi wul᷊awanna wuṛṛu manga taumata tantal᷊anna massal᷊aingnga, ne i tou nasa'ute. Isudde lai, su wawal᷊annu wowone udde, i Musa namantingngu watu apan niapiddi tou na'oman sara naṛṛimunsa'a.

AMSAL 21:27

Mawu tawe lumuassu sasamban taumata lal᷊eo, nangillembote amungkangngu ionggolla ringannu naungnga lal᷊eo.

REENGANNA 12:3

I Musa eteudde sangkatou apan naungnge masaṛṛionto'a, nilumambalanna wuassu anambon taumata apan mabbiakka su runia indi.

REENGANNA 16:16

Ana see i Musa nabbisara si Korah, “Rantate tiṛṛabbi su Rasannu Mawu suadio'a ringannu 250 mallal᷊aṛṛenggenu. I Harun sarun poiaroddi lai. I yamiu ṛinone mangapiddu tampan putungngu sambau-sambau. Taṛṛoa'e amania sulal᷊umme, ana see onggol᷊a'e su Mawu.”

MATIUS 5:22

Arawe orassa indi Ya'u mabbisara si yamiu, isai-sai masa'u su taumata waine, sarun parikisanna; wuṛṛu isai-sai mallela taumata waine sarun parikisanna su saruannu Mallaṛṛuungngu Agama. Wuṛṛu isai-sai mabbisara taumata waine, ‘Tingngangnga,’ sarun iramme sulal᷊ummu putungngu naraka.

MARKUS 3:5

Ringannu nasa'u Mawu Yesus na'ellega taumata apan uapal᷊iwutta si Tou, arawe i Tou nasusa lai, ana waugu i mangitou tumanite maattikka puane. See i Tou nabbisara taumata udde, “Ul᷊uṛṛa'e limanu.” Taumata udde nangul᷊ukken limane see limane udde napiate.

1 KORINTUS 9:15

Arawe taambe saran paassa i ya'u nappaattu manga taṛṛino udde. Wuṛṛu i ya'u namoṛṛettu suratta indi wal᷊inewe lai ringannu pandumanna tadea'u manga taṛṛino udde olaanna orassa indi si ya'u. Mappianne i ya'u mate, sul᷊ungnge'e i ya'u awul᷊iannu inolaanna apan ilallala'u udde.

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

2 KORINTUS 7:2

Sal᷊ohoite i yami sulal᷊ummu naungngu. I yami tawe nassal᷊a su sangkatou taumata, tawe taumata apan niwodoanni yami. I yami tawe saran paassa mangngal᷊iwun darotongngu sangkatou taumata lai.

EFESUS 4:26

Amungkangu i yamiu masa'u, arie mamalan asasa'unu udde maarosa si yamiu. Arie masa'u su al᷊o'engngu allo,

1 TESALONIKA 2:10

I yami mabbiakka ringannu na'ukkassa, su ṛinone wuṛṛu tawe angngone su saruanni yamiu apan mangngimante si Kristus. Ete i yamiu udde naola'a tialan kami; aroddi lai Ruata.