REENGANNA 12:8 - WUKE SUSI WATTI'U AL᷊AL᷊USASSA

⁸ Wuṛṛu i Ya'u uahahatton tou ringannu uahahati, ringannu matualaga wuṛṛu tawe ringannu ao'o. Ewe'e hati'-U buatte! Anio iraddua waṛṛani lumawangnga si Musa, allang-Ku udde?”

REENGANNA 12:8 Iomraidhean Croise

PANDARIADDI 32:30

Wua'udde i Yakub nabbisara, “I ya'u buatte nassomba uahahati ringannu Ruata, wuṛṛu i ya'u ta'e wiakka.” Ana waugu udde tampa udde nissagon tou Pniel.

DARALO 17:15

Arawe i ya'u sarun ma'ellega Si'o, ana waugu i ya'u tawe sal᷊ane. Sutempo i ya'u napu'o, daranta-Nu naal᷊uassa naungku.

DARALO 49:4

I ya'u sarun mabbisara manga wisaran apande, addapattu ṛingirangku tumaniten mal᷊al᷊umma.

SASABANGNGA 19:19

Tingikku trompeta mallannu ma'ikkata. I Musa nabbisara, wuṛṛu Ruata sinumimbakka ringannu rallu'a.

SASABANGNGA 20:4

Imbaṛṛangnga i'o ma'ola'a paal᷊uanna hun su batangannu apan lihidde ere roso su langitta, su runia ara'e sulal᷊ummu ua'e su al᷊ungngu runia.

SASABANGNGA 33:11

Mawu uahahatton Musa ringannu uahahati, naal᷊ihidda taumata uahahatton yawene. Wua'udde i Musa nabbelengke su paddasananna. Arawe i Yosua ana'i Nun, sangkatou umbasanna ual᷊al᷊ima si Musa, sidutu uatana'a sulal᷊ummu Rasanna udde.

SASABANGNGA 33:19

Sasimbakku Mawu, “I Ya'u sarun sumabbi ringannu al᷊awo'u awawantu-U su saruannu, lapiddu managgon arang-Ku apan susi. Ete i Ya'u Mawu, wuṛṛu i Ya'u mapal᷊iatta'u darangngun naungnga wuṛṛu aakkanna su manga taumata apan Ta'u nipile.

SASABANGNGA 33:23

Ana see Ta'u wabbutanna lima-U tadea'u i'o wotongnge maasilo si Ya'u wuassu liudde, arawe hati-U sarun tawe asiloannu.”

SASABANGNGA 34:30

I Harun wuṛṛu anambon tumana'u soa naasilo manungku i Musa lullansiangnga hatine, i mangitou matta'utta mangundanin i Musa.

AMSAL 1:6

Ringannu aroddi i mangitou wotongnge maaurumma asingkatta apan uaadappingnga sulal᷊ummu wisara wul᷊awanna wuṛṛu maasunna manga wisaran taumata pande see lai manga hatto apan ipappasingkatti mangitou.

YESAYA 40:18

Nariaddi ringanni sai i'o manul᷊ungngu Ruata? Isai apan su pendamannu nassul᷊ungngi Tou?

YESAYA 46:5

Ringanni sai i yamiu mappulu manumanding-Ku? Apa piaddu wotongnge isul᷊ungnga si Ya'u?

YEHEZKIEL 17:2

apan i Ya'u, Mawu Apan Atanggaṛṛanne mamasingkatta si mangitou: Pia sambau manu'a asiaṛṛe apan wambul᷊une maṛṛansanga wuṛṛu papaidde mal᷊alakka see matohassa. I tou tinumalla'a su wowon Libanon, nanappo lal᷊uwo punnu alu cemara,

YEHEZKIEL 20:49

Arawe i ya'u Yehezkiel namasingkattu abaratangku wuṛṛu nabbisara, “Mawu Apan Atanggaṛṛanne, i ya'u arie paddoloṛṛa'a mabbal᷊on udde! Awada'alla sussal᷊iomanna ana waugu i ya'u mappulu mabbisara ringannu sasumandingnga na'oman sara masahadda passunnanne.”

HOSEA 12:13

Yakub al᷊amonan kite tinumal᷊angnga watukku Mesopotamia, ana see tadea'u maasomba awingnga, i tou nattaṛṛuallanga su taumata poiaroddi wuṛṛu mallu'adda manga domban taumata udde.

REENGANNA 14:14

wuṛṛu i mangitou sarun mabbatti'a manga taumata su wanua indi, apan buatte na'aringikka manungku I'o, Mawu, uarundinganna si yami. I mangitou na'aringikke lai manungku I'o naipasilon batangannu si yami su tempo I'o u'amatta su saruanni yami sulal᷊ummu pal᷊iaṛṛannu winabbawa su tempo allo, wuṛṛu sulal᷊ummu pal᷊iaṛṛannu putungnga su tempo ṛabbi.

REENGANNA 7:89

Suapan i Musa sumutta sulal᷊ummu Rasannu Mawu, maggahatto Mawu, i tou ma'aringikka tingikku Mawu apan mabbisara si tou wuassu wowon lal᷊uubbu Wantallu Pa'aire su wallatu darua paal᷊uannu mala'ekatta.

MATIUS 13:35

Ringannu aroddi nariaddite apa apan niwal᷊o nabi, “I ya'u mappaattu sasumandingnga amungkangngu maggahatto mangitou; I ya'u sarun mabbatti'u inolaanna apan uawuni ro'en arariadin runia indi.”

LUKAS 10:16

See Mawu Yesus nabbisara manga mallal᷊aṛṛenggen-Ne, “Taumata apan madaringikka si yamiu, madaringikka lai si Ya'u. Taumata apan mannol᷊a'i yamiu, mannol᷊a-U lai. Wuṛṛu taumata apan mannol᷊a-U, mannol᷊a'i Tou lai apan nandolo-U.”

YOHANES 1:18

Tawe saran sangkatou apan suete naasilo Ruata, tumba'u ana'u Iamangnga tinggassa, apan uasul᷊ungngu Iamangnga wuṛṛu uaaukka atonna ringanni Tou. Ete i Tou apan napaal᷊iatta'u Iamangnga si ite.

YOHANES 15:15

I Ya'u tate lai mamago si yamiu allangnga, ana waugu allangnga wagga apa apan tantal᷊anna mammanarannu mawune. I yamiu wagoangkute hawe, ana waugu sarangkanambone apan niaringiṛṛang-Ku wuassu Iamangnga, suete Ta'u niapaasingkatta si yamiu.

YOHANES 15:24

Unnu wisara su pattangnganni mangitou i Ya'u tawe na'ola'a apa apan taambe niola'u taumata waine, i mangitou tawe dosane. Arawe orassa indi i mangitou suete naasilo apa apan suete niola-U, wuṛṛu i mangitou maddanting-Ku wuṛṛu maddantinnu Iamang-Ku lai.

1 KORINTUS 13:12

Apa apan aasiloanni ite orassa indi eteudde nassul᷊ungngu lintau mal᷊abukka su saṛṛuminanna. Arawe i ite sarun maasilo ringannu matilangnga. Orassa indi ya'u ta'e waggan sarangkanambone, arawe sal᷊immurine i ya'u sarun maasingkata sarangkanambone ere lai Ruata namasingkatu sarangkanambone su ola'u riri'u.

2 KORINTUS 3:18

Orassa indi hatin kite tawe lal᷊indumannu tatindunga wuṛṛu i ite mangngapiddu awawantugu Mawu Yesus. Wuṛṛu ana waugu udde i ite sidutu wal᷊uanna maola'a ere i Tou; mallannu i ite maola'a mawantuga. Awawantuga udde wuassu Ghaṛṛaho, wuṛṛu Ghaṛṛaho udde eteudde Mawu.

TAHIUL᷊E 18:15

Ewe'e mawal᷊i'a lai waussu walahanni ite sassane sarun mandolokku sangkatou nabi ere i ya'u indi, wuṛṛu i yamiu ṛinone maddaringikka si tou.

TAHIUL᷊E 34:10

Su Israel tate lai nabi ere i Musa apan uahahatti uasasaruannu Mawu.

TAHIUL᷊E 4:15

“Naungete paapia-pia! Su tempo Mawu nabbisara si yamiu wuassa lal᷊ummu putungnga su Wowon Sinai, i yamiu tawe naasilo manga apa.

TAHIUL᷊E 5:8

Imbaṛṛangnga i yamiu ma'ola'a paal᷊uanna apan uasul᷊ungngu saranapa su langitta, su runia ara'e sulal᷊ummu ua'e su winangunanna.

KOLOSE 1:15

Eteudde Kristus hambaranna apan matualaga wuassu watangannu Ruata apan tawe asiloanna; eteudde Kristus Ana'a pahul᷊une, apianne wuassu manga al᷊awo'u inolaanna.

1 TESALONIKA 4:8

Taumata apan tawe madaringikka al᷊aṛṛa'a indi wal᷊inewe tawe madaringikka taumata, arawe tawe madaringikka Ruata apan nangonggollu Ghaṛṛaho-Ne susi si yamiu.

1 TIMOTIUS 6:16

Ete i Tou apan tawe aṛṛinoannu papate; i Tou mabbiakka sulal᷊ummu asasemakka apan tawe wotongnge aundanianni sai-sai. Tawe saran sangkatou taumata apan suete naasilo, ara'e wotongnge ma'ellega si Tou. Ete si Tou addata wuṛṛu taṛṛino ma'oman sara mal᷊annu-l᷊annu! Amin.

IBRANI 1:1

Su tempo rorone Ruata masokka uahahatton iupungngi ite sulal᷊ummu manga nabine ringannu mappaattu anambon dal᷊anna.

IBRANI 1:3

Ete i Tou apan napaatualagu awawantugu Ruata apan lullendapa; ete i Tou hambarana apan masemakka wuassu wadangu Ruata sassane. Ete i Tou lai apan mammadul᷊i pa'a'aukku ul᷊ilim pati'uppa indi ringannu ṛengetan-Ne apan lembon mataṛṛino. Napawe i Tou suete namalan taumata nipallosa wuassu manga rosa mangitou, i Tou inuma'ianna su adderan araratuanna su surga su sambau ringannu Ruata, tembonanne apan atanggaṛṛanne.

2 PETRUS 2:10

lembonete su manga taumata apan tuttuṛṛuta apulun naungngi mangitou apan lal᷊eo wuṛṛu mangal᷊uandaga taṛṛinon Duata. Aroddi awaṛṛanine wuṛṛu awungane manga huru awusu udde na'oman sara i mangitou tawe go'ane mangal᷊uandaga manga riaddianna apan mawantuga sara lai su surga!

YUDAS 1:8

Aroddi lai manga taumata udde maṛṛingiddu bal᷊iawa na'oman sara i mangitou ma'ola'a rosa su wadangngi mangitou sassane. I mangitou mangngaddio'a taṛṛino Duata wuṛṛu mangngal᷊uandaga manga inolaannu Mawu apan mawantuga su surga.