REENGANNA 13:29 - WUKE SUSI WATTI'U AL᷊AL᷊USASSA

²⁹ Taumatan Amalek uatana'a su wageangngu timukku wanua udde; taumatan Het, Yebus wuṛṛu Amori uatana'a su wageangngu wuidda; arawe taumatan Kanaan uatana'a su wageangngu al᷊o'engngu tahal᷊oangnga wuṛṛu su al᷊o'engngu Sal᷊ukku Yordan.”

REENGANNA 13:29 Iomraidhean Croise

PANDARIADDI 14:7

Wua'udde manga mangangenggenna nabal᷊i'a apia wuṛṛu nabelengke watukku En-Mispat apan orassa indi isassago Kades. I mangitou nanahuanna ahewallu leta'u Amalek wuṛṛu napaarugin taumatan Amori apan uatana'a su Hazezon-Tamar.

NEHEMIA 9:8

Niasangkal᷊an-Nu i tou satia Si'o wuṛṛu matuṛṛutta. Ana see niolang-Ngu ringanni tou paaire apan matohassa. Leta'u Kanaan, Het wuṛṛu Amori, leta'u Feris, Yebus wuṛṛu Girgasi, sarangkanambone udde I'o mangonggolla si tou; maola'a tampa tatanaannu anambon papapulunne. Wua'udde I'o nanipussu, paaire udde si tou, ana waugu I'o matul᷊idda wuṛṛu satia.

DARALO 83:7

walahannu Edom wuṛṛu Ismael, manga taumatan Moab wuṛṛu Hagar;

SASABANGNGA 3:17

Wuṛṛu i Ya'u buatte nakkawessa mangapiddi mangitou sumabangnga wuassu Mesir, su tampa i mangitou a'allangana, wuṛṛu manguntuddi mangitou su sambau wanua apan ala wuṛṛu masuwukka, wanuan balahannu Kanaan, balahannu i Het, i Amori, i Feris, Hewi wuṛṛu i Yebus.

SASABANGNGA 3:8

Ana waugu udde i Ya'u sumossokke mamallossi mangitou wuassu liman taumata Mesir wuṛṛu mangapiddi mangitou sumabangnga wuassu wanua udde mattuddan sambau wanua apan mal᷊alangnga. Letangnge ala wuṛṛu masuwukka, wuṛṛu orassa indi wawanuannu balahannu Kanaan, balahannu i Het, i Amori, i Feris, i Hewi wuṛṛu i Yebus.

REENGANNA 13:17

Su tempo i Musa nandolokki mangitou, i tou nananata si mangitou, “Amatte watukku sawannakka, mattuddan wageangngu timukku leta'u Kanaan, ana see nassukka watukku wageangngu wuidda.

REENGANNA 13:30

Arawe i Kaleb napaatammudu naungngu manga taumata apan sussal᷊iomanna si Musa. Unni Kaleb, “Wanua udde ṛinone pangaloanni ite wuṛṛu aṛṛoanni ite orassa indi lai ana waugu i ite lembon mattohassanna mamaddon mangitou.”

REENGANNA 14:43

Su tempo i yamiu masasaruannu taumatan Amalek wuṛṛu taumatan Kanaan udde, i yamiu sarun mate sulal᷊ummu pangalo. Mawu tawe mallu'adda si yamiu ana waugu i yamiu mal᷊awangnga si Tou.”

REENGANNA 14:45

Ne taumatan Amalek wuṛṛu taumatan Kanaan apan uatana'a poiaroddi namangalo wuṛṛu namaddo manga taumatan Israel apiddu nangenggenna si mangitou naddatingngu Horma.

REENGANNA 24:20

Wua'udde sulal᷊ummu sondappa udde i Bileam naasilo manga taumatan Amalek. Ne i tou nabbisaran papatta indi, “Wuassu al᷊awo'u walahanna su runia, Amalek apan lembon uataṛṛino. Arawe walahanna udde su panginsueanne, sarun mawul᷊i lai saran mal᷊annu-l᷊annu.”

TAHIUL᷊E 20:17

Ere buatte nirolokku Mawu Ruatanu, i yamiu ṛinone mamate manga taumatan Het, Amori, Kanaan, Feris, Hewi wuṛṛu Yebus.

TAHIUL᷊E 7:1

“Mawu Ruatanu sarun mangapiddi yamiu watukku wanua apan sarun wanuanni yamiu, wuṛṛu manambo walahanna apan limbuaṛṛanna wua'isudde. Su saruannu matanu i Tou sarun mallimbuakka pitu walahanna apan maggewal᷊anna wuṛṛu mattohasanna wuassi yamiu, eteudde manga taumatan Het, Girgasi, Amori, Kanaan, Feris, Hewi wuṛṛu Yebus.

YOSUA 10:5

Ne siri lima ratun Amori udde, eteudde ratun Yerusalem, Hebron, Yarmut, Lakhis wuṛṛu Eglon na'ammula, ana see ringannu anambon tantaran mangitou, i mangitou inaite namangalo Gibeon.

YOSUA 10:6

Manga taumatan Gibeon nandohon watti'a indi si Yosua su paddasananna su Gilgal, “Arie pabbala'a yami sassane, Tuangnga! Paal᷊ihakke rumanta massumbala si yami, ana waugu anambon tantara wuassu ratun Amori su wageangngu panenteanna naammule mando'appa si yami!”

YOSUA 3:10

Amungkangu i yamiu inaite umamatta, Mawu sarun mallimbuakka taumatan Kanaan, Het, Hewi, Feris, Girgasi, Amori wuṛṛu Yebus. Wuṛṛu su tempo Wantalu Pa'aire Mawu ul᷊ilim pati'uppa tinumumbete Yordan malliu ṛoro si mangitou, i yamiu sarun maasilo manungku Mawu Ruata apan biakka, udde su pattangnganni yamiu.

YOSUA 5:1

Anambon ratun Amori su samba'an baṛṛatu Sal᷊ukku Yordan, wuṛṛu anambon ratun Kanaan su winggin Tahal᷊oangngu Tangngane naaringikka manungku Sal᷊ukku Yordan niapaamara Mawu al᷊annune ṛuangannu Israel tuttumbe sal᷊ukka udde. Ne i mangitou nata'utta wuṛṛu nangilladda waugu taumatan Israel.

YOSUA 9:1

Watti'a su ola'u manga auntungannu Israel tinumelengke su anambon ratu su samba'an baṛṛata Sal᷊ukku Yordan – su panenteanna, su wawal᷊annu wowone, wuṛṛu su leta'a su al᷊o'engngu apannu Tahal᷊oanga Tangane ma'oman sara araune su Wowon Libanon su samba'an sawannaka; eteudde manga ratun Het, Amori, Kanaan, Feris, Hewi wuṛṛu Yebus.

MAL᷊AṚṚUUNGNGA 3:5

Ana waugu udde manga taumatan Kanaan, Het, Amori, Feris, Hewi wuṛṛu Yebus sidutu uatana'a su wanua udde suadio'a ringannu walahannu Israel.

MAL᷊AṚṚUUNGNGA 6:3

Wuṛṛu naatamba lai, suapan mabbawaillu Israel apan mangasi'a wawail᷊anne, taumata Midian rumantate su sambau ringannu taumatan Amalek wuṛṛu manga taumata waine wuassu wadda'u anne mammangalo taumatan Israel.

1 SAMUEL 14:48

I tou napapangalo ringannu matohassa wuṛṛu waṛṛani wuṛṛu ana see namaddon taumatan Amalek, see lai namallossu taumatan Israel wuassu taṛṛinon taumata taṛṛa aṛṛo.

1 SAMUEL 27:8

Sutempo al᷊annune udde i Daud wuṛṛu tantarane masokka lai mamangalo taumatan Gesur, taumatan Girzi, wuṛṛu taumatan Amalek; manga walahanna udde mal᷊annute uatana'a su wageangngu leta'a udde. I tou mammangalo su leta'a udde araune naddatingngu Sur, wuṛṛu nasal᷊a watukku Mesir.

1 SAMUEL 30:1

Rua allo nal᷊iudda, i Daud wuṛṛu tantarane nabelengke watukku soan Ziklag. Napawe na'omate poiaroddi, i mangitou naaratingnga manungku taumatan Amalek buatte namangalo wageangngu leta'a su samba'an timukku wanuan Yehuda wuṛṛu namangalo Ziklag. I mangitou tawe namate saran sangkatou. Arawe soa udde nasue nisoṛṛobbi mangitou wuṛṛu nanassukku amatanni mangitou ringannu uaapiddu manga wawine, al᷊aṛṛana'a wuṛṛu manga tumanangnge waine. I mangitou lai nangapiddu amonanni Daud wuṛṛu amonannu tantarane, nasutta lai ruan katou awingngi Daud, i Ahinoam wuṛṛu i Abigail. I Daud wuṛṛu tantarane mangke nasusa, na'oman sara i mangitou lulluaite tawe illol᷊one na'oman sara nallome.

1 SAMUEL 7:14

Anambon soan Israel apan buatte niparentannu taumatan Filistin, manattakka wuassu Ekron maddatingngu Gat, niul᷊e apia su Israel. Nariaddi Israel naasomba apia ahewallu wageangngu letangnge. Taumatan Israel wuṛṛu taumatan Kanaan mabbiakka suadio'a ringannu paddarame.