REENGANNA 14:21 - WUKE SUSI WATTI'U AL᷊AL᷊USASSA

²¹ Arawe i Ya'u ma'ire ringannu watangang-Ku wuṛṛu wangu i Ya'u apan biakka wuṛṛu uataṛṛino su runia indi,

REENGANNA 14:21 Iomraidhean Croise

DARALO 57:6

Oh Ruata, pal᷊iatta'e awawantu-Gu su langitta, wuṛṛu awasa-Nu su ahewallu runia.

DARALO 72:19

Daralo su aran-Ne apan mawantuga saran mal᷊annu-l᷊annu; antimanna ahewallu runia mapenen awawantu-Ge! Ariaddite aroddi. Amin!

SASABANGNGA 9:16

Arawe i yamiu Ta'u iwala wiakka, tadea'u i Ya'u wotongnge mapaal᷊iatta'u taṛṛino-U si'o, na'oman sara arang-Ku tinumelengke su ahewallu runia.

YESAYA 49:18

Pa'ellege wuṛṛu panutudde apan uaoal᷊iwutta si'o, tumana'u soanu naammulle wuṛṛu rumantate ringannu. Ana waugu i Ya'u, Ruata apan biakka, i Ya'u mabbisara, atonna i'o sarun lumuassa ana waugu tumana'u soanu, naal᷊ihidda maawingnga wawine lulluassa ana waugu alaṛṛansangnge.

YESAYA 6:3

I mangitou mangngintul᷊i sambau ringannu waine: “Susi, susi, susi. Susi Mawu Apan Lembontaṛṛino. Runia napenen daranta-Ne apan mawantuga.”

YEREMIA 22:24

Mawu nabbisara si ratu Yoyakhin, ana'i Yoyakim ratun Yehuda, “Ringannu arang-Ku, Ruata apan biakka, i Ya'u mabbisara manungku salaiwe i'o si Ya'u ere sinsingnga meterai su lima uanang-Ku, arawe i'o sarun Ta'u sawutanna

YEHEZKIEL 18:3

Sulal᷊ummu arang-Ku, Ruata apan biakka, sasanato'a udde tate lai isaggo su Israel.

YEHEZKIEL 20:36

ere lai buatte Ta'u niola'a su saruannu al᷊amonanu su Wadda'u Sinai. I Ya'u Mawu Apan Atanggaṛṛanne buatte nabbisara.

YEHEZKIEL 33:11

Wal᷊oa'a si mangitou manungku sulal᷊ummu arang-Ku, Ruata apan biakka, Mawu Apan Atanggaṛṛanne, i Ya'u tawe mal᷊uassa amungkangngu taumata lal᷊eo mate; arawe i Ya'u mappulu manantangngu manga rosane tadea'u i tou sidutu wiakka. Ei walahannu Israel, uddita'e ma'ola'a rosa! Anio i yamiu mappulu nate?

YEHEZKIEL 33:27

Waugu i Ya'u, Ruata apan biakka Mawu Apan Atanggaṛṛanne, manga taumata apan uatana'a su manga tuiddu soa udde sarun maten hal᷊ele. I mangitou apan uatana'a su manga wadda'a sarun inasannu winatangnga mal᷊aṛṛaga. I mangitou apan uaimbuni su manga wowone wuṛṛu manga loṛṛangnga sarun mate ana waugu al᷊aṛṛusa'itta.

YEHEZKIEL 5:11

I Ya'u uddewe Ruata apan biakka, Mawu Apan Atanggaṛṛanne, wuṛṛu indiwe wisara-U: Ana waugu i'o buatte nandal᷊eo Wal᷊e-U ringannu al᷊awo'u inolaannu apan dal᷊eo wuṛṛu maarantinna, i Ya'u sarun makkimunsa'a si'o ringannu tawe ampunge.

HABAKUK 2:14

Arawe naal᷊ihidda tahal᷊oangnga napenen ua'e, aroddi runia lai sarun peneannu asingkatta su ola'u Mawu wuṛṛu taṛṛino-Ne.

ZEFANYA 2:9

Ringannu arang-Ku apan wiakka, Ruatan balahannu Israel, i Ya'u sarun manahangginna ma'oman sara mawaresi Moab wuṛṛu Amon ere lai Sodom wuṛṛu Gomora. Manga wanua udde sarun mapenen manga paṛṛihin asimma wuṛṛu manga tuidda tate maṛṛa'a apan tinumuwo su ṛapusi'a ṛoaanna. Lamben uma-U apan naal᷊assangnga sarun mangaṛṛo tumanangnge, wuṛṛu manganu leta'i mangitou.”

REENGANNA 14:28

Iraddua ṛinone sumimbakka si mangitou arendi: Mawu nabbisara, ‘I Ya'u massalu sulal᷊ummu arang-Ku apan wiakka manungku i yamiu sarun Ta'u olaanna ere lai buatte niwisaran kamiu su saṛuang-Ku. I Ya'u, Mawu, buatte nabbisara.

MATIUS 6:10

Ete I'o Ratung kami. Antimanna I'o mamarenta su runia wuṛṛu apulu-Nu tatuṛṛutanna ere lai su surga.

TAHIUL᷊E 32:40

Ringannu arang-Ku sassane, Ruata apan biakka, Iwatte lima-U wuṛṛu massalu: