REENGANNA 12:6 - WUKE SUSI WATTI'U AL᷊AL᷊USASSA

⁶ wuṛṛu Mawu nabbisara, “Paddaringikke manga wisara-U indi! Amungkangngu suwallati yamiu pia sangkatou nabi, i Ya'u mapal᷊iatta'u watangang-Ku si tou sulal᷊ummu manga aellega, wuṛṛu maggahatton tou sulal᷊ummu wal᷊iawa.

REENGANNA 12:6 Iomraidhean Croise

PANDARIADDI 15:1

Wua'udde, i Abram naasomba sondappa wuṛṛu naaringikka Mawu nabbisara si tou, “Arie paata'utta, i Abram, i Ya'u sarun mallu'adda si'o wuassu asasilaka, wuṛṛu mangonggolla si'o lal᷊antakke apan manambo.”

PANDARIADDI 20:7

Arawe orassa indi, paawelenga'e i tou ringannu awingnge. Awingnge sangkatou nabi, wuṛṛu i tou sarun umal᷊iomannu, tadea'u i'o tawe mate. Arawe amungkangngu i'o tawe mapaawelengngi tou, naunge, i'o wuṛṛu anambon tumana'u soanu sarun mate!”

PANDARIADDI 28:12

Wua'udde i tou nabbal᷊iawate manungku i tou naasilo sambau tuadda uasaṛṛadda su runia wuṛṛu pentakke naddatingngu langitta wuṛṛu manga mala'ekatta uapapal᷊ele lullintukka su tuadda udde.

PANDARIADDI 28:16

Ana see i Yakub natimpu'ote wuassu atatiille wuṛṛu nabbisara, “Mawu udde isindi, su tampa udde, wuṛṛu wakkute orassa indi ya'u naasingkatta!”

PANDARIADDI 37:5

Su ṛabbi sambau i Yusuf nabbal᷊iawa, wuṛṛu napawe i tou nabbati'u wal᷊iawane udde su manga iaangnge, i mangitou lembon massa'u si tou.

PANDARIADDI 37:9

Wua'udde i Yusuf nabbal᷊iawa apia, wuṛṛu i tou nabbatti'a su manga iaangnge, “I ya'u nabbal᷊iawa apia, i ya'u naasilo matannallo, wul᷊anna wuṛṛu mapul᷊o dua anumpitanna nassubba si ya'u.”

PANDARIADDI 46:2

Sulal᷊ummu sambau aellega su tempo ṛabbi, Ruata nabbisara si tou, “I Yakub, i Yakub!” “I ya'u, Mawu,” sasimbakke.

2 SAMUEL 7:4

Arawe ṛabbi udde lai Mawu nabbisara si Natan,

1 MARARATU 3:15

Napawe napu'ote, i Salomo naatutukka manungku Ruata buatte nabbisara si tou sulal᷊ummu wal᷊iawa. Ne i tou nabbelengke watukku Yerusalem see dirumarisikka su saruannu Wantallu Paairen Mawu wuṛṛu nangonggollu sasamba itattambunna wuṛṛu sasamban paddarame. Wua'udde i tou na'ola'a andeangnga su anambon mammamanaran araratuanne.

1 MARARATU 3:5

Rabbi udde Mawu naipasilon batangan-Ne si tou sulal᷊ummu waliawa wuṛṛu nabbisara, “Salomo, paddorongke apa apan ipaapulunu, iddi sarun Ta'u ionggila si'o!”

AYUB 33:15

Tantal᷊anna taumata mattiilla mal᷊angnga sutempo ṛabbi, Ruata mabbisara sulal᷊ummu wal᷊iawa wuṛṛu sondappa.

AYUB 4:13

Atatii'u nasal᷊awaanna wuṛṛu nassongkakka si tou, naal᷊ihidda niwal᷊iawanna lal᷊eo su ṛabbi wasa.

DARALO 105:15

“Imbaṛṛangnga manal᷊awa'u manga taumata nipile-U, imbaṛṛangnga ma'ola'a al᷊al᷊eo su manga nabi-U!”

DARALO 89:19

Ana waugu mallal᷊u'adda si yami uddewe taumata Nipile-Nu, oh Mawu; ratun kami uddewe pussa'an Duatan Israel apan Susi.

SASABANGNGA 7:1

Mawu nabbisara si Musa, “I Ya'u sarun ma'ola'a si'o naal᷊ihidda Ruata su saruannu ratu, wuṛṛu tuṛṛangngu i Harun sarun massinaukka si tou maola'a nabinu.

YEREMIA 23:25

Sarangkanambone apan niwisara manga nabi udde i Ya'u masingkatte. Ringannu arang-Ku i mangitou mangngawusu manungku tanata-U buatte nisengkammi mangitou wuassu wal᷊iawa.

YEREMIA 23:28

Nabi apan nabbal᷊iawa ṛinone mabbisara, ‘Indi tumba'u wal᷊iawa.’ Arawae nabi apan naasomba tanata wuassia-U ṛinone mamasingkattu tanata udde ringannu atonna. Gandumma tawe iasul᷊ungngu laṛṛami.

YEHEZKIEL 1:1

Su allo al᷊imane wul᷊anna aiappanne su tonna tallun pul᷊o, sulal᷊ummu tonna al᷊imane ro'en i Ratu Yoyakhin niapidda su pamamuanganna, i ya'u, Imam Yehezkiel ana'i Busi, isudde su winggin Sal᷊ukku Kebar su Babel suadio'a ringannu manga taumatan Yahudi apan niwuangnga waine. Inaṛṛombanganne langitta nawu'a wuṛṛu i ya'u naasomba sondappa su ola'u Ruata. I ya'u naaringikka Mawu nabbisara si ya'u wuṛṛu i ya'u naapendamma atatohassu taṛṛino-Ne.

DANIEL 10:8

I ya'u nitantanga isudde sassane, lapidu mannutukka aellega apan maatiangnga udde. I ya'u nallomete wuṛṛu hati'u namikkassa.

DANIEL 2:19

Su rabbi udde lai Ruata namasingkattu addapingnga udde si Daniel sulal᷊ummu sambau sondappa. Ne Daniel naddalotte Ruata su surga,

DANIEL 7:1

Surabbi sambau, su tonna paarorone Belsyazar naola'a ratu su Babel, i ya'u, Daniel nabbal᷊iawa wuṛṛu naasomba sondappa. Wal᷊iawa udde ta'u niwoṛṛetta wuṛṛu wawal᷊o su ola'u sonda'u ere manansunna indi: Anginna ma'ikkatta nattiuppa wuassu al᷊awo'u pappi'uanne wuṛṛu pangillul᷊eanne tandi'a wahewalla su tahal᷊oangnga.

DANIEL 8:2

Sulal᷊ummu sondappa udde inauranna i ya'u poite su propinsi Elam, su Susan, inangu soa Persia. I ya'u uarisikka maranin Sal᷊ukku Ulai,

HOSEA 12:11

I Ya'u buatte, nabbisara su manga nabi, wuṛṛu nangongollu manambo sondappa si mangitou. Wuassi mangitou i Ya'u namasingkattu manga ṛiing-Ku hunan kamiu, uma-U,

YOEL 3:1

Mawu nabbisara, “Sutempo udde Yerusalem wuṛṛu Yehuda sarun Ta'u iapawelengnga apia lal᷊umanangnge.

ZAKARIA 1:8

i ya'u naasilo mala'ekattu Mawu uasa'e sambau awal᷊o maṛṛamu. I Tou nattaalla su sambau wawalanne suwallattu manga punnu alu murad. Su liudde uarisikka lai manga pira awal᷊o waine, piaddu maṛṛamu, maramu jambu wuṛṛu mawira.

REENGANNA 24:4

apan buatte naddaringikka manga wisaran Mawu Duata wuṛṛu naasilo sondappa wuassu Apan Lembontaṛṛino, apiddu naṛṛa'a, arawe ringannu mata uaalla.

MATIUS 1:20

Tantal᷊anna i Yusuf maṛṛingiddu olangnge udde, i tou nabal᷊iawa. Sulal᷊ummu bal᷊iawane udde, i tou naasilo sangkatou mala'ekattu Mawu nabbisara si tou, “i Yusuf, papapulunni Daud, arie pa'ata'utta ma'awingngi i Maria; ana waugu ana'a apan sulal᷊ummu illoṛṛone udde nariaddi wuassu taṛṛinon Ghaṛṛaho Duata.

MATIUS 2:19

Napawe i Herodes natete, tantal᷊anna i Yusuf ta'e su Mesir sangkatou mala'ekattu Mawu naipasilom batanganne si Yusuf sulal᷊ummu wal᷊iawa.

MATIUS 23:31

Nariaddi yamiu mangnga'u sassane manungku ete i yamiu papapulunnu manga taumata apan namate manga nabi!

MATIUS 23:34

Paddaringikka paapia-pia: i Ya'u sarun mandolokku manga nabi ringanni yamiu, taumata pande, wuṛṛu manga huru; sangkaadoanna wuassi mangitou sarun pateanni yamiu, wuṛṛu sangkaadoanna waine lai sarun iarussang kamiu. Piaddu sansaranni yamiu lai sulal᷊ummu manga wal᷊em pattataṛṛamawuanna, wuṛṛu i yamiu a'enggenanna wuassu soa sambau watukku soa apan baine.

