REENGANNA 14:8 - WUKE SUSI WATTI'U AL᷊AL᷊USASSA

⁸ Amungkangngu Mawu mamalan kite, i Tou sarun mangapiddi ite poiaroddi wuṛṛu mangonggolu leta'a apan ala wuṛṛu masuwukka udde si ite.

REENGANNA 14:8 Iomraidhean Croise

2 SAMUEL 22:20

I Tou nalliu'u wuassu asasilaka wuṛṛu nanal᷊amatta si ya'u ana waugu i Tou marangngu si ya'u.

1 MARARATU 10:9

Dalo so Mawu, Ruatan Tuangnga! Ringannu nanenegi Tuangnga naola'a ratun Israel, Mawu napal᷊iatta'a aroddi al᷊uanne i Tou si Tuangnga. Tawe panginsueanne i Tou mandangngu walahannu Israel; ana waugu udde i Tou namile si Tuangnga naola'a ratun mangitou, tadea'u i Tuangnga wotongnge mandisikku tita wuṛṛu atatul᷊idda.”

2 MARARATU 18:32

ma'oman sara i yamiu ta'u iingkatta watukku sambau wanua apan lihidde ere wanuanu sassane. Poiaroddi pia baillu anggore, apan mangonggolu wuane si'o, wuṛṛu waillu ganduma hessine taponna maola'a wiakku. Su wanua udde pia manambo alun zaitun, lanan zaitun wuṛṛu pul᷊a. Amungkangu i yamiu tuttuṛṛutta sarangkanambone apan ta'u irolokka si yamiu, i yamiu sarun mabbiakka, tawe nate. Arie paddaringikka si Hizkia! I tou tumba'u mangngawusu si yamiu ringannu mabbisara manungku Mawu sarun manal᷊amatta si yamiu.

DARALO 22:8

Sarangkanambone apan ma'ellega si ya'u, mangngeetta si ya'u, mangal᷊umbeonga wuṛṛu mappapa'ilinga.

SASABANGNGA 3:8

Ana waugu udde i Ya'u sumossokke mamallossi mangitou wuassu liman taumata Mesir wuṛṛu mangapiddi mangitou sumabangnga wuassu wanua udde mattuddan sambau wanua apan mal᷊alangnga. Letangnge ala wuṛṛu masuwukka, wuṛṛu orassa indi wawanuannu balahannu Kanaan, balahannu i Het, i Amori, i Feris, i Hewi wuṛṛu i Yebus.

YESAYA 62:4

Arannu wal᷊ine lai ‘Apan Nitantangnga’, wanuanu wal᷊ine lai ‘Apan Mal᷊annabba’. I'o sarun isaggo, ‘Apan Arangnguannu Ruata’, wuṛṛu wanuanu sarun isaggo, ‘Apan Buatte Naawingnga,’ ana waugu Mawu mappulunu, i Tou ere sangkatou awingnga su wanuanu.

YEREMIA 32:41

I Ya'u sarun mal᷊uassa ma'ola'a apapia si mangitou, wuṛṛu ma'ola'a si mangitou matatana'a su wanua indi saran mal᷊annu-l᷊annu.

ZEFANYA 3:17

I yamiu lal᷊u'arannu Mawu Ruatannu apan matohassa. I yamiu naauntungnga ana waugu taṛṛino-Ne. Mawu lullassa wuṛṛu lullala'a ana waugu i yamiu, sulal᷊ummu darangngu-Ne i yamiu mabbiakka wakku. Ana waugu i yamiu, i Tou mangngantari lulluassa.

REENGANNA 13:27

Unni mangitou si Musa, “Yami buatte namarikissa wanua udde wuṛṛu naasilo manungku letangnge ala wuṛṛu masuwukka, wuṛṛu indi addio'a manga wua poiaroddi.

REENGANNA 16:14

Mangke atonna i'o tawe nangapiddi yami su leta'a masuwukka, ara'e nangonggolu manga wailla si yami wuṛṛu manga waillu anggore maola'a pussa'a kami! Orassa indi maapulu lai mamahia si yami! Tawe, yami maddiri rumanta!”

ROMA 8:31

Apa apan wotongnge iwisara orassa indi su ola'u sarangkanambone udde? Amungkangngu Ruata uasamba'a si ite, isai wotongnge lumawangnga si ite?

TAHIUL᷊E 10:15

Arawe darangngun Mawu su al᷊amonanu aroddi ahewalle, na'oman sara wuassu al᷊awo'u walahanne, ete i yamiu apan nipile-Ne, wuṛṛu na'oman sara orassa indi lai yamiu ta'e al᷊aṛṛanang-Nge apan nipile-Ne.

YOSUA 14:12

Ana waugu udde, onggol᷊a'e orassa indi leta'u panenteanna apan nipa'ire Mawu si ya'u, su tempo i ya'u wuṛṛu manga taumata uaṛundinganna si ya'u nabelengnga uaapiddu watti'a. Su tempo udde i'o sassane naaringikka, manungku poiaroddi pia balahannu wawalla apan isassago walahannu Enak. I mangitou uatana'a su lal᷊ummu manga soa wahewalla apan pia darandunge. Asinungka Mawu nantul᷊ungku na'oman sara i ya'u wotongnge nallimbuakka si mangitou, ere buatte niwal᷊o Mawu.”