REENGANNA 14:19 - WUKE SUSI WATTI'U AL᷊AL᷊USASSA

¹⁹ Orassa indi, Mawu, ana waugu aroddi ahewalle darangngu-Nu wuṛṛu I'o mangke uanaungnga pa'aire-Nu, i ya'u sumal᷊ande, ampungewe rosa manga taumata indi ere lai I'o buatte nangampungnga si mangitou ro'en nanantangngu leta'u Mesir.”

REENGANNA 14:19 Iomraidhean Croise

1 MARARATU 8:34

antimanna I'o maddaringikka si mangitou wuassu surga. Antimanna I'o mangampunga rosan uman-Nu indi, wuṛṛu mangapiddi mangitou mabbelengnga watukku wanua apan buatte nionggollu Mawu su al᷊amona mangitou.

DARALO 106:45

Ana waugu i mangitou i Tou naanaungnga paaire-Ne wuṛṛu niumakkanni mangitou ana waugu darangngu-Ne apan wahewalla.

DARALO 78:38

Arawe Ruata mandangngu wuṛṛu nangampunga al᷊aṛṛanang-Nge, wuṛṛu tawe namate si mangitou. Masokka-sokka i Tou maṛṛaddannu asasa'u-Ne, wuṛṛu tawe mapasabbangu naung-Nge lal᷊eo.

DARALO 85:2

I'o mal᷊uassa su letang-Ngu, oh Mawu, al᷊al᷊uassu Israel buatte niapaweleng-Ngu apia.

SASABANGNGA 32:32

Doronganna Mawu mangampungnga rosa mangitou; amungkangngu tawe, pappasse arangku wuassu wuken manga taumata wiakka.”

SASABANGNGA 33:17

Unnu Mawu si Musa, “Darorongngu sarun Ta'u daringiṛṛanna, ana waugu i Ya'u masingkannu wuṛṛu i Ya'u mal᷊uassa si'o.”

SASABANGNGA 34:9

Wisarane, “Mawu, amungkangngu I'o atonna-tonna ma'apulu'u, i ya'u sumal᷊ande, doronganna Mawu tumantalongnga si yami. Walahanna udde atonna mangke tawe maddaringikka, arawe ampungewe al᷊al᷊eo wuṛṛu rosan kami wuṛṛu sengkamawe yami maola'a al᷊aṛṛanang-Ngu sassane.”

YESAYA 55:7

Ṛinone taumata lal᷊eo mangapia pabbiaṛṛanne, wuṛṛu mamal᷊u lal᷊annu ṛingidde. Wala'e i tou mabbelengnga ringannu Mawu, wuṛṛu maasomba darangngu-Ne. Ṛinone i tou mabbal᷊i'a ringannu Ruatan kite, ana waugu Mawu mangampungnga ringannu naungnga awasa.

DANIEL 9:19

Mawu, daringiṛṛewe i yami, ampungewe i yami, lu'arewe i yami wuṛṛu pammanarate ringannu mal᷊ihakka! Ariewe mal᷊annu-l᷊annu, tadea'u anambon taumata masingkatta manungku ete I'o Ruata, Ana waugu Yerusalem wuṛṛu uman-Nu udde pussaa-Nu apan apianne.”

AMOS 7:2

Manga saṛṛappalanna udde mangke maranin manginsue anambon sinuananna su leta'a. Wua'udde i ya'u nabbisara, “Mawu Apan Atanggaṛṛanne, ampungewe uman-Nu! I mangitou tumaniten addio'a wuṛṛu lome, ereapa wotongnge i mangitou maataṛṛangnga?”

AMOS 7:5

I ya'u nabbisara, “Oh Mawu Apan Atanggaṛṛanne, sal᷊andeanna illol᷊oa'e putungnga udde! Uman-Nu aroddi addio'a wuṛṛu lome, ereapa wotongnge i mangitou maataṛṛangnga?”

YUNUS 3:10

Ruata na'ellega inolaanni mangitou; i Tou naasilo manungku i mangitou buatte nanantangngu inolaanni mangitou apan dal᷊eo. Ne i Tou namal᷊u ṛiin-Ne, wuṛṛu tate nariaddi hakkuumanni mangitou.

YUNUS 4:2

Wua'udde i tou inumal᷊iomanna, “Oh Mawu, wal᷊inewe buatte ta'u niwal᷊o tantal᷊anna taambe nanantangngu wal᷊e'u dorone, manungku I'o sarun ma'ola'a arendi? Ana waugu udde i ya'u lapiddu tinumal᷊angngu watangangku watukku Spanyol! I ya'u masingkatta manungku I'o Ruata apan maakkanna wuṛṛu marangngu, ombon sabbare, masaṛṛionto'a, wuṛṛu sidutu uasaddia mamal᷊u ṛiinnu pallaṛṛuumanna.

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

HABAKUK 3:2

I ya'u naaringikka su ola'u inolaan-Nu, ne apendamma mal᷊angnganna namene naungku. Antimanna inolaanna wahewalla udde isule-Nu apia wuṛṛu iapal᷊iattang-Ngu sutempon kami indi. Ṛinone I'o umakkanni yami salaiwe naung-Ngu mal᷊oso.

REENGANNA 23:21

Si Yakub tawe nasiloanna al᷊al᷊eo; si Israel tae niasiloanna asasusa, Mawu, Ruata mangitou, uarundinganna si mangitou. I mangitou lullala'a: Tumba'u i Tou Ratu!

YAKOBUS 5:15

Amungkangu aal᷊iomanni mangitou niruitta ringannu pangangimanna, Mawu sarun mapaapian taumata maradda'a udde, wuṛṛu mangampunga manga rosa apan suete niolangnge.