MATIUS 23:37

“Yerusalem, Yerusalem! Manga nabi suete nipatenu. Manga ralol᷊oṛṛannu Ruata suete tinuntungannu watu na'oman sara nate. Paapirate i Ya'u maapulu mangammullu tumana'u soa naal᷊ihidda ere inangngu manu'a mangooppa al᷊aṛṛanangnge sulal᷊ummu papaidde, arawe i yamiu madiri!

MATIUS 27:19

Su tempo i Pilatus tantal᷊anna ua'ianna su wal᷊em pamarikisanna, awingnge nananata si tou ereindi, “Arie i'o lumal᷊o'a su hatton taumata apan tawe sal᷊ane udde, ana waugu ete i Tou, i ya'u niwal᷊iawannu wal᷊iawa apan maata'utta allo indi.”

LUKAS 1:11

Su tempo udde mala'ekattu Mawu nattingkapasilo si Zakharia. Mala'ekatta udde uarisikka su samba'an aikkatannu medda, su tampa pananutunganna amania.

LUKAS 1:22

Wuṛṛu su tempo i tou sinumabangnga, i tou tate maawisara si mangitou. I tou sidutu maggahatto ringannu limane wuṛṛu sidutu nimmoune. Ne manga taumata naasingkatte manungku i tou suete naasilo sambau sondappa sulal᷊ummu Wal᷊e Mawu.

LUKAS 20:6

Arawe amungkangngu i ite mabbisara, ‘Ringannu taṛṛinon taumata,’ manga taumata sarun manuntungngu watu si ite, ana waugu i mangitou mangngimanna manungku i Yohanes sangkatou nabi.”

WATTI'U MANGA RASUL 10:11

I tou naasilo langitta nawu'a wuṛṛu pia sambau naal᷊ihida ere mal᷊aṛṛenessa apan mal᷊al᷊akka, ia'ul᷊ukka watukku runia ua'ele su wuune appata.

WATTI'U MANGA RASUL 10:17

I Petrus nabingo maṛṛingiddu apa atappasannu sondappa udde. Tantal᷊anna i Petrus maṛṛingidda, manga taumata apan nirolokki Kornelius naasombate wal᷊en Simon wuṛṛu i mangitou uddete su ngara.

EFESUS 4:11

Ete i Tou apan “nangonggolu manga aonggola su taumata”; sangkawageanganna nitenega naola'a rasul, waine naola'a nabi; wuṛṛu waine lai naola'a mamamasingkatu Watti'u Al᷊al᷊uassa udde, wuṛṛu waine lai netenega naola'a manga huru wuṛṛu mamamadul᷊i jamaatta.

TAHIUL᷊E 18:15

Ewe'e mawal᷊i'a lai waussu walahanni ite sassane sarun mandolokku sangkatou nabi ere i ya'u indi, wuṛṛu i yamiu ṛinone maddaringikka si tou.

TAHIUL᷊E 18:18

Wuassu walahanni mangitou sassane i Ya'u sarun mandolokka inai ringanni mangitou sangkatou nabi ere lai i'o. I Ya'u sarun mamasingkatta si tou apa apan ṛinone iwisarane, ana see i tou sarun mamasingkatta su walahanna udde apa apan Ta'u nirolokka.

IBRANI 1:1

Su tempo rorone Ruata masokka uahahatton iupungngi ite sulal᷊ummu manga nabine ringannu mappaattu anambon dal᷊anna.

SONDAPPA 11:10

Tumana'u runia sarun lumuassa ana waugu inapateannu tiala darua udde. I mangitou sarun maddamea wuṛṛu sarun ma'a'agilu aonggola, ana waugu ruang katou nabi udde suete nandantan anambon asasusa su anambon taumata su runia.

SONDAPPA 11:3

I Ya'u sarun mandolokku ruang katou tiala-U apan ual᷊uṛṛem peddeta ilallal᷊o, wuṛṛu i mangitou sarun mamasingkatu watti'u Ruata al᷊annune 1260 su allone.”

1 SAMUEL 28:6

Ana see i tou naddorongke tatantiro su Mawu, arawe Mawu tawe sinumimbakka, mawae ete su wal᷊iawa ara'e lai mappaattu Urim wuṛṛu Tumim ara'e lai iwal᷊on manga nabi.

1 SAMUEL 3:15

Wua'udde i Samuel natiille apia, ne napawe marua'allone i tou napu'ote wuṛṛu namu'a manga ngaran Wal᷊en Mawu. I tou matta'utta mamasingkattu sondappa udde si Eli,