REENGANNA 15:15 - WUKE SUSI WATTI'U AL᷊AL᷊USASSA

^15-16 Anambon tita wuṛṛu atoranna uddewe uasul᷊ungnga si yamiu wuṛṛu su taumata raho apan uatana'a suwallati yamiu, ana waugu i yamiu wuṛṛu i mangitou uddewe uasul᷊ungnga sulal᷊ummu aellegu Mawu. Wuṛṛu olangnge udde ipappaatta saran mal᷊annu-l᷊annu.

REENGANNA 15:15 Iomraidhean Croise

ESTER 9:27

pangillul᷊eanne i mangitou na'ola'a sambau atoranna su watanganni mangitou sassane, su papapulunnu mangitou wuṛṛu su anambon taumata apan sarun maola'a reengannu walahannu Yahudi. Tumuṛṛuttu atoranna udde suapan tonna i mangitou ṛinone mallaghun allo darua apan buatte nitantunni Mordekhai.

SASABANGNGA 12:14

Allo udde ṛinone maola'a pananaunganni yamiu maola'a allo wahewa su Mawu. Su sarangkal᷊o'engnge allo udde ṛinone ilallaghun kamiu suapan tonna.”

SASABANGNGA 12:24

I yamiu wuṛṛu manga anangngu ṛinone tumuṛṛutta parenta udde saran mal᷊annu-l᷊annu.

SASABANGNGA 12:43

Mawu nabbisara si Musa wuṛṛu si Harun, “Eteindi atorannu ramean Paskah. Taumata raho tawe wotongnge uminassa ṛemessu domba apan nionggola sasamba su allon Paskah.

SASABANGNGA 12:49

Atoranna apan uasul᷊ungnga ia'amatta su taumatan Israel tutune wuṛṛu taumata raho apan namanuate su wallati yamiu.”

SASABANGNGA 28:43

Sal᷊ana udde ṛinone sidutu ilalluṛṛen mangitou su tempo sumutta sulal᷊ummu Rasang-Ku ara'e mangundanin mezbah wuṛṛu ma'ola'a patataṛṛamawu sangkatou imam su Wabbo'a Susi, tadea'u i mangitou tawe mate ana waugu niasiloanna wageangngu wadangnga apan tawe suṛṛinone ellehanna. Atoranna udde sidutu iappaamatta si Harun wuṛṛu papapulunne.”

IMAMATTA 24:22

Ṛuumanna udde maṛia'a si yamiu sarangkanambone wuṛṛu su taumata raho apan uatana'a suwallati yamiu, ana waugu ete i Ya'u Mawu, Ruatanu.”

REENGANNA 10:8

Manga trompeta udde ṛinone tiupannu manga imam, manga ana'i Harun. Eteudde atoranna apan ṛinone tuṛṛutanni yamiu saran mal᷊annu-l᷊annu.

REENGANNA 15:14

Sangkatou raho apan uatana'a su wallati yamiu, mawae tumba'u manaṛṛabbi ara'e lai matana'a, ṛinone tumuṛṛutta atoranna udde napawe i tou mangonggolu sasamba anna apan hal᷊urune ma'al᷊uassa naungngu Mawu.

REENGANNA 15:29

Atoranna udde ipappaatta lai suapan isai ma'ola'a rosa ringannu tawe nipattatudda, mawae i tou taumatan Israel ara'e taumata raho apan uatana'a ringanni mangitou.

REENGANNA 18:8

Mawu nabbisara si Harun, “Paanaunge! Anambon sasamba iṛṛae apan ionggola si Ya'u apan tawe itambunna udde wageangngu. Eteudde wageangngu apan buatte nitantunna saran mal᷊annu-l᷊annu. Udde Ta'u nionggola si'o wuṛṛu su papapulunnu.

REENGANNA 9:14

Amungkangngu su wallati yamiu pia sangkatou raho apan ma'apulu mallaghu Paskah, i tou ṛinone mallaghu tumuṛṛuttu anambon atoranna wuṛṛu apan buatte tinantunna. Tita udde maṛṛia'a su anambon taumata, mawae ete taumatan Israel aroddi lai su taumata raho.”

GALATIA 3:28

Sulal᷊ummu olangnge indi tate lai paṛṛalane su wallatu taumatan Yahudi wuṛṛu taumata wal᷊ine Yahudi, su wallatu allangnga wuṛṛu tawe allangnga, su wallatu esakka wuṛṛu wawine. I yamiu sarangkanambone sambau ana waugu Kristus Yesus.

KOLOSE 3:11

Ana waugu wuassu inolaanna udde, nawul᷊ite al᷊awo'u apendamma mappapaṛṛalan taumatan Yahudi wuṛṛu wal᷊ine Yahudi, taumata nisunatta wuṛṛu taumata tawe nisunatta, tate lai paṛṛalane su wallatu taumata raho wuṛṛu taumata woddo; su wallatu allangnga wuṛṛu wal᷊ine allangnga, ana waugu Kristus uddewe uatahuanna sarangkanambone, wuṛṛu i Tou uaaukka ringanni mangitou sarangkanambone!

YOSUA 8:33

Manga taumatan Israel, wuṛṛu manga piaṛṛange, manga tembonannu tantara, manga mallaṛṛuunga, wuṛṛu lai manga taumata raho apan uatana'a ringanni mangitou, uarisikka uatangnga Wantallu Pa'aire Mawu uasaruanna manga imam Lewi apan uapasanna Wantallu Pa'aire udde. Sambageanganna wuassu manga taumata udde uasaruanna watukku Wowon Gerizim, wuṛṛu sambageanganna lai uasaruanna watukku Wowon Ebal. I Musa, allangu Mawu udde buatte namarenta tadea'u i mangitou ma'ola'a olange udde napawe nia'omante tempone i mangitou manengkama al᷊amatta apan pina'ire Mawu.

1 SAMUEL 30:25

Ana see inolaanna udde niola'i Daud maola'a sambau atoranna, wuṛṛu mangke iapaamattu taumatan Israel naddatingngu orassa indi.